គោលដៅទេសចរណ៍ចំនួន ៥ សម្រាប់បុណ្យចូលឆ្នាំសកល ឆ្នាំ ២០២៣ ដែលមានតម្លៃថោកនិងរីក រាយនៅភាគខាងជើង

ស្វែងយល់ពីគោលដៅទេសចរណ៍ដ៏ស្រស់ស្អាតគួរឲ្យទាក់ចិត្តនៅខេត្ត Hoa Binh

កន្លែងថតរូប​នៅ Sa Pa ដ៏គួរទាក់ទាញយ៉ាងខ្លាំង​ក្នុង​រដូវរងា

សូមណែនាំកន្លែង​ ៥ ខាង​ក្រោម យើង​ខ្ញុំសង្ឃឹមថាភ្ញៀវទេសចរណ៍អាចជ្រើសរើសកន្លែងដែលពេញចិត្តបំផុត និងរីករាយពេញទំហឹងក្នុងឱកាសបុណ្យចូលឆ្នាំថ្មីសកល ឆ្នាំ២០២៣។

ខេត្ត Hai Phong

កន្លែងទេសចរណ៍មួយចំនួនដែលអ្នកទេសចរតែងតែលើកឡើង នាពេលមកដល់ទីក្រុង Hai Phong ដូចជាស្ថានីយ៍ Hai Phong រោងមហោស្រពទីក្រុង ឆ្នេរសមុទ្រDo Son ឬស្ពានស្អាតៗល្បីៗ ដូចជាស្ពាន Binh ស្ពាន Hoang Van Thu ជាដើម។ (រូបថត៖ Le Phuong Thao)។

ចម្ងាយប្រហែល ១១៨ គីឡូម៉ែត្រពីរដ្ឋធានី Ha Noi ទីក្រុង Hai Phong តែងតែជាគោលដៅទេសចរណ៍ដ៏ពេញនិយមមួយ ដែលទាក់ទាញភ្ញៀវទេសចរគ្រប់ពេលវេលាក្នុងឆ្នាំ ដោយសារទេសភាពធម្មជាតិដ៏គួរឱ្យចាប់អារម្មណ៍ និងម្ហូបចម្រុះ។

ជាពិសេស នៅពេលដែលមន្ទីរទេសចរណ៍ខេត្ត Hai Phong ចេញផ្សាយផែនទីទេសចរណ៍ម្ហូបអាហារ ភ្ញៀវទេសចរមកទីនេះ កាន់តែកើនឡើងជាច្រើន ដោយនៅទីនេះមានមុខម្ហូបដ៏ឈ្ងុឆ្ងាញ់ជាច្រើន។ ហេតុដូច្នេះភ្ញៀវទេសចរ​មាន​អារម្មណ៍ទទួលបទពិសោធន៍ពេញលេញបំផុត នៅពេលមកដល់ទីក្រុងកំពង់ផែ។

(រូបថត៖ Pham Dieu Minh, Son Tung)។

អាហារក៏ជាកត្តាសំខាន់​មួយដែលទាក់ទាញភ្ញៀវទេសចរណ៍នៅពេលមកទីក្រុង Hai Phong។ អាហារល្បីល្បាញបំផុតបាន​លក់តាមផ្លូវ។ ភ្ញៀវទេសចរណ៍មកពីខេត្តនានាតែងតែជ្រើសរើសម្ហូបឆ្ងាញ់ៗ ក្នុង​ខេត្តនេះ ដូចជា បាញ​ដា​ក្តាម នំប៉័ង​ហិរ បង្អែមដូង នំបញ្ចុក​ត្រី​ហិរ ក្តាម នំបុ័ងប្រហិត ខ្យង ...

