អបអរសាទរខួបលើកទី ៥០ នៃទំនាក់ទំនងការទូតរវាងវៀតណាម និងដាណឺម៉ាក

អបអរសាទរខួបលើកទី ២៥ នៃការបង្កើតវិទ្យាស្ថានវប្បធម៌អាហ្សង់ទីន-វៀតណាម

ជំរុញខ្លាំងកិច្ចសហប្រតិបត្តិការក្នុងការផ្លាស់ប្តូរបៃតង និងឌីជីថលរវាងវៀតណាម និងដាណឺម៉ាក

នាថ្ងៃទី ១ ខែវិច្ឆិកា ឆ្នាំ ២០២២ ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅវៀតណាមរបស់ព្រះអង្គម្ចាស់ Frederik នៃប្រទេសដាណឺម៉ាក និងម្ចាស់ក្សត្រី Mary Elizabeth តបតាមការអញ្ជើញរបស់អនុប្រធានរដ្ឋ Vo Thi Anh Xuan នៅទីក្រុងហាណូយ ពិធីរំលឹកខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងដាណឺម៉ាក (១៩៧១-២០២១) បានប្រព្រឹត្តទៅ។

អញ្ជើញចូលរួមក្នុងពិធីនេះ មានអនុប្រធានរដ្ឋ Vo Thi Anh Xuan; ព្រះអង្គម្ចាស់នៃប្រទេសដាណឺម៉ាក និងព្រះអង្គម្ចាស់ក្សត្រី, អនុរដ្ឋមន្ត្រីក្រសួងការបទេសដាណឺម៉ាក; ថ្នាក់ដឹកនាំការិយាល័យប្រធានាធិបតី និងក្រសួង និងសាខានៃប្រទេសទាំងពីរ។

ថ្លែងមតិក្នុងពិធីនេះ រាជទាយាទនៃប្រទេសដាណឺម៉ាក Frederik បានសម្តែងនូវសេចក្តីសោមនស្សរីករាយនៅពេលបានវិលត្រឡប់មកកាន់ប្រទេសវៀតណាមវិញ មានឱកាសរីករាយជាមួយភាពស្រស់ស្អាតវប្បធម៌របស់ទីក្រុងហាណូយ និងស្ងើចសរសើរចំពោះការអភិវឌ្ឍន៍ដ៏ខ្លាំងក្លារបស់ប្រទេសវៀតណាម ដែលជាប្រទេសដែលព្រះរាជវង្សានុវង្សដាណឺម៉ាក និងព្រះអង្គម្ចាស់ក្សត្រីមានមនោសញ្ចេតនាពិសេស។

ព្រះអង្គម្ចាស់មានសេចក្តីសោមនស្សរីករាយដោយបានឃើញពីការអភិវឌ្ឍន៍ជាវិជ្ជមាននៃទំនាក់ទំនងមិត្តភាព និងកិច្ចសហប្រតិបត្តិការរវាងវៀតណាម និងដាណឺម៉ាក ហើយបានសង្កត់ធ្ងន់ថាដំណើរទស្សនកិច្ចនៅវៀតណាមរបស់ព្រះអង្គម្ចាស់ដោយមានការចូលរួមពីគណៈប្រតិភូធុរកិច្ចដាណឺម៉ាកដ៏ធំមួយ ក្នុងបំណងពិភាក្សាជាមួយដៃគូវៀតណាមអំពីដំណោះស្រាយជួយឧបត្ថម្ភវៀតណាមក្នុងដំណើរការនៃការអភិវឌ្ឍន៍ប្រកបដោយចីរភាព បង្កើតសន្ទុះថ្មីក្នុងកិច្ចសហប្រតិបត្តិការវិនិយោគរវាងសហគមន៍ធុរកិច្ចនៃប្រទេសទាំងពីរ។ ដោយចែករំលែកនូវគោលដៅកាត់បន្ថយការបំភាយកាបូន និងការបំប្លែងថាមពលស្អាត ព្រះរាជបុត្រជឿជាក់ថា ដាណឺម៉ាកនឹងតែងតែជាដៃគូជាមួយវៀតណាមឆ្ពោះទៅរកគោលដៅកំណើនបៃតងប្រកបដោយចីរភាព។

អនុប្រធានរដ្ឋ Vo Thi Anh Xuan បានចែករំលែកថា វៀតណាម និងដាណឺម៉ាកបានបង្កើតទំនាក់ទំនងការទូតជាផ្លូវការនៅឆ្នាំ ១៩៧១ ដោយដាក់ឥដ្ឋដំបូងក្នុងដំណើរការកសាងស្ពាននៃកិច្ចសហប្រតិបត្តិការទ្វេភាគី។ បន្ទាប់ពីពាក់កណ្តាលសតវត្សនៃការអភិវឌ្ឍន៍ ទំនាក់ទំនងនៃប្រទេសទាំងពីរបានប្រែក្លាយពីកិច្ចសហប្រតិបត្តិការអភិវឌ្ឍន៍ប្រពៃណីទៅជាភាពជាដៃគូសមភាព និងផលប្រយោជន៍ទៅវិញទៅមក ហើយភាគីទាំងពីរបានបង្កើតភាពជាដៃគូគ្រប់ជ្រុងជ្រោយ។ វៀតណាមនិងដាណឺម៉ាកនាពេលបច្ចុប្បន្ននេះពិតជាបានក្លាយទៅជាដៃគូដែលអាចទុកចិត្តបាន ស្វាហាប់ និងមានប្រសិទ្ធភាព។ អនុប្រធានរដ្ឋ Vo Thi Anh Xuan បានសម្តែងនូវទំនុកចិត្តថា ឈរលើមូលដ្ឋាននៃទំនាក់ទំនងប្រពៃណីល្អ មានស្រាប់, វៀតណាម និងដាណឺម៉ាកនឹងបន្តពង្រឹងកិច្ចសហប្រតិបត្តិការលើគ្រប់កម្រិតទ្វេភាគី និងពហុភាគី ដើម្បីរួមដៃគ្នាដោះស្រាយបញ្ហាប្រឈមនានា ដើម្បីពិភពលោកសន្តិភាព ស្ថិរភាព យុត្តិធម៌ និងនិរន្តរភាព ការបំពេញបំណងប្រាថ្នា និងផលប្រយោជន៍របស់ប្រជាជនទាំងពីរ ក៏ដូចជាសហគមន៍អន្តរជាតិ។ លោកអនុប្រធានាធិបតីជឿជាក់ថា ភាពជាដៃគូគ្រប់ជ្រុងជ្រោយរវាងប្រទេសទាំងពីរនឹងកាន់តែមានប្រសិទ្ធភាព និងយូរអង្វែង៕

ហេង វុធ្ធី