គណៈប្រតិភូអន្តរជាតិសម្តែងការគោរពយ៉ាងជ្រាលជ្រៅចំពោះលោកប្រធាន Ho Chi Minh

ពិធីប្រគល់រូបសំណាក លោកប្រធាន Ho Chi Minh និងវត្ថុដាក់តាំង ជូនដល់កេរ្តិ៍ដំណែលប្រវត្តិសាស្ត្រលោកប្រធាន Ho Chi Minh នៅទីក្រុង Kunming នៃប្រទេសចិន

បុរសទួរគីម្នាក់កោតសរសើរចំពោះលោកប្រធាន Ho Chi Minh

លោក Fernando Gonzalez Llort - សមាជិករដ្ឋសភា វីរៈបុរសនៃសាធារណរដ្ឋគុយបា ប្រធានវិទ្យាស្ថានគុយបាសម្រាប់មិត្តភាពជាមួយប្រជាជន (ICAP)៖

លោក Fernando Gonzalez Llort - សមាជិករដ្ឋសភា វីរៈបុរសនៃសាធារណរដ្ឋគុយបា ប្រធានវិទ្យាស្ថានគុយបាសម្រាប់មិត្តភាពជាមួយប្រជាជន (ICAP) ។ (រូបថត៖ Thu Ha)។

ខ្ញុំបានមកប្រទេសវៀតណាមក្នុងឆ្នាំ ២០១៨ ប៉ុន្តែទោះជាខ្ញុំមកទីនេះប៉ុន្មានដងក៏ដោយ ក៏ខ្ញុំនៅតែស្ងើចសរសើរចំពោះរឿងរបស់លោកប្រធាន Ho Chi Minh ដែលជាវិរៈបុរសដ៏អស្ចារ្យមួយ​រូប បុគ្គលិកលក្ខណៈដ៏អស្ចារ្យ និងដើរតួនាទីសំខាន់ក្នុងប្រវត្តិសាស្ត្រវៀតណាម ជាពិសេស និងពិភពលោកជាទូទៅ។

លោកប្រធាន Ho Chi Minh មានតួនាទីសំខាន់ចំពោះវៀតណាម និងពិភពលោក ប៉ុន្តែលោកប្រធាន​រូបនេះគ្រាន់តែរស់នៅក្នុងបន្ទប់ដ៏តូច និងសាមញ្ញបែបនេះ។ នៅក្នុងបន្ទប់នោះ គំនិត និងគំនិតផ្តួចផ្តើមសំខាន់ៗ ជាច្រើនដែលគួរឱ្យចាប់អារម្មណ៍ ការសម្រេចចិត្តធំៗ អំពីវៀតណាម និងពិភពលោកត្រូវបានបង្កើតឡើង។

តាំងពីដំណាក់កាលតស៊ូនិង​ដណ្តើមឯករាជ្យ វៀតណាមបានដើរតួនាទីយ៉ាងសំខាន់ក្នុងចលនាតស៊ូដើម្បីសន្តិភាពពិភពលោក។ មិនត្រឹមតែឈ្នះសង្គ្រាមប៉ុណ្ណោះទេ វៀតណាមក៏សម្រេចបានសមិទ្ធិផលជាច្រើនក្នុងការអភិវឌ្ឍន៍ប្រទេសជាតិ ធ្វើ​ឲ្យ​ជីវិតប្រជាជនកាន់តែល្អប្រសើរ។ សមិទ្ធិផលរបស់វៀតណាមទទួល​បាន​លើវិស័យផ្សេងៗ ដែលបង្ហាញថា បំណងប្រាថ្នារបស់លោកប្រធាន Ho Chi Minhសម្រាប់ប្រទេសកំពុងក្លាយជាការពិត។

យុវជនជំនាន់ក្រោយរបស់វៀតណាម និងគុយបាសព្វថ្ងៃនឹងយល់ដឹងអំពីតម្លៃនៃសន្តិភាព ការលះបង់របស់បិតា; ស្វែងយល់យ៉ាង​ច្បាស់អំពីចំណងមិត្តភាព និងសាមគ្គីភាពរវាងវៀតណាម និងគុយបា។

លោក Hasan Tarique Chowdhury - អគ្គលេខាធិការក្រុមប្រឹក្សាសន្តិភាពបង់ក្លាដែស៖

លោក Hasan Tarique Chowdhury អគ្គលេខាធិការក្រុមប្រឹក្សាសន្តិភាពបង់ក្លាដែស បាន​សសេរចំណាប់អារម្មណ៍របស់ខ្លួន បន្ទាប់ពីបានទៅទស្សនាវិមាន​តំកល់សពលោកប្រធាន Ho Chi Minh (រូបថត៖ Thu Ha)។

