«ស្ទឹងពពក» ជាតំបន់ទេសចរណ៍ និងស្អាតអស្ចារ្យមួយទៀត ដែលមានទីតាំងនៅភូមិក្រាំងចេក ឃុំដងពែង ស្រុកស្រែអំបិល ខេត្តកោះកុង។ ពពករសាត់ដេដាស ជាផ្ទាំងទស្សនីយភាពថ្មីមួយសម្រាប់អ្នកទេសចរដែលបានទៅដល់តំបន់«ស្ទឹងពពក»។ ក្រៅពីនេះ គេអាចគយគន់ទេសភាពទឹកធ្លាក់ និងដងព្រែក អមដោយព្រៃព្រឹក្សាដ៏ត្រឈឹងត្រឈៃត្រជាក់ល្អឹមទៀតផង។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
«ស្ទឹងពពក» តំបន់ ឃុំដងពែង ស្រុកស្រែអំបិល ខេត្តកោះកុង គឺជាកន្លែងកំសាន្តមួយដ៏កម្រមានមួយ ដែលកូនខ្មែរមួយចំនួនមិនធ្លាប់បានស្គាល់ឡើយ ជាក់ស្តែងយោងតាមហ្វេសបុកផេចឈ្មោះ “River Cloud-Stueng PorPok ស្ទឹងពពក” បានបង្ហោះរូបភាព ក៏ដូចជាវីដេអូផ្តិតយកទេសភាពដ៏ស្រស់ត្រកាលស្ទឹងពពក និងបានរៀបរាប់ថា: “តោះមកទស្សនាវីដេអូនេះទាំងអស់គ្នាដេីម្បីស្វែងយល់ពីមូលហេតុដែលដាក់ឈ្មោះតំបន់បាតុភូតធម្មជាតិស្រស់ស្អាតនេះថាស្ទឹងពពកដោយសារវាជាកន្លែងតែមួយគត់ដែលអាចមានលំហូរអព្ទ័បានតាមច្រលងជួរភ្នំក្រវាញខាងត្បូងហេីយអាចមេីលឃេីញត្រេីយម្ខាងទៀតរបស់ជួរភ្នំក្រវាញខាងត្បូងដូចគ្នាទេីបប្រៀបបានដូចជាស្ទឹងយេីងសង្ឃឹមថាតំបន់នេះនឹងក្លាយជាតំបន់ទេសចរណ៍ធម្មជាតិថ្មីមួយទៀតសូមចូលរួមចែករំលែកទៅដល់កូនខ្មែរថាស្ថិតនៅប្រទេសកម្ពុជា យេីងគឺស្រុកស្រែអំបិល ខេត្តកោះកុង ”។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
លោកសៀ ង មករា ជាអ្នកដាក់ឈ្មោះឲ្យតំបន់ទេសចរណ៍ថ្មីនេះថា«ស្ទឹងពពក» ក្រោយពីលោក និងគ្រួសារ បានមកដល់ទីតាំង«ស្ទឹងពពក»កាលពី៤ឆ្នាំមុន។ ជាអ្នករៀបចំដំណើរកម្សាន្តបែបផ្សងព្រេង និងធ្លាប់ដើរលេងច្រើនកន្លែង លោក មករា យល់ច្បាស់ថាតំបន់«ស្ទឹងពពក» មានសក្តានុពលទេសចរណ៍ដ៏អស្ចារ្យ។ ដូច្នេះហើយ លោក ក៏បានផ្សព្វផ្សាយតាមបណ្តាញសង្គមអំពីទិដ្ឋភាពដ៏អស្ចារ្យ នៅតំបន់នេះទៅសាធារណជន។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
ដើម្បីទៅដល់ «ស្ទឹងពពក» គេត្រូវធ្វើដំណើរលើផ្លូវជាតិលេខ៤៨ ឆ្លងកាត់ស្ពានស្រែអំបិលរួចធ្វើដំណើរប្រមាណ ១៥០ម៉ែត្រ បត់ស្ដាំតាមផ្លូវដីក្រហម ឆ្ពោះទៅស្ថានីយវារីអគ្គិសនីគីរីរម្យ៣ ហើយត្រូវបន្តដំណើរហួសវារីអគ្គិសនីប្រមាណ ១៥០ម៉ែត្រ នោះនឹងដល់ផ្ទះប្រជាសហគមន៍ស្ទឹងពពក។ ភ្ញៀវទេសចរ ត្រូវជិះម៉ូតូឡើងភ្នំ ដែលដឹកដោយប្រជាសហគមន៍ ឆ្ពោះទៅស្ទឹងពពក ដែលមានចម្ងាយ ៣,៥០០ម៉ែត្រ។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
