សហគមន៍ជនវៀតណាមនៅកម្ពុជាប្រារព្ធពិធីបុណ្យចូលឆ្នាំថ្មី ឆ្នាំថោះបញ្ជស័ក ២០២៣

វៀតណាម៖ ឈរលើកំពូលតារាងនៃគោលដៅទាក់ទាញក្នុងឆ្នាំ ២០២៣

Nikkei៖ VNG ស្ថិតក្នុងក្រុមហ៊ុនអាស៊ីទាំង ១០ ដែលទន្ទឹងរងចាំបំផុតក្នុងឆ្នាំ ២០២៣

លោក Nguyen Thanh Van អគ្គកុងស៊ុលវៀតណាមប្រចាំខេត្តបាត់ដំបង

ក្នុងពិធីនេះ តាងនាមបក្ស រដ្ឋ ក្រសួងការបរទេស កម្មាភិបាលនិងបុគ្គលិកនៃស្ថានអគ្គកុងស៊ុលវៀតណាមប្រចាំខេត្តបាត់ដំបង លោក Nguyen Thanh Van អគ្គកុងស៊ុលបានផ្ញើសារជូនពរដល់បងប្អូនញាតិមិត្ត និងភ្ញៀវកិត្តិយសទាំងអស់ក្នុងឱកាសឆ្នាំថ្មីមានសុខភាពល្អ បរិបូរនិងជូនពរចំណងមិត្តភាពវៀតណាម-កម្ពុជាស្ថិតស្ថេរជារៀងរហូត។

ក្នុងបរិយាកាសដ៏រីករាយដើម្បីស្វាគមន៍បុណ្យចូលឆ្នាំថ្មី លោក Nguyen Thanh Van អគ្គកុងស៊ុលខេត្តបាត់ដំបង បានជម្រាបជូននូវសមិទ្ធផលលេចធ្លោរបស់ប្រទេសក្នុងឆ្នាំ ២០២២៖ ក្នុងឆ្នាំកន្លងមក ទោះបីជាស្ថានភាពសកលលោក និងតំបន់មានការប្រែប្រួលជាច្រើនក៏ដោយ។ ទន្ទឹមនឹងផលប៉ះពាល់នៃការរាតត្បាតនៃជំងឺកូវីដ-១៩ ប៉ុន្តែនៅប្រទេសវៀតណាម ក្រោមការដឹកនាំដ៏ឈ្លាសវៃរបស់បក្ស និងការដឹកនាំរបស់រដ្ឋាភិបាលនោះ សេដ្ឋកិច្ចរបស់យើងបានកើនឡើង ៨,០២% ស្ថានភាពនយោបាយ សន្តិសុខសង្គម គឺស្ថិរភាពជីវភាពរស់នៅរបស់ប្រជាជនកាន់តែល្អប្រសើរ។

ឆ្នាំ ២០២២ ក៏ជាឆ្នាំដែលថ្នាក់ដឹកនាំនៃប្រទេសទាំងពីរជ្រើសរើសជាឆ្នាំមិត្តភាពវៀតណាម - កម្ពុជា, កម្ពុជា - វៀតណាម ដើម្បីអបអរសាទរខួបលើកទី ៥៥ នៃការបង្កើតទំនាក់ទំនងការទូតរវាងប្រទេសទាំងពីរជាមួយនឹងសកម្មភាពសំខាន់ៗជាច្រើនដែលមានសារៈសំខាន់ជាក់ស្តែងត្រូវបានរៀបចំ។

អំពីស្ថានភាពសហគមន៍ជនវៀតណាមឆ្នាំ២០២២ សកម្មភាពរបស់សាខាសមាគមខ្មែរ-វៀតណាមត្រូវបានរៀបចំយ៉ាងល្អប្រសើរ ប្រជាជនមានស្មារតីសាមគ្គីភាព ស្រឡាញ់គ្នាទៅវិញទៅមក និងជួយគ្នាទៅវិញទៅមក ជំនះការលំបាក ស្ថិរភាព និង​ជីវភាពរស់នៅកាន់តែប្រសើរឡើងជាលំដាប់។

ក្រឡេកមើលក្នុងឆ្នាំកន្លងមក តំណាងបេសកកម្មការទូតវៀតណាមប្រចាំភាគពាយ័ព្យនៃប្រទេសកម្ពុជា សង្ឃឹមថា បងប្អូនអាណិកជនគោរពច្បាប់របស់ប្រទេសសាមី ខិតខំប្រឹងប្រែង យកចិត្ដទុកដាក់ដល់កូនៗ លើកតម្កើងប្រពៃណីសាមគ្គីភាព រក្សាអត្តសញ្ញាណវប្បធម៌ជាតិ រួមចំណែកពូនជ្រំទំនាក់ទំនងមិត្តភាព និងកិច្ចសហប្រតិបត្តិការរវាងវៀតណាម និងកម្ពុជា។

ក្នុងឱកាសបុណ្យចូលឆ្នាំថ្មីប្រពៃណីជាតិ ២០២៣ នៅថ្ងៃទី១០ ខែមករា ក្រុមហ៊ុនមិត្តហ្វូនមានសាខាក្នុងខេត្តបាត់ដំបង ពោធិ៍សាត់ និងខេត្តសៀមរាប បានប្រគល់អំណោយចំនួន ៦៧២ កញ្ចប់ ជាទឹកប្រាក់ជាង ១ ម៉ឺនដុល្លារ ជូនប្រជាពលរដ្ឋដើមកំណើតវៀតណាមក្នុងខេត្តចំនួន ៧ នៃភាគពាយ័ព្យនៃប្រទេសកម្ពុជា៕

យោងតាមកាសែតកងទ័ពប្រជាជន