យុគសម័យ - នាព្រឹកថ្ងៃទី ១២ ខែវិច្ឆិកាគណៈប្រតិភូនៃសម្ព័ន្ធអង្គការមិត្តភាពវៀតណាម (VUFO) បានរៀបចំពិធីគោរព វិញ្ញាណក្ខន្ធនិងជម្រាបជូនដល់លោកប្រធាន Ho Chi Minh អំពីសមិទ្ធផលរបស់អង្គការនេះ។
លោកស្រីប្រធានសម្ព័ន្ធអង្គការមិត្តភាពវៀតណាម Nguyen Phuong Nga ជម្រាបជូនដល់លោកប្រធានHo Chi Minh អំពីសមិទ្ធិផលនិងលទ្ធផលរបស់អង្គភាពនេះ។
ក្នុងរយៈពេលប៉ុន្មានឆ្នាំកន្លងមកនេះសម្ព័ន្ធអង្គការមិត្តភាពវៀតណាមបានពង្រឹងនិងពង្រីកយ៉ាងសកម្មនូវទំនាក់ទំនងមិត្តភាពនិងកិច្ចសហប្រតិបត្តិការប្រជាជនជាមួយប្រទេសនិងអង្គការផ្សេងៗទៀត ហើយបានបានបង្កើតទំនាក់ទំនងជាមួយអង្គការជាតិ ក្នុងតំបន់និងអន្តរជាតិជាង ១០០០ ។
VUFO បានលើកកម្ពស់តួនាទីរបស់ខ្លួន នៅវេទិកាពហុ ភាគី តំបន់ អន្តរតំបន់និងអន្តរជាតិចូលរួមយ៉ាងសកម្មក្នុងការងារតស៊ូមតិសាធារណៈ ការពារផលប្រយោជន៍ជាតិក្នុងបញ្ហាស្មុគស្មាញនិងរសើបជាច្រើន ដូចជាលទ្ធិប្រជាធិបតេយ្យ សិទ្ធិមនុស្ស ជនជាតិ សាសនាកោះនិងសមុទ្រ អធិបតេយ្យភាព ផ្សព្វផ្សាយនិងឃោសនានូវទឹកដីនិងប្រជាជនវៀតណាមនៅលើឆាកអន្តរជាតិ។
តាមរយៈនោះ VUFO បានគាំទ្រយ៉ាងពេញទំហឹងនូវវិស័យការទូតរបស់បក្សនិងរដ្ឋ ដោយរួមចំណែកយ៉ាងសកម្មក្នុងការបង្កើតបរិយាកាសសន្តិភាពនិងអំណោយផលសម្រាប់ការងារកសាងនិងការពារប្រទេសជាតិ ដើម្បីចូលរួមចំណែកដល់ចលនាប្រជាជនពិភពលោកសម្រាប់វឌ្ឍនភាព យុត្តិធម៌ សង្គមនិងការអភិវឌ្ឍប្រកបដោយចីរភាព។
VUFO បានបំពេញតួនាទីរបស់ខ្លួនជាស្ថាប័នអចិន្រ្តៃយ៍នៃគណៈកម្មាធិការការងារអំពីអង្គការក្រៅរដ្ឋាភិបាលបរទេស បង្កើតទំនាក់ទំនងជាមួយអង្គការក្រៅរដ្ឋាភិបាលបរទេសជាង ១.២០០ រួមជាមួយ ក្រសួង ផ្នែកនិងមូលដ្ឋានបានប្រមូលទឹកប្រាក់ជិត ៥ ពាន់លានដុល្លារអាមេរិកដែលជាជំនួយក្រៅរដ្ឋាភិបាលក្នុងដំណាក់កាល ២០០៣ - ២០១៩ រួមចំណែកក្នុងការលុបបំបាត់ភាពអត់ឃ្លាន ការកាត់បន្ថយភាពក្រីក្រ ការអភិវឌ្ឍន៍សេដ្ឋកិច្ចសង្គមនិងសមាហរណកម្មអន្តរជាតិរបស់វៀតណាម។
សម្ព័ន្ធអង្គការមិត្តភាពវៀតណាមបានទទួលរង្វាន់ដ៏ថ្លៃថ្នូពីបក្សនិងរដ្ឋ ដូចជា គ្រឿងឥស្សរិយស Ho Chi Minh គ្រឿងឥស្សរិយសពលកម្មថ្នាក់ទីមួយនិងគ្រឿងឥស្សរិយសថ្លៃថ្នូរពីប្រទេសផ្សេងៗ។ សមូហភាពនិងបុគ្គលជាច្រើននៃសម្ព័ន្ធអង្គការមិត្តភាពវៀតណាមបានទទួលរង្វាន់ដ៏ថ្លៃថ្នូពីបក្សនិងរដ្ឋចំពោះសមិទ្ធិដ៏លេចធ្លោនិងការចូលរួមចំណែកក្នុងការងារជួបប្រាស្រ័យទាក់ទងគ្នារវាងប្រជាជននិងប្រជាជន។
គណៈប្រតិភូបានដាក់កម្រងផ្កានិងគោរពវិញ្ញាណក្ខន្ធ យុទ្ធជនពលីជីវិត នៅស្តូបយុទ្ធជនពលីជីវិត Bac Son
នាថ្ងៃដដែលគណៈប្រតិភូបានដាក់កម្រងផ្កានិងគោរពវិញ្ញាណក្ខន្ធយុទ្ធជនពលីជីវិត នៅស្តូបយុទ្ធជនពលីជីវិត Bac Son./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន