នាថ្ងៃទី ២៣ ខែតុលា នៅទីក្រុងហាណូយ លោក Ha Kim Ngoc អនុរដ្ឋមន្ត្រីក្រសួងការបរទេសវៀតណាម ប្រធានគណៈកម្មាធិការដឹកនាំការគាំពារប្រជាពលរដ្ឋនៃក្រសួងការបរទេស បានដឹកនាំកិច្ចប្រជុំនៃគណៈកម្មាធិការដឹកនាំ ដើម្បីពិភាក្សាអំពីបញ្ហាគាំពារពលរដ្ឋវៀតណាមនៅតំបន់ជម្លោះក្នុងស្ថានភាពតានតឹងដែលកំពុងកើនឡើងនាពេលបច្ចុប្បន្ននៅមជ្ឈិមបូព៌ា។
 |
| ទិដ្ឋភាពនៃកិច្ចប្រជុំ |
នៅក្នុងកិច្ចប្រជុំ ស្ថាប័នតំណាងការទូតវៀតណាមនៅអ៊ីស្រាអែល អារ៉ាប៊ីសាអូឌីត និងអេហ្ស៊ីប និងរដ្ឋប៉ាឡេស្ទីនបានរាយការណ៍អំពីស្ថានភាពនៅក្នុងតំបន់ដែលទទួលបន្ទុក ដើម្បីវាយតម្លៃ ព្យាករណ៍ និងកសាងផែនការគាំពារប្រជាពលរដ្ឋនាពេលខាងមុខ។ លោក Ha Kim Ngoc បានអះអាងថា ការធានាសុវត្ថិភាពអាយុជីវិត និងទ្រព្យសម្បត្តិរបស់ពលរដ្ឋវៀតណាមនៅតំបន់ជម្លោះ គឺជាអាទិភាពចម្បងរបស់រដ្ឋាភិបាល។
ដើម្បីអនុវត្តការគាំពារប្រជាពលរដ្ឋប្រកបដោយប្រសិទ្ធភាព និងឆាប់រហ័ស ការងារវាយតម្លៃ ការព្យាករណ៍ស្ថានភាព និងការត្រៀមរៀបចំផែនការគាំពារប្រជាពលរដ្ឋយ៉ាងសកម្ម មានសារៈសំខាន់។ ក្រសួងការបរទេសបន្តដឹកនាំស្ថាប័នតំណាងការទូតវៀតណាមនៅអ៊ីស្រាអែល អារ៉ាប៊ីសាអូឌីត និងអេហ្ស៊ីប និងរដ្ឋប៉ាឡេស្ទីន តាមដានយ៉ាងដិតដល់នូវស្ថានភាពនៅក្នុងតំបន់ជម្លោះ និងពិនិត្យជាបន្ទាន់នូវព័ត៌មានអំពីពលរដ្ឋវៀតណាមនៅប្រទេសសាមី សម្របសម្រួលយ៉ាងជិតស្និទ្ធជាមួយស្ថាប័នមានសមត្ថកិច្ចនៅប្រទេសសាមី និងវៀតណាម ដើម្បីគាំពារប្រជាពលរដ្ឋ និងធានាសុវត្ថិភាពសម្រាប់ពលរដ្ឋវៀតណាមក្នុងតំបន់ជម្លោះក្នុងករណីចាំបាច់៕
មតិពីមិត្តអ្នកអាន