កិច្ចប្រជុំលើកទី២០ នៃគណៈកម្មាធិការចម្រុះវៀតណាម-កម្ពុជា ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកទេស

ការយាមល្បាតទ្វេភាគីនៅតំបន់ព្រំដែនវៀតណាម-កម្ពុជា

ដំណោះស្រាយជាបន្តបន្ទាប់ដើម្បី "ជំរុញ" ការដឹកជញ្ជូនតាមផ្លូវទឹក វៀតណាម-កម្ពុជា កើនឡើងជាង ២០%

លោក Bui Thanh Son ជួបពិភាក្សាការងារជាមួយ លោក ប្រាក់ សុខុន

នៅកិច្ចប្រជុំនេះ ភាគីទាំងពីរមានសេចក្តីសោមនស្សរីករាយចំពោះការអភិវឌ្ឍន៍ដ៏ល្អនៃទំនាក់ទំនងទ្វេភាគីនាពេលកន្លងមក ជាពិសេសការសម្របសម្រួលប្រកបដោយជោគជ័យក្នុងការរៀបចំជំនួបរវាងបក្សកុម្មុយនិស្តវៀតណាម និងគណបក្សប្រជាជនកម្ពុជា នាថ្ងៃទី២ ខែគុម្ភៈកន្លងមក ព្រមទាំងសកម្មភាពដ៏មានអត្ថន័យជាច្រើនទៀតក្នុងក្របខ័ណ្ឌ “ឆ្នាំមិត្តភាពវៀតណាម-កម្ពុជា និងកម្ពុជា-វៀតណាម ឆ្នាំ២០២២”។

កិច្ចសហប្រតិបត្តិការលើវិស័យការពារជាតិ-សន្តិសុខបានក្លាយទៅជាសសរស្តម្ភដ៏សំខាន់ក្នុងទំនាក់ទំនងរួមរវាងប្រទេសទាំងពីរ។ កិច្ចសហប្រតិបត្តិការសេដ្ឋកិច្ចគឺជាចំណុចលេចធ្លោមួយនៅក្នុងកិច្ចសហប្រតិបត្តិការរបស់ប្រទេសទាំងពីរក្នុងប៉ុន្មានឆ្នាំថ្មីៗនេះ។ នៅឆ្នាំ២០២២ ទំហំពាណិជ្ជកម្មទ្វេភាគីសម្រេចបាន ១០.៥៧ ពាន់លានដុល្លារអាមេរិក កើនឡើងជិត ១១% បើធៀបនឹងរយៈពេលដូចគ្នាក្នុងឆ្នាំ ២០២១។ ភាគីទាំងពីរបានឯកភាពបន្តរក្សាការផ្លាស់ប្តូរ ការពិគ្រោះយោបល់ និងយន្តការទ្វេភាគី អនុវត្តកិច្ចព្រមព្រៀងដែលបានចុះហត្ថលេខាប្រកបដោយប្រសិទ្ធភាព; ពង្រឹងកិច្ចសហប្រតិបត្តិការការពារជាតិ-សន្តិសុខ; ពង្រីកទំនាក់ទំនងរវាងសេដ្ឋកិច្ចទាំងពីរ; បន្តជំរុញ និងរក្សាសន្ទុះនៃកំណើនពាណិជ្ជកម្ម និងការវិនិយោគទ្វេភាគី; ពិចារណា និងដាក់ចេញគោលនយោបាយសមស្រប ដើម្បីដោះស្រាយការលំបាក និងឧបសគ្គសម្រាប់សហគ្រាសនៃប្រទេសទាំងពីរ។