តាមលោក សៀង មករា ភ្ញៀវទេសចរអាចគយគន់ទេសភាពពពករសាត់ដេដាសសក្បុស យ៉ាងស្រស់ស្អាត នៅដើមខែវស្សា និងដើមរដូវរងា។ ក្រៅពីនេះ អ្នកទេសចរអាចទស្សនាដងព្រែក និងទឹកធ្លាក់ពីភ្នំ បោះតង់ ឬចងអង្រឹងស្នាក់នៅក្នុងតំបន់ទេសចរធម្មជាតិដ៏ស្ងប់ស្ងាត់នេះបានដែរ។
លោក សៀង មករា ប្រាប់សារព័ត៌មានថ្មីៗតាមទូរសព្ទថា៖«តំបន់នេះ ត្រូវបានប្រជាសហគមន៍រកឃើញយូរហើយ ប៉ុន្តែប្រជាពលរដ្ឋរស់នៅទីនោះ គិតថាវាជាកន្លែងធម្មតា។ ប៉ុន្តែសម្រាប់ខ្ញុំ ខ្ញុំមើលឃើញថា វាមានសក្ដានុពល ដែលអាចទាក់ទាញភ្ញៀវទេសចរបាន»។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
ដោយសារតែតំបន់នេះ នៅមិនទាន់មានការរៀបចំ ឲ្យក្លាយជាតំបន់ទេសចរណ៍នោះ លោក សៀង មករា ក៏បានជួយជ្រោមជ្រែង រៀបចំជាសហគមន៍ទេសចរណ៍ ដែលអាចផ្តល់ប្រាក់ចំណូលដល់ប្រជាសហគមន៍នៅទីនេះផងដែរ។ ភ្ញៀវទេសចរម្នាក់ តម្រូវឲ្យបង់ថ្លៃសំបុត្រចំនួន ១ម៉ឺនរៀល សម្រាប់វិភាគទានដល់សហគមន៍ ដែលពួកគាត់មានតួនាទីយាមល្បាតនៅលើភ្នំ និងមានទាហានការពារតំបន់ទំនប់វារីអគ្គិសនីគីរីរម្យ ៣ ផងដែរ។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
ទោះបីតំបន់ «ស្ទឹងពពក» មានទេសភាពស្រស់ស្អាត ប៉ុន្តែភ្ញៀវទេសចរត្រូវដឹងពីស្ថានភាពផ្លូវទៅកាន់តំបន់នេះ។ លោក សៀង មករា បញ្ជាក់ថា៖«តំបន់ស្ទឹងពពកនេះ ចូលដល់ចុងខែមិថុ នា និងដើមខែកក្កដា គឺមានការបិទចរាចរណ៍ឡើងភ្នំ រហូតដល់ចុងខែតុលា។ ដោយសារខែភ្លៀងខ្លាំង មានថ្មបាក់ និងផ្លូវបេតុង មានស្លែ ហើយមានហានិភ័យច្រើន។ ដូច្នេះយើងបិទនៅរដូវភ្លៀង ហើយចុងខែតុលា និងដើមខែវិច្ឆិកាទើបយើងបើកវិញ»។
«ស្ទឹងពពក»តំបន់ទេសចរណ៍ដ៏អស្ចារ្យមួយទៀត នៅស្រុកស្រែអំបិល ខេត្តកោះកុង
ក៏ប៉ុន្តែអ្វីដែលអ្នករៀបចំដំណើរកម្សាន្តរូបនេះបារម្ភនោះ គឺរឿងបញ្ហាបរិស្ថាន នៅពេលដែលមានទេសចរកាន់តែច្រើន មកទស្សនាតំបន់នេះ។ ដូច្នេះហើយ លោក សៀង មករា បានអំពាវនាវដល់ភ្ញៀវទេសចរដែលទៅកម្សាន្តនៅស្ទឹងពពក ចូលរួមថែរក្សាអនាម័យ និងសម្អាតបរិស្ថាន បន្ទាប់ពីទទួលទាន និងត្រូវទុកដាក់សំរាមឲ្យបានត្រឹមត្រូវ។
គួរកត់សម្គាល់ថា ក្រៅពីតំបន់ទេសចរណ៍ថ្មី«ស្ទឹងពពក» ខេត្តកោះកុង ក៏មានតំបន់ទេសចរណ៍ធម្មជាតិជាច្រើនកន្លែងទៀតដែរ តួយ៉ាងតំបន់អារ៉ែង និងខ្នងផ្សាជាដើម៕
（សរុបដោយ ហេង វុធ្ធី）
（ប្រភពព័ត៌មាន: Thmeythmey និង anarchak.com）
មតិពីមិត្តអ្នកអាន