លោកប្រធានរដ្ឋវៀតណាម Vo Van Thuong អំពាវនាវឲ្យរួមដៃគ្នាជួយជនក្រីក្រ

ប្រធានរដ្ឋវៀតណាមលោក Vo Van Thuong អញ្ជើញទទួលជួបឯកអគ្គរដ្ឋទូតនិងឯកអគ្គរាជទូតនៃអាស៊ាន

លោកប្រធានរដ្ឋ Vo Van Thuong អញ្ជើញមកដល់ទីក្រុងវៀងចន្ទន៍ ចាប់ផ្តើមដំណើរទស្សនកិច្ចជាផ្លូវការនៅឡាវ

ប្រធានរដ្ឋ Vo Van Thuong និងគណៈប្រតិភូផ្សេងទៀតបានស្នើ និងលើកទឹកចិត្តយុវជនឱ្យបរិច្ចាគឈាមដោយស្ម័គ្រចិត្ត

លោកប្រធានរដ្ឋ Vo Van Thuong - ប្រធានកិត្តិយសសមាគមកាកបាទក្រហមវៀតណាមអាណត្តិ ២០២២-២០២៧ បានអះអាងថា លោកនឹងរួមចំណែកយ៉ាងសកម្មក្នុងការអភិវឌ្ឍសមាគម និងចលនាមនុស្សធម៌នៅទូទាំងប្រទេសនាពេលខាងមុខ។

នាព្រឹកថ្ងៃតី ២៣ មេសា នៅទីក្រុង Can Tho បានប្រារព្ធពិធីបំផុសខែមនុស្សធម៌ជាតិឆ្នាំ ២០២៣ ក្រោមប្រធានបទ " ពីបេះដូងរបស់យើងម្នាក់ៗ - រួមដៃគ្នាកសាងសហគមន៍មេត្តាធម៌" និងចលនា "មនុស្សល្អធ្វើការងារល្អរួមកម្លាំងកាយចិត្តដើម្បីកសាង សហគមន៍មេត្តាធម៌”; អបអរសាទរខួបលើកទី ១៦០ ចលនាកាកបាទក្រហម និងអឌ្ឍចន្ទក្រហមអន្តរជាតិ។

នៅក្នុងពិធីនេះ លោកប្រធានរដ្ឋ Vo Van Thuong - ប្រធានកិត្តិយសសមាគមកាកបាទក្រហមវៀតណាមអាណត្តិ ២០២២-២០២៧ បានអះអាងថា លោកនឹងរួមចំណែកយ៉ាងសកម្មក្នុងការអភិវឌ្ឍសមាគម និងចលនាមនុស្សធម៌នៅទូទាំងប្រទេសនាពេលខាងមុខ។ លោកប្រធានរដ្ឋបានវាយតម្លៃថា ក្រោយរយៈពេល៥ឆ្នាំនៃការអនុវត្តគំនិតផ្តួចផ្តើមខែមនុស្សធម៌ កម្មវិធីនេះបានបំផុស និងផ្សព្វផ្សាយស្មារតីសាមគ្គីភាព និងការចែករំលែកនៅក្នុងសង្គម៖

“ដើម្បីខែមនុស្សធម៌ពិតជាក្លាយទៅជាខែសម្រាប់មនុស្សគ្រប់រូបធ្វើសកម្មភាពមនុស្សធម៌ “អង្គការនីមួយៗ បុគ្គលម្នាក់ៗ ភ្ជាប់ជាមួយអាស័យដ្ឋានមនុស្សធម៌” ចូលរួមចំណែកក្នុងការអនុវត្តគោលនយោបាយសន្តិសុខសង្គមរបស់បក្ស និងរដ្ឋ។ ខ្ញុំអំពាវនាវដល់ស្ថាប័ន អង្គភាពអាជីវកម្ម អង្គការអន្តរជាតិ សប្បុរសជន និងប្រជាជនគ្រប់ស្រទាប់វណ្ណៈ បន្តសម្របសម្រួល គាំទ្រ និងរួមដំណើរជាមួយកាកបាទក្រហមវៀតណាម ក្នុងការជួយឧបត្ថម្ភឲ្យកាន់តែមានប្រសិទ្ធភាពថែមទៀត សម្រាប់ជនក្រីក្រ និងប្រជាជនដែលមានស្ថានភាពរស់នៅលំបាក”។

លោកប្រធានរដ្ឋជឿជាក់ថា ក្នុងពេលអនុវត្តន៍ខែមនុស្សធម៌ឆ្នាំ២០២៣ និងចលនា “មនុស្សល្អធ្វើការងារល្អ រួមដៃគ្នាកសាងសហគមន៍ប្រកបដោយក្តីមេត្តាធម៌” ប្រទេសទាំងមូលនឹងរៃអង្គាសថវិកាយ៉ាងតិច ៤០០ ពាន់លានដុង (១៧ លានដុល្លាអាមេរិក) ដើម្បីជួយឧបត្ថម្ភដល់មនុស្សចំនួន ១លានដែលមានស្ថានភាពរស់នៅលំបាក ដែលក្នុងនោះ ផ្តល់អាទិភាពដល់ប្រជានេសាទក្រីក្រដែលជួបការលំបាក និងកុមារក្រីក្រ និងជនពិការ៕

ឌឹកអាញ់