ពិព័រណ៍រូបថត «៥៥ ឆ្នាំនៃការបង្កើតទំនាក់ទំនងការទូតរវាងវៀតណាម និងកម្ពុជា»

អបអរសាទរខួបលើកទី ៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា

វៀតណាមធ្វើជាអធិបតី ក្នុងពិធីអបអរសាទរខួបលើកទី ៥៥ ឆ្នាំ នៃការបង្កើតអាស៊ាន និងកិច្ចប្រជុំគណៈកម្មាធិការអាស៊ាននៅប្រទេសជប៉ុន

ការតាំងពិព័រណ៍ទាក់ទាញប្រជាជនយ៉ាង​ច្រើន

ការតាំងពិព័រណ៌បង្ហាញរូបថតឯកសារចំនួន ៥១ សន្លឹក ដែលឆ្លុះបញ្ចាំងយ៉ាងរស់រវើកនូវដំណើរការបង្កើត និងអភិវឌ្ឍន៍ទំនាក់ទំនងមិត្តភាពរវាងប្រទេសទាំងពីរ វៀតណាម-កម្ពុជា ក្នុងរយៈពេលកន្លងមក និងសកម្មភាពមិត្តភាពរវាងខេត្ត Gia Lai និងបណ្តាខេត្តនៅភាគឦសាននៃប្រទេសកម្ពុជា។

ពិព័រណ៍នេះមាន៣ផ្នែកសំខាន់ៗ៖ ដំណាក់កាលនៃការបង្កើតទំនាក់ទំនងការទូត រហូតដល់កិច្ចព្រមព្រៀងទីក្រុងប៉ារីសស្តីពីកម្ពុជាត្រូវបានចុះហត្ថលេខា (១៩៩១); ដំណាក់លាលពីឆ្នាំ ១៩៩១ ដល់បច្ចុប្បន្ន; ចំណងមិត្តភាពខេត្ត Gia Lai ជាមួយបណ្តាខេត្តនៅភាគឦសាននៃប្រទេសកម្ពុជា។

ការតាំងពិព័រណ៍រូបថតនេះបានជួយមនុស្សជំនាន់ក្រោយ ជាពិសេសក្មេងជំនាន់ក្រោយបានឃើញ និងយល់កាន់តែច្បាស់អំពីដំណើរប្រវត្តិសាស្ត្រនៃ ៥៥ ឆ្នាំមុន។ ទោះបីយើងត្រូវជម្នះការលំបាក និងបញ្ហាប្រឈមជាច្រើនជាមួយការឡើងចុះនៃសម័យកាលប្រវត្តិសាស្ត្រ និងព្រឹត្តិការណ៍នានាក្នុងសម័យកាល យ៉ាងណាក៏ដោយ ចំណងសាមគ្គីភាព មិត្តភាពប្រពៃណី និងកិច្ចសហប្រតិបត្តិការលើគ្រប់វិស័យរវាងវៀតណាម និងកម្ពុជាត្រូវបានពង្រឹង អភិវឌ្ឍន៍ និងសម្រេចបាននូវសមិទ្ធិផលធំៗជាបន្តបន្ទាប់។

អញ្ជើញមកទស្សនាការតាំងពិព័រណ៌នេះ សិស្សានុសិស្សថ្នាក់ទី១០ វិទ្យាល័យ Le Loi (ទីក្រុង Pleiku) បានចែករំលែកថា លោក និងមិត្តរួមការងារបានយល់កាន់តែច្បាស់អំពីទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការប្រពៃណីរវាងប្រជាជននៃប្រទេសទាំងពីរវៀតណាម និងកម្ពុជា។ ទំនាក់ទំនងល្អ និងសាមគ្គីភាពរបស់ប្រទេសជាបងប្អូនទាំងពីរត្រូវបានកសាង និងចិញ្ចឹមបីបាច់ដោយឈាម និងឆ្អឹងនៃកងទ័ព និងប្រជាជននៃប្រទេសទាំងពីរ។ ពួកយើងជាយុវជនជំនាន់ក្រោយ នឹងបន្តខិតខំប្រឹងប្រែងកសាងទំនាក់ទំនងសាមគ្គីភាព និងមិត្តភាពជាប្រពៃណីនេះ ឱ្យកាន់តែរឹងមាំ និងរឹងមាំថែមទៀត ដើម្បីឲ្យប្រទេសទាំងពីរក្លាយជាបងប្អូន មិត្តជិតស្និទ្ធ និងអ្នកជិតខាងល្អ និងស្មោះស្ម័គ្រជារៀងរហូត។

ពិព័រណ៍នេះគឺជាសកម្មភាពដ៏មានអត្ថន័យ បង្ហាញពីការពង្រឹង ពូនជ្រំ និងរឹតចំណងមិត្តភាពរវាងប្រជាជននៃប្រទេសជិតខាងទាំងពីរ កសាងទំនាក់ទំនងសាមគ្គីភាព កិច្ចសហប្រតិបត្តិការ និងការរួមសុខរួមទុក្ខ រវាងប្រជាជននៃប្រទេសទាំងពីរ ក្នុងអំឡុងតស៊ូការពារមាតុភូមិ និងក្នុងការកសាង និងអភិវឌ្ឍន៍ប្រទេស។

ពិព័រណ៍នេះប្រព្រឹត្តទៅចាប់ពីថ្ងៃទី៩ ដល់ថ្ងៃទី១២ ខែធ្នូ៕

យោងតាមកាសែតកងទ័ពប្រជាជន