ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត An Giang (វៀតណាម) អបអរសាទរខួបលើកទី ៤៤ នៃទិវាបង្កើតរណសិរ្សសាមគ្គី អភិវឌ្ឍន៍មាតុភូមិកម្ពុជា

បង្កើនកិច្ចសហប្រតិបត្តិការរវាងសមាគមសហព័ន្ធនារីខេត្ត An Giang (វៀតណាម)និងសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តតាកែវ និងខេត្តកណ្តាល

អបអរសាទរខួបលើកទី ៥០ នៃទំនាក់ទំនងការទូតរវាងវៀតណាម និងដាណឺម៉ាក

លោក Nguyen​ Tiec Hung ជូនអំណោយដល់ថ្នាក់ដឹកនាំគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តតាកែវ

តាងនាមគណៈប្រតិភូ លោក Nguyen Tiec Hung បានវាយតំលៃខ្ពស់ចំពោះការរួមវិភាគទានជាវិជ្ជមានរបស់គណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តតាកែវ ក្នុងការពង្រឹងនិងពង្រីកទំនាក់ទំនងភាពជាអ្នកជិតខាងល្អ មិត្តភាព កិច្ចសហប្រតិបត្តិការ រវាងវៀតណាម និងកម្ពុជានិយាយរួម និងរវាងខេត្តទាំងពីរខេត្ត An Giang និងខេត្តតាកែវ និយាយដោយឡែក។ តាមរយៈនោះ រណសិរ្សនៃខេត្តទាំង២ នឹងបន្តពង្រឹង និងរឹតចំណងសាមគ្គីភាព មិត្តភាព កិច្ចសហប្រតិបត្តិការក្នុងការអភិវឌ្ឍសេដ្ឋកិច្ច សង្គម ធានាសន្តិសុខ សណ្តាប់ធ្នាប់ សុវត្ថិភាពសង្គមតាមព្រំដែន និងលើកកម្ពស់គុណភាពនៃជីវភាពរស់នៅរបស់ប្រជាពលរដ្ឋ។

ថ្លែងក្នុងពិធីនេះ លោក ទុំ សុខគា សមាជិកគណៈកម្មាធិការកណ្តាលគណបក្សប្រជាជនកម្ពុជា រដ្ឋមន្ត្រីក្រសួងដឹកជញ្ជូន និងសាធារណការ ទទួលបន្ទុកគណៈកម្មាធិការគណបក្សខេត្តក្រចេះ បានសង្កត់ធ្ងន់ថា៖ រណសិរ្សសាមគ្គីសង្គ្រោះជាតិកម្ពុជា គឺ អង្គការ​មហាជន​ត្រួសត្រាយ​របស់​គណបក្ស​ប្រជាជន​កម្ពុជា ដែល​បាន​បង្កើត​ឡើង​នៅ​ថ្ងៃ​ទី ២ ខែ​ធ្នូ ឆ្នាំ ១៩៧៨ នៅតំបន់រំដោះឃុំស្នួល ស្រុកស្នួល ខេត្តក្រចេះ ប្រទេសកម្ពុជា ដើម្បីផ្ដួលរំលំរបបខ្មែរក្រហមប្រល័យពូជសាសន៍។ រណសិរ្សបានកើតចេញពីកម្លាំងនៃការរួបរួមជាតិដ៏អស្ចារ្យទាំងក្នុងប្រទេស និងក្រៅប្រទេស ក្រោមការចាត់តាំង និងការដឹកនាំរបស់ថ្នាក់ដឹកនាំ៖ សម្តេច ហេង សំរិន សម្តេច ជា ស៊ីម សម្តេច ហ៊ុន សែន និងប្រជាពលរដ្ឋជាទីគោរពស្រលាញ់ជាច្រើនប្រទេស រួមគ្នាប្រមូលផ្តុំកម្លាំងដើម្បីផ្តួលរំលំរបបប្រល័យពូជសាសន៍ខ្មែរ របបក្រហម។

ក្នុងឱកាសនេះ លោក វ៉ា ថន - អភិបាលខេត្តក្រចេះ ប្រធានគណបក្សប្រជាជនកម្ពុជាខេត្តក្រចេះ ប្រធានគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តក្រចេះ បានអំពាវនាវដល់ប្រជាពលរដ្ឋគ្រប់ស្រទាប់វណ្ណៈក្នុងខេត្តក្រចេះ បន្តលើកកម្ពស់ស្មារតីសាមគ្គីភាព រក្សាប្រពៃណីស្នេហាជាតិ និងប្រឹងប្រែងបម្រើប្រទេសជាតិ តាមគោលការណ៍ណែនាំរបស់គណបក្សប្រជាជនកម្ពុជា និងវេទិកានយោបាយរបស់រាជរដ្ឋាភិបាល។ ជាមួយគ្នានេះ លោកក៏បានថ្លែងអំណរគុណ និងដឹងគុណយ៉ាងជ្រាលជ្រៅចំពោះមិត្តភក្តិអន្តរជាតិ ជាពិសេសប្រទេសវៀតណាម ដែលបានគាំទ្រដោយស្មោះស្ម័គ្រ និងជួយបុព្វហេតុដ៏ត្រឹមត្រូវរបស់ប្រជាជនកម្ពុជា។

ក្នុងឱកាសនេះ គណៈកម្មាធិការរណសិរ្សមាតុភូមិវៀតណាមខេត្ត An Giang បានទៅដាក់កម្រងផ្កា និងអុជធូបនៅស្តូបមិត្តភាពវៀតណាម-កម្ពុជា៕

យោងតាមកាសែតកងទ័ពប្រជាជន