ខ្ញុំមានការរំជួលចិត្ត និងដឹងគុណយ៉ាងជ្រាលជ្រៅចំពោះការដឹកនាំដ៏អស្ចារ្យរបស់បក្សកុម្មុយនិស្ត និងលោកប្រធាន Ho Chi Minh ចំពោះបុព្វហេតុបដិវត្តន៍វៀតណាម។ គំនិតរបស់លោកប្រធាន Ho Chi Minh អំពីសន្តិភាពបាន​ពោរពេញទៅដោយមនុស្សជាតិ ផ្តើមចេញពីសេចក្តីស្រឡាញ់ដ៏ជ្រាលជ្រៅរបស់មនុស្ស បំណងប្រាថ្នានាំមកនូវសន្តិភាព និងសុភមង្គលដល់មនុស្សគ្រប់រូបដោយមិនប្រកាន់ពូជសាសន៍ សាសនា ឬវណ្ណៈណាឡើយ។ លោកប្រធាន Ho Chi Minh តែងតែចង់រក្សាការសន្ទនា និងដោះស្រាយជម្លោះដោយសន្តិវិធី។ នោះបានធ្វើឱ្យលោកប្រធាន Ho Chi Minh - ទាហានសន្តិភាពអន្តរជាតិពិតប្រាកដមួយ​រូប។ លោក​តែង​តែ​ប្រឹងប្រែង​អស់​ពី​សមត្ថភាព ព្យាយាម​ស្វែង​រក​គ្រប់​ឱកាស​ ដើម្បី​មាន​សន្តិភាព ជៀស​វាង​សង្គ្រាម។

ខ្ញុំគោរពចងចាំ លោកប្រធាន Ho Chi Minh ដោយការរួមវិភាគទានដ៏ធំធេងរបស់លោកក្នុងបុព្វហេតុរំដោះជាតិ បំពេញនូវបុព្វហេតុបដិវត្តន៍វៀតណាមយ៉ាងល្អឥតខ្ចោះ ការតស៊ូដើម្បីយុត្តិធម៌សង្គម យុត្តិធម៌ និងសុភមង្គលប្រជាជន និងសង្គមនិយមវៀតណាម។ ខ្ញុំកោតសរសើរលោកប្រធាន Ho Chi Minh ចំពោះភាពស្រដៀងគ្នាជាច្រើនរបស់លោកជាមួយមេដឹកនាំជាន់ខ្ពស់មួយចំនួននៃចលនាកុម្មុយនិស្តបង់ក្លាដែស។

លោកស្រី Julie Das Neves Femal សមាជិកនៃគណៈកម្មាធិការជាតិនៃក្រុមប្រឹក្សាព័រទុយហ្គាល់សម្រាប់សន្តិភាព និងកិច្ចសហប្រតិបត្តិការ៖

លោកស្រី Julie Das Neves Femal សមាជិកនៃគណៈកម្មាធិការជាតិនៃក្រុមប្រឹក្សាព័រទុយហ្គាល់សម្រាប់សន្តិភាព និងកិច្ចសហប្រតិបត្តិការ(រូបថត៖ Thu Ha)។

សន្តិភាព​មិន​ត្រឹម​តែ​គ្មាន​សង្គ្រាម​ប៉ុណ្ណោះ​ទេ ប៉ុន្តែ​ក៏​បង្ហាញនៅ​ក្នុង​ការ​ដែល​មនុស្ស​មាន​ជីវិត​ល្អ និង​មាន​ន័យ​ផង​ដែរ។ ពេលសិក្សាអំពីប្រវត្តិសាស្ត្រវៀតណាម ខ្ញុំពិតជាស្ងើចសរសើរចំពោះលោកប្រធាន Ho Chi Minh ។ នៅពេល​ដែលទៅទស្សនាវិមានតំកល់​សពលោកប្រធាន Ho Chi Minh ខ្ញុំពិតជាមានអារម្មណ៍រំភើបចិត្តណាស់។ ខ្ញុំបាន​មើលឃើញដោយភ្នែកផ្ទាល់នូវបន្ទប់ដែលលោកធ្លាប់រស់នៅ និងធ្វើការក្នុងសម័យសង្គ្រាម។ បន្ទប់ និង​វត្ថុ​នៅ​ក្នុង​នោះ​ជួយ​ខ្ញុំ​ឱ្យ​យល់​ដឹងពី​ជីវិត​របស់​លោក​ពី​មុន​បាន​កាន់​តែច្បាស់លាស់។

