វៀតណាម-សាធារណរដ្ឋឆែក ជំរុញកិច្ចសហប្រតិបត្តិការក្នុងការទប់ស្កាត់អំពើឧក្រិដ្ឋកម្ម

ពង្រឹងបន្ថែមទៀតនូវកិច្ចសហប្រតិបត្តិការក្នុងការទប់ស្កាត់ និងប្រឆាំងឧក្រិដ្ឋកម្មរវាងវៀតណាម និងចក្រភពអង់គ្លេស

វៀតណាម-កម្ពុជាលើកកម្ពស់កិច្ចសហប្រតិបត្តិការក្នុងការបង្ការប្រយុទ្ធប្រឆាំងឧក្រិដ្ឋកម្ម

នៅក្នុងជំនួបនេះ លោករដ្ឋមន្ត្រី To Lam បានសម្តែងនូវជំនឿថា ក្នុងនាមឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណៈរដ្ឋឆែកប្រចាំនៅវៀតណាម លោក Hynek Kmonicek នឹងក្លាយជាស្ពានមួយដើម្បីបង្កើនការយល់ដឹងគ្នាទៅវិញទៅមក និងសម្របសម្រួលការផ្លាស់ប្តូរបទពិសោធន៍ និងជំរុញសកម្មភាពសហប្រតិបត្តិការរវាងភាគីទាំងពីរ។ នៅក្នុងវិស័យសក្តានុពល និងជាពិសេសក្នុងវិស័យកិច្ចសហប្រតិបត្តិការសន្តិសុខ និងសណ្តាប់ធ្នាប់; តភ្ជាប់អាជ្ញាធរនៃប្រទេសទាំងពីរនិយាយរួម និងតភ្ជាប់ក្រសួងសន្តិសុខសាធារណៈវៀតណាមជាមួយដៃគូឆែក ជាពិសេសអនុវត្តសកម្មភាពសហប្រតិបត្តិការក្នុងក្រប ខ័ណ្ឌនៃឯកសារដែលបានចុះហត្ថលេខា។

លោករដ្ឋមន្ត្រី To Lam បានអះអាងថា បន្ទាប់ពីរយៈពេលជាង ៧២ ឆ្នាំនៃការចិញ្ចឹមបីបាច់ថែរក្សា ទំនាក់ទំនងមិត្តភាព និងកិច្ចសហប្រតិបត្តិការជាប្រពៃណីរវាងវៀតណាម និងសាធារណៈរដ្ឋឆែកត្រូវបានពង្រឹងនិងអភិវឌ្ឍន៍កាន់តែខ្លាំងឡើង ជាពិសេស ទំនាក់ទំនងនយោបាយល្អត្រូវបានបង្ហាញដោយការពិតដែលថាភាគីទាំងពីរបានផ្លាស់ប្តូរគណៈប្រតិភូជាន់ខ្ពស់នាពេលថ្មីៗនេះ ដោយហេតុនេះបានបង្កើតសន្ទុះសម្រាប់ការអភិវឌ្ឍន៍លើវិស័យជាច្រើន ជាពិសេសសេដ្ឋកិច្ច ពាណិជ្ជកម្ម និងការវិនិយោគរវាងប្រទេសទាំងពីរ។ លើសពីនេះ ក្នុងរយៈពេលថ្មីៗនេះ ក្រសួងសន្តិសុខសាធារណៈវៀតណាម និងស្ថាប័នអនុវត្តច្បាប់នៃសាធារណៈរដ្ឋឆែកបានសហការយ៉ាងជិតស្និទ្ធក្នុងការទប់ស្កាត់ និងត្រួតពិនិត្យឧក្រិដ្ឋកម្ម ជាពិសេសឧក្រិដ្ឋកម្មឆ្លងដែន និងឧក្រិដ្ឋកម្មបច្ចេកវិទ្យាកម្រិតខ្ពស់ បទល្មើសគ្រឿងញៀន ឧក្រិដ្ឋកម្មជួញដូរមនុស្ស និងការអនុវត្តសកម្មភាពការពារប្រជាពលរដ្ឋនៃប្រទេសទាំងពីរ...

លោកឯកអគ្គរដ្ឋទូត Hynek Kmonicek បានថ្លែងអំណរគុណចំពោះ លោករដ្ឋមន្ត្រី To Lam ដែលបានចំណាយពេលវេលាទទួលលោក ដោយសម្តែងនូវកិត្តិយសនៅពេលទទួលបេសកកម្មរបស់លោកនៅប្រទេសវៀតណាមក្នុងឱកាសដ៏មានសារៈសំខាន់នេះ។ លោកឯកអគ្គរដ្ឋទូតបានវាយតំលៃខ្ពស់ចំពោះទំនាក់ទំនងមិត្តភាពជាប្រពៃណីដ៏ល្អរវាងសាធារណរដ្ឋឆែក និងវៀតណាមក្នុងរយៈពេលកន្លងមក។ ទន្ទឹមនឹងនោះ ទំនាក់ទំនងកិច្ចសហប្រតិបត្តិការរវាងស្ថាប័នអនុវត្តច្បាប់នៃសាធារណៈរដ្ឋឆែក និងក្រសួងនគរបាលវៀតណាមកំពុងមានការអភិវឌ្ឍន៍កាន់តែស៊ីជម្រៅ និងមានឥទ្ធិពលជាក់ស្តែង ជាពិសេសកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្ម គ្រប់ប្រភេទ។

លោកឯកអគ្គរដ្ឋទូត Hynek Kmonicek បានបញ្ជាក់ថា នៅក្នុងថានៈការងារ លោកនឹងខិតខំប្រឹងប្រែងឱ្យអស់ពីសមត្ថភាព ដើម្បីជំរុញកិច្ចសហប្រតិបត្តិការរវាងប្រទេសទាំងពីរឱ្យកាន់តែមានភាពជិតស្និទ្ធ និងទូលំទូលាយបន្ថែមទៀត រួមទាំងក្នុងវិស័យធានាសន្តិសុខសណ្តាប់ធ្នាប់៕

ហេង វុធ្ធី