យុគសម័យ - លោក Ahmet Yazar បាននិយាយថា រាល់ពេលដែលគាត់មើលរូបថតរបស់លោកប្រធាន Ho Chi Minh ជាពិសេសគឺកែវភ្នែករបស់លោកប្រធាន លោកមានអារម្មណ៍ដែលមិនអាចពិពណ៌នាបានទេ ទាំងមានការកោតសរសើរ ទាំងមានភាពរួសរានរាក់ទាក់និងជិតស្និទ ។
 ស្ថានទូតវៀតណាមប្រចាំនៅវេណេស៊ុយអេឡា ប្រារព្ធខួប ៤៧ ឆ្នាំនៃទិវារំដោះភាគខាងត្បូង |
 សម្ព័ន្ធអង្គការមិត្តភាពវៀតណាមបានជម្រាបជូនដល់លោកប្រធាន Ho Chi Minh អំពីសមិទ្ធផលរបស់អង្គការនេះ |
 |
| លោក Ahmet Yazar និងរូបថតរបស់លោកប្រធាន Ho Chi Minh ។ |
នៅក្នុងការិយាល័យធ្វើការដ៏តូចស្អាតរបស់លោកនៅផ្ទះដែលជិតមជ្ឈមណ្ឌលទីក្រុង Saint-Truiden ចម្ងាយ៨០ គីឡូម៉ែត្រភាគខាងកើតទីក្រុង Brussels លោក Ahmet Yazar ព្យួររូបភាពមេដឹកនាំបដិវត្តន៍ពិភពលោកដែលគាត់គោរពស្រឡាញ់។
រូបថតលោកប្រធាន Ho Chi Minh បានដាក់យ៉ាងឱឡារិក នៅក្បែរមេដឹកនាំដ៏អស្ចារ្យនៃពិភពលោក ដូចជា លោក Karl Marx ប្រធានាធិបតីគុយបា លោក Phidel Castro អ្នកបដិវត្ត លោក Che Guevara...
និយាយសំណេះសំណាលជាមួយអ្នកយកព័ត៌មានរបស់ទីភ្នាក់ងារសារព័ត៌មានវៀតណាម (VNA) ប្រចាំប្រទេសបែលហ្សិក លោក Ahmet បានឲ្យដឹងថា លោកមានដើមកំណើតទួរគី ប៉ុន្តែគាត់បានរស់នៅ និងធ្វើការនៅប្រទេសបែលហ្ស៊ិក អស់រយៈពេល ៣០ ឆ្នាំមកហើយ ដោយចាប់ផ្តើមពីទសវត្សរ៍ទី ៩០ នៅពេលដែលគាត់រស់នៅក្នុងប្រទេសអាល្លឺម៉ង់។
កាលនៅរៀននៅវិទ្យាល័យ គាត់បានអានប្រវត្តិសាស្ត្រវៀតណាម និងជីវប្រវត្តិរបស់លោកប្រធាន Ho Chi Minh ។ ក្នុងអំឡុងពេលនេះ លោក Ahmet បានស្គាល់ក្រុមនិស្សិតវៀតណាមដែលកំពុងសិក្សានៅប្រទេសអាល្លឺម៉ង់ខាងកើត។
ភាពស្និទ្ធស្នាលរបស់មិត្តវៀតណាមបានធ្វើឱ្យគាត់មានការចាប់អារម្មណ៍យ៉ាងខ្លាំង។ ការសន្ទនា ឬ ពេលទទួលទានម្ហូបអាហារវៀតណាម រួមមាន នំបញ្ចុកទទួលទានជាមួយណែមចៀនដែលធ្វើឱ្យបុរសទួរគីរូបនេះមានអារម្មណ៍ស្និទ្ធស្នាលដូចជាសមាជិកមួយក្នុងគ្រួសារវៀតណាមមួយ។
បន្ទាប់ពីបញ្ចប់ការសិក្សានៅប្រទេសអាល្លឺម៉ង់ លោក Ahmet បានទៅប្រទេសបែលហ្សិក ដើម្បីរស់នៅ និងធ្វើការក្នុងឧស្សាហកម្មឱសថ។ លោក Ahmet បាននិយាយថា រាល់ពេលដែលគាត់មើលរូបថត លោកប្រធាន Ho Chi Minh ជាពិសេសគឺកែវភ្នែករបស់លោកប្រធាន គាត់មានអារម្មណ៍ដែលមិនអាចពិពណ៌នាបានទេ ទាំងមានការកោតសរសើរ និងភាពរួសរាយរាក់ទាក់ និងស្និទ្ធស្នាល ប្រៀបដូចជាលោកប្រធាន Ho Chi Minh ជាកំពូល ឬអ្នកប្រាជ្ញដែលគាត់អាចនិយាយអ្វីៗ បានគ្រប់យ៉ាង។
គាត់ធ្វើឲ្យយើងរំជួលចិត្ត នៅពេលដែលគាត់បានបង្ហាញសេចក្ដីគោរពស្រឡាញ់ចំពោះលោកប្រធាន Ho Chi Minh ។ គាត់តែងតែហៅគាត់ថា "លោកពូ Ho" ដូចជាជនជាតិវៀតណាមដែរ។
 |
| លោក Ahmet Yazar ជាមួយនឹងរូបថតរបស់លោកប្រធាន Ho Chi Minh ដែលបានដាក់ដោយគោរពនៅលើតុរបស់គាត់។ |
លោក Ahmet បាននិយាយថា លោកពូ Ho មិនត្រឹមតែជាមេដឹកនាំប្រទេសវៀតណាមប៉ុណ្ណោះទេ ថែមទាំងជាមេដឹកនាំនៃអ្នកទាំងអស់ដែល មាន“បេះដូងពុះកញ្ជ្រោលដើម្បីសេរីភាព”។ លោកពូ Ho ជាកម្លាំងចលករដ៏អស្ចារ្យមួយសម្រាប់ការប្រឆាំងតស៊ូនឹងភាពអយុត្តិធម៌ទូទាំងពិភពលោក។
ចំពោះ លោក Ahmet លោកប្រធាន Ho Chi Minh គឺដូចជាមនុស្សដែលបានបំភ្លឺ។ ឈ្មោះ Ho Chi Minh មានន័យថា អ្នកដែលនាំពន្លឺដល់មនុស្ស។ លោកប្រធាន Ho Chi Minh ជាកវី អ្នកនិពន្ធ និងជាទស្សនវិទូ។ លោក Ahmet បានអានអំពីលោកប្រធាន Ho Chi Minh និង លោកប្រធាន Ho បានបំផុសគំនិតដល់គាត់ក្នុងជីវិត។
គាត់ស្រលាញ់ជនជាតិវៀតណាម ដោយសារស្មារតី សាមគ្គីភាព និងចរិតឧស្សាហ៍ព្យាយាម។ គាត់គ្រោងនឹងទៅលេងប្រទេសវៀតណាមដ៏ស្រស់ស្អាតជាមួយកូនស្រីរបស់គាត់។
ហើយនៅពលមកដល់ប្រទេសវៀតណាម គាត់នឹងមកទស្សនាវិមានតម្កល់សពលោកប្រធាន Ho Chi Minh ដើម្បីបង្ហាញការគោរពរាប់អាននិងការកោតសរសើរ ចំពោះមេដឹកនាំ ដែលជាអ្នកល្បីល្បាញខាងវប្បធម៌ពិភពលោក៕
មតិពីមិត្តអ្នកអាន