នារសៀលថ្ងៃទី២១ ខែវិច្ឆិកា លោក Vuong Dinh Hue ប្រធានរដ្ឋសភាវៀតណាម បានទទួលជួបលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ដែលអញ្ជើញចូលជួបសម្តែងការគួរសម ក្នុងឱកាសប្រធានរដ្ឋសភាវៀតណាម អញ្ជើញមកបំពេញទស្សនកិច្ចជាផ្លូវការ នៅព្រះរាជាណាចក្រកម្ពុជា និងចូលរួមមហាសន្និបាតអន្តរសភា នៃបណ្តាប្រទេសអាស៊ីអាគ្នេយ៍ លើកទី ៤៣។
លោក Vuong Dinh Hue ប្រធានរដ្ឋសភា ជួបជាមួយសហគមន៍អាណិកជនវៀតណាមនៅកម្ពុជា |
ប្រធានរដ្ឋសភាវៀតណាម លោក Vuong Dinh Hue អញ្ជើញជួបសវនាការជាមួយនាយករដ្ឋមន្ត្រីកម្ពុជា |
លោក Vuong Dinh Hue ប្រធានរដ្ឋសភាវៀតណាម ទទួលជួបលោកឧត្តមសេនីយ៍ឯក ហ៊ុន ម៉ាណែត |
លោក Vuong Dinh Hue ប្រធានរដ្ឋសភាវៀតណាម បានសម្តែងចំណាប់អារម្មណ៍ចំពោះការអភិវឌ្ឍ និងការផ្លាស់ប្តូរដ៏អស្ចារ្យរបស់ប្រទេសកម្ពុជា និងរាជធានីភ្នំពេញ។ កម្ពុជាបើកសេដ្ឋកិច្ចឡើងវិញក្រោយជំងឺរាតត្បាតកូវីដ-១៩ ដោយមានកំណើនសេដ្ឋកិច្ចខ្ពស់ និងអតិផរណាទាប។
លោកប្រធានរដ្ឋសភាវៀតណាមបានវាយតម្លៃខ្ពស់ចំពោះដំណើរទស្សនកិច្ចរបស់លោកឧត្តមសេនីយ៍ឯក ហ៊ុន ម៉ាណែត ទៅកាន់ប្រទេសវៀតណាមកាលពីខែសីហា ដោយបានវាយតម្លៃខ្ពស់ចំពោះទេពកោសល្យ និងភាពចាស់ទុំរបស់ថ្នាក់ដឹកនាំវ័យក្មេងរបស់កម្ពុជា ហើយបានស្នើថា លោកឧត្តមសេនីយ៍ឯក ក្នុងតួនាទីជាប្រធានយុវជនគណបក្សប្រជាជនកម្ពុជាថ្នាក់កណ្តាល និងបន្តមានការយកចិត្តទុកដាក់ និងសម្របសម្រួលជាមួយភាគីវៀតណាម ដើម្បីលើកកំពស់ប្រសិទ្ធភាព នៃសកម្មភាពផ្លាស់ប្តូរថ្នាក់ដឹកនាំវ័យក្មេង រួមចំណែកលើកកម្ពស់ការយល់ដឹងរបស់ប្រជាជន ជាពិសេសយុវជនជំនាន់ក្រោយអំពីប្រពៃណីសាមគ្គីភាព មិត្តភាព និងកិច្ចសហប្រតិបត្តិការរវាងប្រទេសទាំងពីរ។
លោកប្រធានរដ្ឋសភាវៀតណាមបានមានប្រសាសន៍ថា នៅចុងខែសីហា ឆ្នាំ២០២៣ វៀតណាមគម្រោងថានឹងធ្វើជាម្ចាស់ផ្ទះនៃវេទិកាសមាជិកសភាវ័យក្មេង IPU ដោយសង្ឃឹមថា លោកឧត្តមសេនីយ៍ឯក និងយុវជនគណបក្សប្រជាជនកម្ពុជាថ្នាក់កណ្តាលនឹងគាំទ្រវៀតណាមក្នុងព្រឹត្តិការណ៍ដ៏មានអត្ថន័យនេះ។
លោកឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះវៀតណាមអំពីការគាំទ្ររបស់វៀតណាមសម្រាប់ឆ្នាំប្រធានអាស៊ាន និង AIPA របស់កម្ពុជា ហើយបានមានប្រសាសន៍ថា កម្ពុជាយកចិត្តទុកដាក់យ៉ាងខ្លាំងចំពោះទំនាក់ទំនងរវាងប្រទេសជិតខាងទាំងពីរ ជាពិសេសកិច្ចសហប្រតិបត្តិការរវាងយុវជននៃប្រទេសទាំងពីរ។ លោកឧត្តមសេនីយ៍ឯក ហ៊ុន ម៉ាណែត សង្កត់ធន់ថា ឆ្នាំនេះពិតជាមានអត្ថន័យណាស់ ព្រោះប្រទេសទាំងពីរប្រារព្ធខួប ៥៥ ឆ្នាំនៃការបង្កើតទំនាក់ទំនងការទូត និងខួប ៤៥ ឆ្នាំ នៃដំណើរឆ្ពោះទៅរកការតស៊ូរំដោះជាតិ។
លោកឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណវៀតណាមដែលបានជួយកម្ពុជាឲ្យរួចផុតពីរបបប្រល័យពូជសាសន៍ ប៉ុល ពត ដើម្បីឲ្យកម្ពុជាមានការអភិវឌ្ឍដូចសព្វថ្ងៃនេះ។ លោកឧត្តមសេនីយ៍ឯក ហ៊ុន ម៉ាណែត បានមានប្រសាសន៍ថា យុវជនជំនាន់ក្រោយនៃប្រទេសទាំងពីរត្រូវតែមានការយល់ដឹងដើម្បីបន្តថែរក្សា និងលើកកម្ពស់ទំនាក់ទំនងដ៏ល្អនេះ។
ទំនាក់ទំនងវៀតណាម-កម្ពុជាកំពុងអភិវឌ្ឍយ៉ាងល្អ។ លោកឧត្តមសេនីយ៍ឯក ហ៊ុន ម៉ាណែត បានមានប្រសាសន៍ថា ក្នុងដំណើរបំពេញទស្សនកិច្ចនៅវៀតណាមកាលពីខែសីហា យុវជនគណបក្សប្រជាជនកម្ពុជាថ្នាក់កណ្តាល បានចុះហត្ថលេខាលើកិច្ចព្រមព្រៀងសហប្រតិបត្តិការជាមួយគណៈកម្មាធិការមជ្ឈិមសម្ព័ន្ធយុវជនកុម្មុយនិស្តហូជីមិញ លោកឧត្តមសេនីយ៍ឯក ហ៊ុន ម៉ាណែត មានបំណងចង់ឱ្យ លោក Vuong Dinh Hue ប្រធានរដ្ឋសភាវៀតណាម គាំទ្រយ៉ាងខ្លាំងនូវកិច្ចសហប្រតិបត្តិការនេះរបស់ជំនាន់វ័យក្មេងនៃប្រទេសទាំងពីរ៕
មតិពីមិត្តអ្នកអាន