លោក Bui Thanh Son ថ្លែង​ក្នុង​កិច្ច​ប្រជុំ

ភាគីទាំងពីរក៏បានឯកភាពពង្រឹងបន្ថែមទៀតនូវកិច្ចសហប្រតិបត្តិការលើវិស័យតភ្ជាប់ផ្លូវគមនាគមន៍ ទេសចរណ៍ កសិកម្ម-រុក្ខាប្រមាញ់-នេសាទ ប្រៃសណីយ៍ និងទូរគមនាគមន៍ និងបច្ចេកវិទ្យាព័ត៌មាន កម្លាំងពលកម្ម ធនធានធម្មជាតិ និងបរិស្ថាន ... ជំរុញកិច្ចសហប្រតិបត្តិការរវាងមូលដ្ឋាននានានៃប្រទេសទាំងពីរ និងកិច្ចសហប្រតិបត្តិការ ក្នុងក្របខ័ណ្ឌនៃតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV); បន្តកិច្ចសហប្រតិបត្តិការប្រកបដោយប្រសិទ្ធភាពក្នុងការស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុទាហានស្ម័គ្រចិត្តវៀតណាម និងអ្នកជំនាញដែលបានពលីជីវិតក្នុងសម័យសង្គ្រាមនៅកម្ពុជា។

នាថ្ងៃដដែល នៅទីក្រុងហាណូយ លោក Bui Thanh Son រដ្ឋមន្ត្រីក្រសួងការបរទេស ជួបពិភាក្សាការងារជាមួយលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា។

លោក ប្រាក់ សុខុន ថ្លែង​ក្នុង​កិច្ចប្រជុំ

ក្នុងជំនួបនេះ រដ្ឋមន្ត្រី Bui Thanh Son និងលោក ប្រាក់ សុខុន បានឯកភាពជំរុញ និងអនុវត្តយ៉ាងល្អនូវដំណើរទស្សនកិច្ចកម្រិតខ្ពស់; បន្តរក្សា និងលើកកម្ពស់ប្រសិទ្ធភាពនៃយន្តការសហប្រតិបត្តិការទ្វេភាគីដែលមានស្រាប់; អនុវត្តបានល្អនូវសេចក្តីថ្លែងការណ៍រួម និងកិច្ចព្រមព្រៀងសហប្រតិបត្តិការរវាងភាគីទាំងពីរ និងរដ្ឋាភិបាលទាំងពីរ; លើកកម្ពស់ការតភ្ជាប់នៃសេដ្ឋកិច្ចទាំងពីរ; ពង្រឹងកិច្ចសហប្រតិបត្តិការរវាងមូលដ្ឋាន ជាពិសេសរវាងខេត្តជាប់ព្រំដែន; ជំរុញការខ័ណ្ឌសីមាបោះបង្គោលព្រំដែននៅសេសសល់ ១៦% ដែលមិនទាន់បានបញ្ចប់ ដើម្បីបន្តកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាពរវាងប្រទេសទាំងពីរ។

ទិដ្ឋភាពនៃកិច្ចប្រជុំ

លោក Bui Thanh Son និងលោក ប្រាក់ សុខុន បានសង្កត់ធ្ងន់លើការសន្យាសហការជាមួយគ្នាយ៉ាងជិតស្និទ្ធក្នុងការពង្រឹងសាមគ្គីភាព ឯកភាព និងតួនាទីមជ្ឈភាពរបស់អាស៊ាន ក៏ដូចជាការពង្រឹងកិច្ចសហប្រតិបត្តិការរវាងអាស៊ាន និងប្រទេសដៃគូ។ អំពីបញ្ហាសមុទ្រខាងកើត ភាគីទាំងពីរបានឯកភាពអះអាងអំពីសារៈសំខាន់នៃការរក្សាសន្តិភាព សន្តិសុខ និងស្ថិរភាពក្នុងតំបន់ ធានាសេរីភាពនិងសុវត្ថិភាពនៃនាវាចរណ៍ និងអាកាសចរណ៍; ដោះស្រាយវិវាទដោយសន្តិវិធី ឈរលើមូលដ្ឋានច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ១៩៨២ (UNCLOS) អនុវត្តយ៉ាងពេញលេញនូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) ខិតខំសម្រេចបាននូវក្រមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធភាព ស្របតាមច្បាប់អន្តរជាតិ រួមទាំង UNCLOS ១៩៨២ ផងដែរ៕

យោងតាមកាសែតកងទ័ពប្រជាជន