កម្ពុជា និងឡាវ ពង្រីកកិច្ចសហប្រតិបត្តិការទ្វេភាគី

នឹងបន្តបណ្តុះនូវទំនាក់ទំនងមិត្តភាពដ៏អស្ចារ្យ សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវ

កិច្ចសហប្រតិបត្តិការជិតស្និទ្ធរវាងប៉ូលីសវៀតណាម និងឡាវ

ប្រធានរដ្ឋសភាឡាវ លោក Saysomphone Phomvihane និងសម្តេច ហេង សំរិន ប្រធានរដ្ឋសភាកម្ពុជា។

កាលពីថ្ងៃទី២៥ ខែវិច្ឆិកា បន្ទាប់ពីចូលរួមមហាសន្និបាត AIPA លើកទី៤៣ ដែល កម្ពុជា ជាម្ចាស់ផ្ទះនោះ ប្រធានរដ្ឋសភាឡាវ លោក Saysomphone Phomvihane បន្ត ដឹកនាំគណៈប្រតិភូជាន់ខ្ពស់ឡាវ បំពេញទស្សនកិច្ចផ្លូវការនៅកម្ពុជា តបតាមការ អញ្ជើញរបស់ប្រធានរដ្ឋសភាកម្ពុជា សម្ដេច ហេង សំរិន។

ក្នុងជំនួបជាមួយប្រធានរដ្ឋសភាកម្ពុជា សម្តេច ហេង សំរិន ប្រធានរដ្ឋសភាឡាវ លោក Saysomphone Phomvihane បានវាយតម្លៃខ្ពស់ចំពោះជោគជ័យនៃកិច្ចប្រជុំ កំពូលអាស៊ានលើកទី៤០ និងទី៤១ កិច្ចប្រជុំកំពូលពាក់ព័ន្ធ និងមហាសន្និបាតអន្តរ សភាអាស៊ានលើកទី៤៣ (AIPA-៤៣) ដែលកម្ពុជាទទួលរៀបចំ។ សម្តេច ហេង សំរិន ប្រធានរដ្ឋសភាកម្ពុជា បានចាត់ទុកថា ការផ្លាស់ប្តូរគណៈ ប្រតិភូជាន់ខ្ពស់រដ្ឋាភិបាល ស្ថាប័ននីតិប្បញ្ញត្តិ និងនីតិប្រតិបត្តិនឹងរួមចំណែកក្នុងការ ពង្រឹង និងជំរុញបន្ថែមទៀតនូវទំនាក់ទំនងមិត្តភាពប្រពៃណី សាមគ្គីភាព និងកិច្ច សហប្រតិបត្តិការរវាងប្រទេសទាំងពីរ។

ប្រធានរដ្ឋសភានៃប្រទេសទាំងពីរបានសម្តែងការគាំទ្រចំពោះដំណើរការសហ ប្រតិបត្តិការរវាងរដ្ឋាភិបាលនៃប្រទេសទាំងពីរ ដែលបានឈានដល់កម្រិត “ភាពជា ដៃគូយុទ្ធសាស្ត្រគ្រប់ជ្រុងជ្រោយនិងយូរអង្វែង” ដើម្បីផលប្រយោជន៍ទៅវិញទៅមក។ មេដឹកនាំទាំងពីរបានសន្យាថា នឹងខិតខំប្រឹងប្រែងជំរុញកិច្ចសហប្រតិបត្តិការរវាងរដ្ឋ ទាំងពីរនិងប្រជាជននៃប្រទេសទាំងពីរលើគ្រប់វិស័យ។

នៅក្នុងជំនួបនេះ ប្រធានរដ្ឋសភានៃប្រទេសទាំងពីរបានផ្លាស់ប្តូរព័ត៌មានអំពីស្ថានភាពនយោបាយ សង្គម និងសេដ្ឋកិច្ច ជាពិសេសអំពីរដ្ឋសភានៃប្រទេសទាំងពីរ។ បន្ទាប់មក ប្រធានរដ្ឋសភាកម្ពុជា និងប្រធានរដ្ឋសភាឡាវ បានចុះហត្ថលេខាលើអនុស្សរណៈនៃកិច្ចសហប្រតិបត្តិការរវាងរដ្ឋសភានៃប្រទេសទាំងពីរ និងបានអញ្ជើញជាអធិបតីក្នុងពិធីចុះហត្ថលេខាលើអនុស្សរណៈនៃកិច្ចសហប្រតិបត្តិការរវាងលេខាធិការដ្ឋានរដ្ឋសភាកម្ពុជា និងឡាវ។ . ភាគីទាំងពីរក៏បានឯកភាពពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរនៅគ្រប់កម្រិត ក្នុងក្របខ័ណ្ឌទ្វេភាគី និងពហុភាគី និងក្នុងវេទិកាអន្តរសភា ដើម្បីបម្រើផលប្រយោជន៍នៃប្រទេសទាំងពីរ ស្របតាមស្ថានភាពជាក់ស្តែង៕