យើង​មាន​អ្វី​ជាច្រើន​ដែល​ត្រូវ​រៀន​ពី​ការ​កសាង​ប្រទេស​តាមរបបសង្គម​និយ​របស់​វៀតណាម។ វា​ជា​មេរៀន​មួយ​អំពី​កម្លាំង​នៃ​ការ​រួបរួម​ជាតិ ការ​តស៊ូ​ដើម្បី​សម្រេច​បាន​នូវ​ជីវិត​ឯករាជ្យ និង​សេរីភាព។ យើងក៏អាចរៀនបានច្រើនពីប្រវត្តិសាស្រ្តរបស់វៀតណាម ដើម្បីដឹងថា មនុស្សមានសិទ្ធិសេរីភាព គ្រប់គ្រងជីវិតរបស់ពួកគេ។

លោក Harald Reppesgaard - ប្រធានអង្គការន័រវេស ដើម្បីសន្តិភាព៖

លោក Harald Reppesgaard - ប្រធានអង្គការន័រវេសដើម្បីសន្តិភាព (រូបថត៖ Hai An)។

ខ្ញុំស្ងើចសរសើរចំពោះបរិយាកាសដ៏ឧឡារិក ពិសិដ្ឋ និងមនោសញ្ចេតនាដែលប្រជាជនវៀតណាម និងមិត្តអន្តរជាតិមានចំពោះលោកប្រធាន Ho Chi Minh ។ មាន​កុមារ និង​គណៈប្រតិភូ​អន្តរជាតិ​ជាច្រើន​បាន​តម្រង់​ជួរ ​ដើម្បី​រង​ចាំ​ចូល​វិមាន​តំកល់​សពលោកប្រធាន Ho Chi Minh ដើម្បី​គោរពវិញ្ញាណក្ខន្ធលោក។

លោកប្រធាន Ho Chi Minh និងការតស៊ូប្រឆាំង​នឹង​ពួក​ឈ្លានពាន វៀតណាមបានបំផុសគំនិតដល់ប្រជាជនន័រវេសក្នុងសតវត្សទី ២០។ គំនិតរបស់​លោកប្រធាន Ho Chi Minh អំពីសន្តិភាពមានសារៈសំខាន់។ ខ្ញុំ​បានមាន​សកម្មភាព​ក្នុង​ចលនា​សន្តិភាព​អស់​ ៥០ ​ឆ្នាំ​មក​ហើយ។ ក្នុងការដោះស្រាយបញ្ហា "ក្តៅ" ខ្ញុំជឿថា យើងមិនអាចយល់ព្រមនឹងការប្រើប្រាស់អាវុធ ឬសកម្មភាពបង្ខិតបង្ខំ ជំនួសឱ្យមធ្យោបាយសន្តិភាព និងការសន្ទនាបានទេ។

លោក Mozzafar Hossain Paltu - ប្រធានក្រុមប្រឹក្សាសន្តិភាពបង់ក្លាដែស៖

លោក Mozzafar Hossain Paltu - ប្រធានក្រុមប្រឹក្សាសន្តិភាពបង់ក្លាដែស (រូបថត៖ Thu Ha)។

ខ្ញុំបានទៅ​ទស្សនានៅប្រទេសវៀតណាមពីរដងហើយ ប៉ុន្តែនេះជាលើកទីមួយដែលបានទស្សនាវិមានតំកល់​សព​លោកប្រធាន​ Ho Chi Minh និងទស្សនាផ្ទះខ្ពស់ពីដីធ្វើឈើប្រណិតលោក។ វត្ថុបុរាណដែល​បង្ហាញនូវជីវិតប្រចាំថ្ងៃដែល​ដាក់​តាំងនៅឯផ្ទះនេះ ពិតជាគួរអោយចាប់អារម្មណ៍សម្រាប់ខ្ញុំ។ លោកប្រធាន​ Ho Chi Minh មានជីវភាពរស់នៅយ៉ាងសាមញ្ញដូចមនុស្សធម្មតា បើសិន​ជាមិនបានឃើញផ្ទាល់ភ្នែក អ្នក​នឹងពិបាកស្រមើស្រមៃបានឡើយ។

អ្វីដែលអាចរៀនបានពីលោកប្រធាន Ho Chi Minh មិនត្រឹមតែមានអត្ថន័យក្នុងសម័យកាលប្រវត្តិសាស្ត្រពិសេសប៉ុណ្ណោះទេ ថែមទាំងមានតម្លៃក្នុងបច្ចុប្បន្ន និងអនាគតកាលទៀតផង៕

ឌីណា

thoidai.com.vn