ក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា ពីថ្ងៃទី៤ ដល់ថ្ងៃទី៦ ខែមេសា គណៈប្រតិភូបញ្ជាការដ្ឋានកងទ័ពការពារព្រំដែន ដឹកនាំដោយលោកឧត្តមសេនីយ៍ត្រី Nguyen Hoai Phuong មេបញ្ជាការរងបញ្ជាការដ្ឋានកងទ័ពការពារព្រំដែន បានអញ្ជើញទៅសួរសុខទុក្ខ និងជូនពរឆ្នាំថ្មីជូនចំពោះកងកម្លាំងប្រដាប់អាវុធកម្ពុជា។
 |
| លោកឧត្តមសេនីយ៍ត្រី Nguyen Hoai Phuong អញ្ជើញទៅសួរសុខទុក្ខ និងជូនពរឆ្នាំថ្មីជូនចំពោះថ្នាក់ដឹកនាំបញ្ជាការដ្ឋានកងរាជអាវុធហត្ថ កងយោធពលខេមរភូមិន្ទ |
គណៈប្រតិភូបានទៅសួរសុខទុក្ខ និងអបអរសាទរដល់បណ្ដាអង្គភាពដូចជា បញ្ជាការដ្ឋានកងទ័ពជើងគោក និងបញ្ជាការដ្ឋានកងរាជអាវុធហត្ថនៃកងយោធពលខេមរភូមិន្ទ; អគ្គស្នងការដ្ឋាននគរបាលជាតិ និងអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ ព្រះរាជាណាចក្រកម្ពុជា។
 |
| មេបញ្ជាការរងបញ្ជាការដ្ឋានកងទ័ពការពារព្រំដែនវៀតណាម អញ្ជើញទៅសួរសុខទុក្ខ និងជូនពរឆ្នាំថី្មជូនចំពោះបណ្ដាកងកម្លាំងប្រដាប់អាវុធកម្ពុជា |
 |
| លោកឧត្តមសេនីយ៍ត្រី Nguyen Hoai Phuong អញ្ជើញទៅសួរសុខទុក្ខ និងជូនពរឆ្នាំថ្មីជូនចំពោះថ្នាក់ដឹកនាំអគ្គនាយកដ្ឋានអន្តោប្រវេសន៍ ក្រសួងមហាផ្ទៃនៃព្រះរាជាណាចក្រកម្ពុជា |
ក្នុងជំនួបជាមួយថ្នាក់ដឹកនាំបណ្ដាអង្គភាព លោកឧត្តមសេនីយ៍ត្រី Nguyen Hoai Phuong បានផ្ញើសារជូនពរឆ្នាំថ្មីជូនចំពោះកម្មាភិបាល និងយុទ្ធជនទាំងអស់នៃកងកម្លាំងប្រដាប់អាវុធ និងប្រជាជនកម្ពុជា; ទន្ទឹមនឹងនោះ លោកបានបញ្ជាក់ថា កងកម្លាំងកងទ័ពការពារព្រំដែននឹងសហការយ៉ាងជិតស្និទ្ធជាមួយកងកម្លាំងប្រដាប់អាវុធកម្ពុជាក្នុងការគ្រប់គ្រង និងការពារព្រំដែន រក្សាសន្តិសុខ សណ្តាប់ធ្នាប់តាមតំបន់ព្រំដែន ទប់ស្កាត់បទល្មើស រួមចំណែកកសាងតំបន់ព្រំដែននៃប្រទេសទាំងពីរប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ៕
យោងតាមកាសែតកងទ័ពប្រជាជន
ថ្នាក់ដឹកនាំបក្ស និងរដ្ឋ អញ្ជើញទៅសួរសុខទុក្ខ និងជូនពរឆ្នាំថ្មីដល់អង្គភាពនានា
បញ្ជាការដ្ឋានអង្គរក្ស កងយោធពលខេមរភូមិន្ទ អញ្ជើញទៅសួរសុខទុក្ខ និងជូនពរឆ្នាំថ្មីដល់នគរបាលខេត្ត Tra Vinh (វៀតណាម)
មតិពីមិត្តអ្នកអាន