នាថ្ងៃទី ១១ ខែសីហា នៅខេត្ត Binh Phuoc បញ្ជាការដ្ឋានកងទ័ពការពារព្រំដែនខេត្ត Binh Phuoc សហការជាមួយស្នងការដ្ឋាននគរបាលខេត្តក្រចេះ បានរៀបចំកិច្ចពិភាក្សាស្តីពីកិច្ចសហការគ្រប់គ្រង និងការពារព្រំដែន។
 |
| កិច្ចពិភាក្សាស្តីពីកិច្ចសហការគ្រប់គ្រង និងការពារសន្តិសុខតាមព្រំដែនវៀតណាម - កម្ពុជា |
ក្នុងកិច្ចពិភាក្សានេះ អង្គភាពទាំងពីរបានពិភាក្សា និងឯកភាពលើខ្លឹមសារសហប្រតិបត្តិការ រួមមាន កិច្ចសហការគ្រប់គ្រង ការពារព្រំដែន ការពារសន្តិសុខ សណ្តាប់ធ្នាប់និងសុវត្ថិភាពសង្គម ទប់ស្កាត់និងបង្ក្រាបបទល្មើស រក្សាការអនុវត្តយ៉ាងតឹងរឹងនូវបទប្បញ្ញត្តិស្ដីពីគ្រប់គ្រងព្រំដែន រៀបចំកិច្ចពិភាក្សា កិច្ចប្រជុំ និងការផ្លាស់ប្តូរវប្បធម៌ សិល្បៈជាទៀងទាត់ ហើយជួយនិងគាំទ្រគ្នាទៅវិញទៅមកក្នុងការគ្រប់គ្រងគ្រោះមហន្តរាយធម្មជាតិ។ល។
អង្គភាពទាំងពីរបានឯកភាពលើវិធានការជាច្រើនដើម្បីអនុវត្តឲ្យបានល្អនូវកិច្ចសហប្រតិបត្តិការដែលផ្តោតលើការជំរុញការផ្សព្វផ្សាយ បង្កើនការផ្លាស់ប្តូរព័ត៌មាន កសាងផែនការជាក់លាក់។ តាមនោះ អង្គភាពទាំងពីរសហការគ្រប់គ្រង និងការពារព្រំដែនឲ្យកាន់តែជាក់ស្តែង និងមានប្រសិទ្ធភាព ដើម្បីកសាងព្រំដែនប្រកបដោយសន្តិភាព មិត្តភាព និងកិច្ចសហប្រតិបត្តិការ អភិវឌ្ឍន៍ ចូលរួមចំណែកពង្រឹងចំណងសាមគ្គីភាពនិងមិត្តភាពជាប្រពៃណីរវាងវៀតណាម និងកម្ពុជា៕
មតិពីមិត្តអ្នកអាន