កងទ័ពការពារព្រំដែនខេត្ដ Kon Tum និងខេត្ត Quang Nam (វៀតណាម) ជូនពរកម្លាំងការពារព្រំដែនកម្ពុជា និងឡាវ ក្នុងឱកាសបុណ្យចូលឆ្នាំថ្មីប្រពៃណីជាតិ

ខេត្ត Kom Tum (វៀតណាម)៖ រឹតចំណងសាមគ្គីភាពរវាងនិស្សិតវៀតណាមជាមួយនិស្សិតឡាវ និងកម្ពុជា

កងទ័ពការពារព្រំដែនខេត្ត Dak Lak និងខេត្ត An Giang (វៀតណាម) អញ្ជើញទៅសួរសុខទុក្ខ និងជូនពរឆ្នាំថ្មីកងកម្លាំងប្រដាប់អាវុធកម្ពុជា

ថ្នាក់ដឹកនាំប៉ុស្តិ៍ការពារព្រំដែន Suoi Cat ជូនពរបុណ្យចូលឆ្នាំថ្មី និងជូនអំណោយដល់កម្លាំងការពារព្រំដែនខេត្តរតនគិរី (រូបថត៖ Van Ly)

* ក្នុងបរិយាកាសសប្បាយរីករាយ និងស្មារតីសាមគ្គីភាព និងមិត្តភាព ប៉ុស្តិ៍ការពារព្រំដែននៃកងទ័ពការពារព្រំដែនខេត្ត Kon Tum បានឯកភាពជាមួយអង្គភាពនៃកងកម្លាំងការពារព្រំដែនកម្ពុជា-ឡាវ បន្តរក្សាការងារល្បាតទ្វេភាគី ការពារសុវត្ថិភាពនៅតាមខ្សែព្រំដែន បង្គោលព្រំដែន គ្រប់គ្រងយ៉ាងតឹងរឹងនូវសកម្មភាពឆ្លងដែន ប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទ បង្កើតលក្ខខណ្ឌអំណោយផលសម្រាប់ការអភិវឌ្ឍសេដ្ឋកិច្ច និងសង្គម។

ភាគីទាំងពីរបន្តផ្ដល់សេនាធិការជូនថ្នាក់លើនៃភាគីនីមួយៗ ដើម្បីដោះស្រាយបញ្ហាពាក់ព័ន្ធដល់អធិបតេយ្យភាពព្រំដែន; អនុវត្ដអនុស្សរណៈនៃការយោគយល់គ្នា ដែលបានចុះហត្ថលេខាដោយថ្នាក់លើនាពេលកន្លងមក។ ភាគីទាំងពីរក៏បានឯកភាពលើខ្លឹមសារ និងផែនការសំខាន់ៗមួយចំនួននាពេលខាងមុខ ដើម្បីពូនជ្រំចំណងសាមគ្គីភាព និងមិត្តភាពរវាងវៀតណាម និងកម្ពុជា; វៀតណាម-ឡាវដែរ។ ជាមួយគ្នានេះ ថ្នាក់ដឹកនាំបញ្ជាការដ្ឋានកងទ័ពការពារព្រំដែនខេត្ត ក៏អមដំណើរគណៈប្រតិភូថ្នាក់ដឹកនាំខេត្ត Kon Tum ទៅជូនពរបុណ្យចូលឆ្នាំថ្មី និងជូនអំណោយដល់អាជ្ញាធរ និងប្រជាជនខេត្តរតនគិរី (កម្ពុជា) និងខេត្ត Attapeu និង Sekong (ឡាវ)។

លោកវរសេនីយ៍ឯកបំរុង Phan Van Thi មេបញ្ជាការរង និងជានាយសេនាធិការកងទ័ពការពារព្រំដែនខេត្ត Quang Nam ជូនអំណោយ និងជូនពរបុណ្យចូលឆ្នាំថ្មីដល់បញ្ជាការដ្ឋានយោធាខេត្ត Sekong (រូបថត៖ Hong Anh)

* ក្នុងឱកាសពិធីបុណ្យប្រពៃណីជាតិឡាវ Bunpimay ក្នុងរយៈពេលពីរថ្ងៃគឺថ្ងៃទី ៩ និងថ្ងៃទី ១០ ខែមេសា គណៈប្រតិភូបញ្ជាការដ្ឋានកងទ័ពការពារព្រំដែនខេត្ត Quang Nam ដឹកនាំដោយលោកវរសេនីយ៍ឯកបំរុង Phan Van Thi មេបញ្ជាការរង នាយសេនាធិការកងទ័ពការពារព្រំដែនខេត្ត អញ្ជើញទៅសួរសុខទុក្ខ ជូនពរឆ្នាំថ្មី និងពិភាក្សាអំពីស្ថានភាពជាមួយបញ្ជាការដ្ឋានយោធា និងនគរបាលខេត្ត Sekong (ឡាវ)។

ថ្នាក់ដឹកនាំបណ្ដាអង្គភាពរបស់ភាគីឡាវ បានថ្លែងអំណរគុណចំពោះមនោសញ្ចេតនារបស់ថ្នាក់ដឹកនាំបញ្ជាការដ្ឋានយោធា កម្មាភិបាល និងយុទ្ធជននៃកងទ័ពការពារព្រំដែនខេត្ត Quang Nam សម្រាប់កម្មាភិបាល និងយុទ្ធជននៃបញ្ជាការដ្ឋានយោធានិងនគរបាលខេត្ដ Sekong ក្នុងឱកាសពិធីបុណ្យចូលឆ្នាំថ្មីប្រពៃណីជាតិឡាវ ព្រមទាំងមានបំណងចង់ទំនាក់ទំនងរបស់បណ្ដាអង្គភាពឲ្យកាន់តែរឹងមាំ រួមចំណែកដល់ការបំពេញភារកិច្ចរបស់ភាគីនីមួយៗ។

នាពេលខាងមុខ អង្គភាពនានាបានឯកភាពពង្រឹងការសម្របសម្រួល និងអនុវត្តខ្លឹមសារនិងកិច្ចសហប្រតិបត្តិការក្នុងការគ្រប់គ្រង និងការពារអធិបតេយ្យភាព សន្តិសុខ សុវត្ថិភាព និងសណ្តាប់ធ្នាប់នៅតាមតំបន់ព្រំដែន ជាពិសេសការសម្របសម្រួលល្បាត ការគ្រប់គ្រង និងការការពារខ្សែព្រំដែន បង្គោលព្រំដែន; ការគ្រប់គ្រងនៅច្រកទ្វារព្រំដែន; ប្រយុទ្ធប្រឆាំងនឹងឧក្រិដ្ឋកម្មឆ្លងដែន; ការចេញនិងចូលព្រំដែនខុសច្បាប់ ... រួមគ្នាកសាងព្រំដែនរួមរវាងប្រទេសទាំងពីរប្រកបដោយសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍ៕

យោងតាមកាសែតកងទ័ពប្រជាជន