ខេត្ត Ninh Binh

ចម្ងាយប្រហែល ១០០ គីឡូម៉ែត្រពីរដ្ឋធានី Ha Noi ខេត្ត​ Ninh Binh ត្រូវបានគេចាត់ទុកថា ជាគោលដៅកំពូលសម្រាប់ភ្ញៀវទេសចរដែលមិនមានពេលទំនេរច្រើន ប៉ុន្តែនៅតែចង់ស្វែងយល់ និងជ្រមុជខ្លួននៅក្នុងធម្មជាតិដ៏អស្ចារ្យ។

កន្លែងទេសចរណ៍នៅខេត្ត Ninh Binh មាន​ទីតាំងមិនឆ្ងាយប៉ុន្មានទេ ដូច្នេះអ្នកទេសចរអាចទៅលេងកន្លែងជាច្រើនក្នុងមួយថ្ងៃ ហើយងាយស្រួលធ្វើដំណើរតាមមធ្យោបាយជាច្រើនដូចជារថយន្ត និងម៉ូតូ (រូបថត៖ Swan Lake)។

មកដល់ខេត្ត Ninh Binh ភ្ញៀវទេសចរអាចទស្សនា និងទទួល​បទពិសោធន៍ប្លែកៗជាច្រើននៅរមណីយដ្ឋានទេសចរណ៍ល្បីៗដូចជា Trang An, Tam Coc - Bich Dong, ល្អាង Mua, អតីតរាជធានី Hoa Lu​ វត្ត Bai Dinh ល្អាង Am Tien ស្រះ Van Long សួនបក្សី Thung Nham វិហារ​កាតូលិក Phat Diem ឧទ្យានជាតិ Cuc Phuong...

(រូបថត៖ ភោជនីយដ្ឋាន Vu Bao)

(រូបថត៖ ភោជនីយដ្ឋាន Vu Bao)។

ភ្ញៀវ​គួរតែ​ហូប​មុខម្ហូប​ពិសេស​ ដូចជា បាយ​ក្តាំង ​សាច់​ពពែឆា សាច់ពពែ​អាំង ក្តាម​ស្រែ​លីង​ស្លឹក​ជីភ្លូ ពពែ​ដុត ញាំ​ត្រី...

ខេត្ត Hoa Binh

មានចម្ងាយប្រហែល ៩០ គីឡូម៉ែត្រពីរដ្ឋធានី ខេត្ត Hoa Binh មិនត្រឹមតែជាច្រកទ្វារនៃតំបន់ភាគពាយ័ព្យប៉ុណ្ណោះទេ ថែមទាំងក្លាយជាគោលដៅទេសចរណ៍ទាក់ទាញភ្ញៀវទេសចរយ៉ាងច្រើនកុះករក្នុងប៉ុន្មានឆ្នាំថ្មីៗនេះ។

ខេត្ត Hoa Binh ជាកម្មសិទ្ធិរបស់តំបន់ដ៏ធំមួយ ដោយមានកន្លែងទេសភាព និងកន្លែងប្រវត្តិសាស្ត្រជិត ១៨០ ដូច្នេះអ្នកទេសចរអាចធ្វើដំណើរនៅទីនេះបានគ្រប់រដូវនៃឆ្នាំ។

មកដល់ខេត្ត Hoa Binh ភ្ញៀវទេសចរចាប់អារម្មណ៍នឹងទេសភាពចម្រុះពីទន្លេ បឹង ឧទ្យានជាតិ និងអត្តសញ្ញាណវប្បធម៌របស់ជនជាតិ H'Mong, Muong, Dao, Thai... ឬមណ្ឌល​សម្រាក​លំហែកាយនានា។ (រូបថត៖ Thien Nguyen )។

ក្នុងនោះ កន្លែងល្បីបំផុតគឺ Mai Chau ដែលមានកន្លែង Check-in ល្បី ដូចជា ចំណោត Thung Khe ឬចំណោត Da Trang ជាដើម ហើយនៅទីនេះ ភ្ញៀវទេសចរក៏អាចទៅភូមិ Lac ដើម្បីស្វែងយល់អំពីវប្បធម៌ និងទទួលទានម្ហូបពិសេសក្នុងស្រុក។

មុខម្ហូបល្បីៗមួយចំនួននៅ Hoa Binh ដែលភ្ញៀវទេសចរណ៍មិនគួររំលងគឺ មាន់​ដាំជាមួយឬស្សីជូរ សាច់ក្របី សាច់ជ្រូកព្រៃ ក្រូច Cao Phong ជាដើម។ (រូបថត៖ Mam Quan)។

