យោងតាមទិន្នន័យថ្មីបំផុតរបស់នាយកដ្ឋានវិនិយោគបរទេស ក្រសួងផែនការ និងវិនិយោគ បានឲ្យដឹងថា គិតត្រឹមថ្ងៃទី ២០ ខែកក្កដា ដើមទុនសរុបដែលបានចុះបញ្ជីថ្មី កែសម្រួល និងបញ្ចូលដើមទុនទិញភាគហ៊ុន ទិញមូលធនរបស់វិនិយោគិនបរទេសចូលវៀតណាមឈានដល់ជិត ១៦,២៤ ពាន់លានដុល្លារអាមេរិក កើនឡើង ៤,៥% បើប្រៀបធៀបនឹងរយៈពេលដូចគ្នាកាលពីឆ្នាំមុន។
 Hai Phong (វៀតណាម) ទទួលបាន «ផ្លែផ្កា» ពីការទាក់ទាញ FDI |
 វៀតណាមឈ្នះមេដាយចំនួន៣ ក្នុងការប្រកួតអូឡាំពិកជីវសាស្ត្រអន្តរជាតិ ឆ្នាំ ២០២៣ |
 |
| វៀតណាមបានទាក់ទាញ FDI ជាង ១៦ពាន់លានដុល្លារអាមេរិកក្នុងរយៈពេល៧ខែដើមឆ្នាំ ២០២៣ |
ឧស្សាហកម្មកែច្នៃនិងផលិតកម្មបាននាំមុខគេក្នុងការទាក់ទាញដើមទុនពីបរទេស ជាមួយនឹងការវិនិយោគសរុបជាង ១០,៩៣ ពាន់លានដុល្លារអាមេរិក; បន្ទាប់មកគឺអាជីវកម្មអចលនទ្រព្យ; ឈរលំដាប់ថ្នាក់ទី៣ គឺវិស័យធនាគារ និងហិរញ្ញវត្ថុ។
ក្នុងរយៈពេល ៧ ខែដើមឆ្នាំនេះ ប្រទេសនិងតំបន់ដែនដីចំនួន ៩៤ បានមកបណ្តាក់ទុននៅវៀតណាម; ក្នុងនោះ សិង្ហបុរីនាំមុខគេ ដោយមានទុនវិនិយោគសរុបចំនួនជិត ៣,៦៤ ពាន់លានដុល្លារ។ បន្ទាប់មកគឺ កូរ៉េខាងត្បូង ចិន ជប៉ុន ហុងកុង (ចិន) និងតៃវ៉ាន់ (ចិន)។
ទាក់ទងទីតាំងវិនិយោគ វិនិយោគិនបរទេសបានបណ្តាក់ទុនក្នុងខេត្តក្រុងចំនួន ៥២/៦១។ ក្នុងនោះ ទីក្រុងហាណូយនាំមុខគេ ខណៈដែលទីក្រុង Hai Phong ជាប់ចំណាត់ថ្នាក់លេខ២ និងទីក្រុងហូជីមិញជាប់ចំណាត់ថ្នាក់លេខ៣៕
មតិពីមិត្តអ្នកអាន