នគរបាលខេត្តកណ្តាលជូនពរឆ្នាំថ្មីដល់នគរបាលខេត្ត An Giang (វៀតណាម)

គណៈកម្មាធិការរណសិរ្សមាតុភូមិវៀតណាមខេត្ត An Giang (វៀតណាម) ចុះហត្ថលេខាលើកិច្ចព្រមព្រៀងសហប្រតិបត្តិការជាមួយរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តក

ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត An Giang (វៀតណាម) អបអរសាទរខួបលើកទី ៤៤ នៃទិវាបង្កើតរណសិរ្សសាមគ្គី អភិវឌ្ឍន៍មាតុភូមិកម្ពុជា

លោកវរសេនីយ៍ឯក Lam Phuoc Nguyen នាយកនគរបាលខេត្ដ An Giang ប្រគល់ថវិកាជួយឧបត្ថម្ភនគរបាលខេត្ដកណ្ដាល

ទទួលជួបគណៈប្រតិភូមានលោកវរសេនីយ៍ឯក Lam Phuoc Nguyen នាយកនគរបាលខេត្ត An Giang និងថ្នាក់ដឹកនាំនគរបាលខេត្ដផងដែរ។

ថ្នាក់ដឹកនាំនគរបាលនៃខេត្តទាំងពីរបានជូនដំណឹងអំពីលទ្ធផលលេចធ្លោនៃស្ថានភាពសេដ្ឋកិច្ច វប្បធម៌ សន្តិសុខ និងសណ្តាប់​ធ្នាប់ ព្រមទាំងបានសង្កត់ធ្ងន់ថា នាពេលកន្លងមក ទំនាក់ទំនងរវាងនគរបាលខេត្តកណ្តាល និងនគរបាលខេត្ដ An Giang កាន់តែបានពង្រឹង និងពង្រីកឥតឈប់ឈរ។

លោកឧត្តមសេនីយ៍ទោ ឈឿន សុចិត្រ បានជូនពរគណៈនាយកនគរបាល រួមទាំងកម្មាភិបាលនិងយុទ្ធជនក្នុងឱកាសបុណ្យចូលឆ្នាំថ្មីប្រពៃណីជាតិវៀតណាមមានសុខភាពល្អ សុភមង្គល និងសម្រេចជោគជ័យគ្រប់ភារកិច្ច។ ព្រមទាំងលោកក៏បានថ្លែងអំណរគុណចំពោះការយកចិត្ដទុកដាក់ និងការជួយជ្រោមជ្រែងរបស់នគរបាលខេត្ដ An Giang ក្នុងរយៈពេលកន្លងមក ជាពិសេសក្នុងការប្រយុទ្ធប្រឆាំងនឹងជំងឺកូវីដ-១៩។

លោកវរសេនីយ៍ឯក Lam Phuoc Nguyen បានថ្លែងអំណរគុណចំពោះមនោសញ្ចេតនាដែលគណៈប្រតិភូ​ និងលោកឧត្តមសេនីយ៍ទោ ឈឿន សុចិត្រ បានផ្ដល់ជូននគរបាលខេត្ត An Giang ក្នុងឱកាសបុណ្យចូលឆ្នាំថ្មី។ នាយកនគរបាលខេត្ត An Giang សង្ឃឹមថា នាពេលខាងមុខ នគរបាលខេត្តទាំងពីរនឹងបន្តបង្កើនការផ្លាស់ប្តូរព័ត៌មានទាក់ទងនឹងសន្តិសុខព័ត៌មាន ជំរុញកិច្ចសហប្រតិបត្តិការលើវិស័យទប់ស្កាត់បទល្មើស ផ្តោតលើការដោះស្រាយស្ថានការណ៍សន្តិសុខតាមព្រំដែន ជាពិសេសឧក្រិដ្ឋកម្មឆ្លងដែនខុសច្បាប់ដូចជាការជួញដូរមនុស្ស គ្រឿងញៀន ការរត់ពន្ធ... រួមចំណែកកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍទៅវិញទៅមក ដោយពាក្យស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង”៕

យោងតាមកាសែតកងទ័ពប្រជាជន