ខេត្ត​ Son La

ទោះបីជាវាមានចម្ងាយជាង ៣០០ គីឡូម៉ែត្រពីរដ្ឋធានី Ha Noi ប៉ុន្តែខេត្ត Son La នៅតែជាគោលដៅទេសចរណ៍ដែលអ្នកនិយមធ្វើដំណើរជាច្រើន និងទៅទស្សនាជារៀងរាល់ឆ្នាំ ដែលក្នុងនោះល្បីល្បាញជាងគេគឺស្រុក Moc Chau ។

កន្លែងនេះត្រូវបានចាត់ទុកថាជាកន្លែងទាក់ទាញបំផុតមួយនៅតំបន់ភាគខាងជើង ជាពិសេសក្នុងរដូវផ្ការីកនៅដើមឆ្នាំ។

មកស្រុក Moc Chau ក្នុងឱកាសនេះ ភ្ញៀវទេសចរណ៍នឹងគយគន់ទេសភាពធម្មជាតិដ៏ស្រស់បំព្រង ដោយតំបន់ខ្ពង់រាបពោរពេញដោយពណ៌បៃតងនៃចម្ការតែ ឬពណ៌ត្រចះត្រចង់ពីផ្កា​ម៉ាក់ខៃ ផ្កាព្រូន ... (រូបថត៖ Quang Kien)។

ដើម្បីស្វែងយល់ស្រុក Moc Chau ទ ភ្ញៀវទេសចរអាចចំណាយពេលត្រឹមតែ ២ ថ្ងៃប៉ុណ្ណោះ ដើម្បីទទួលបានបទពិសោធន៍ទេសចរណ៍ល្បីៗដូចជា ព្រៃស្រល់ Ban Ang ជ្រលងព្រូន Mu Nau ទួលតែ Moc Chau ទឹកធ្លាក់ Nang Tien និងទឹកធ្លាក់ Dai Yem ទឹក​ធ្លាក់ Chieng Khoa កំពូលភ្នំ Pha Luong ...

ជាពិសេស មកដល់ម៉ុកចូវ ភ្ញៀវនឹងទាក់ទាញ​ដោយ​សារម្ហូបប្លែកៗ ជាច្រើនមុខ ដូចជា តែ ឬទឹកដោះគោ ស៊ុបត្រី salmon ឈាម​ជ្រូក ​សាច់ក្របីទុក​លើ​ចង្ក្រៀន ឬបាយប្រាំពណ៌។ល។ (រូបថត៖ ម្ហូបទួនហ្គូ)។

ខេត្ត Lao Cai

ត្រូវបានចាត់ទុកថាជាគោលដៅទេសចរណ៍ដ៏ល្បីល្បាញបំផុតនៅភាគខាងជើង ខេត្ត​នេះទាក់ទាញភ្ញៀវទេសចរគ្រប់ពេលវេលានៃក្នុងឆ្នាំ ដោយសារធនធានទេសចរណ៍ដ៏សម្បូរបែប និងវប្បធម៌ចម្រុះមកពី​បង​ប្អូន​ចំនួន ២៥ ក្រុម។

ប្រសិនបើអ្នក​ឡើងលើកំពូលភ្នំ Fansipan ក្នុងខែមករា ដល់ខែកុម្ភៈ ជារៀងរាល់ឆ្នាំ ភ្ញៀវទេសចរអាចគយគន់​ទេសភាពព្រិលដ៏គួរឱ្យចាប់អារម្មណ៍មួយ (រូបថត៖ Duong Quoc Hieu)។

ជាពិសេស ទីក្រុង Sa Pa ជាកន្លែងទទួលភ្ញៀវច្រើនជាងគេ ដែលមានកន្លែងCheck-in ប្លែកៗជាច្រើនដូចជា វិហារកាតូលិចថ្ម Sa Pa ភ្នំ Ham Rong ភូមិ Cat Cat ភូមិ Ta Phin កំពូលភ្នំ Fansipan ។

លើសពីនេះ មុខម្ហូបពិសេសល្បីៗដូចជា Thang Co, សាច់ក្របី​ទុក​នៅ​លើ​ចង្ក្រៀន សាច់ជ្រូកព្រៃ បាយ​ក្រឡាន បាយ​ដំណើបប្រាំរពណ៌, បន្លែទិសពាយ័ព្យ, ត្រីអាំងអាំង, ... (រូបថត៖ Thang Co A Quynh) .

ឌីណា

Vietnam net