នៅព្រឹកថ្ងៃទី១៥ ខែសីហា ទីចាត់ការកលយុទ្ធ អគ្គបញ្ជាការដ្ឋានកងយោធពលខេមរភូមិន្ទ បានអញ្ជើញមកបំពេញទស្សនកិច្ចការងារនៅកងពលធំលេខ៣១៦ បញ្ជាការដ្ឋានយោធភូមិភាគទី២ កងទ័ពប្រជាជនវៀតណាម។
 |
| ទិដ្ឋភាពនៃកិច្ចពិភាក្សា និងផ្លាស់ប្តូរបទពិសោធន៍ក្នុងវិស័យការងារផ្សេងៗរវាងកងពលធំលេខ៣១៦ និងទីចាត់ការកលយុទ្ធ អគ្គបញ្ជាការដ្ឋានកងយោធពលខេមរភូមិន្ទ |
លោកឧត្តមសេនីយ៍ទោ នឹម បាឡែន នាយកទីចាត់ការកលយុទ្ធ ជាប្រធានគណៈប្រតិភូ។ ទទួលស្វាគមន៍និងជួបធ្វើការជាមួយគណៈប្រតិភូរួមមានលោកឧត្តមសេនីយ៍ត្រី Tran Van Xo អនុប្រធាននាយកដ្ឋានកលយុទ្ធ អគ្គសេនាធិការដ្ឋាននៃកងទ័ពប្រជាជនវៀតណាម លោកឧត្តមសេនីយ៍ត្រី Nguyen Dang Khai មេបញ្ជាការរងបញ្ជាការដ្ឋានយោធភូមិភាគទី២។
ក្នុងបរិយាកាសស្និទ្ធស្នាល ភាគីទាំងពីរបានជួបពិភាក្សា និងផ្លាស់ប្តូរបទពិសោធន៍ក្នុងវិស័យផ្សេងៗក្នុងដំណាក់កាលបច្ចុប្បន្ន ទៅទស្សនាកន្លែងហូបចុក ស្នាក់នៅនិងហ្វឹកហាត់បាញ់កាំភ្លើង…
 |
| គណៈប្រតិភូទីចាត់ការកលយុទ្ធ អគ្គបញ្ជាការដ្ឋានកងយោធពលខេមរភូមិន្ទ ទស្សនាកន្លែងស្នាក់នៅ ហូបចុក នៅកងវរសេនាតូចលេខ៨ កងវរសេនាធំលេខ៩៨ កងពលធំលេខ៣១៦ |
ក្នុងជំនួបនោះ លោកវរសេនីយ៍ឯក Chu Van Thanh មេបញ្ជាការកងពលធំលេខ៣១៦ បានស្វាគមន៍ទីចាត់ការកលយុទ្ធ អគ្គបញ្ជាការដ្ឋានកងយោធពលខេមរភូមិន្ទ ដែលអញ្ជើញមកបំពេញទស្សនកិច្ចការងារនៅកងពលធំលេខ៣១៦។ លោកអះអាងថា នេះជាសកម្មភាពមួយក្នុងចំណោមសកម្មភាពរួមចំណែកពង្រឹងចំណងមិត្តភាព និងសាមគ្គីភាពរវាងប្រជាជន និងកងទ័ពនៃប្រទេសទាំងពីរនិយាយរួម រវាងកងពលធំលេខ៣១៦ យោធភូមិភាគទី២ កងទ័ពប្រជាជនវៀតណាមជាមួយទីចាត់ការកលយុទ្ធ អគ្គបញ្ជាការដ្ឋានកងយោធពលខេមរភូមិន្ទនិយាយដោយឡែក ដែលបង្ហាញទំនាក់ទំនងមិត្តភាពជាប្រពៃណីរវាងប្រជាជននៃប្រទេសទាំងពីរ។
 |
| គណៈប្រតិភូទីចាត់ការកលយុទ្ធ អគ្គបញ្ជាការដ្ឋានកងយោធពលខេមរភូមិន្ទ ថតរូបទុកជាអនុស្សាវរីយ៍ជាមួយថ្នាក់ដឹកនាំបញ្ជាការដ្ឋានយោធភូមិភាគទី២ និងមេបញ្ជាការកងពលធំលេខ៣១៦ |
ក្នុងនាមគណៈប្រតិភូ លោកឧត្តមសេនីយ៍ទោ នឹម បាឡែន បានថ្លែងអំណរគុណចំពោះការស្វាគមន៍យ៉ាងកក់ក្តៅរបស់បញ្ជាការដ្ឋានយោធភូមិភាគទី២ និងកងពលធំលេខ៣១៦ ជូនចំពោះគណៈប្រតិភូ។ ទន្ទឹមនឹងនោះ លោកបានជូនពរឲ្យទំនាក់ទំនងមិត្តភាព និងសាមគ្គីភាពពិសេសរវាងប្រជាជន និងកងទ័ពនៃប្រទេសទាំងពីរវៀតណាម-កម្ពុជា កាន់តែរីកចម្រើនថែមទៀត៕
មតិពីមិត្តអ្នកអាន