ដាក់បញ្ចូលមុជទឹកស្កាយបាក្លាយជាផលិតផលសំខាន់នៅ ឃុំ Thanh Lan ស្រុក Co To

ស្រុក លុកង៉ាន ដាស់ទេសចរណ៍បៃតងងើបពីដំណេក

ស្រុក មឿងឡា គោលដៅដ៏ទាក់ទាញនៅតំបន់ព្រៃភ្នំ តីបាក់

ស្រុក Thanh Lan ជាឃុំកោះមួយដែលមានផ្ទៃដីធំជាងគេនៅប្រជុំកោះនៃស្រុក Co To (ខេត្ត Quang Ninh) មានទីតាំងយុទ្ធសាស្ត្រលើវិស័យការពារជាតិ និងសន្តិសុខសមុទ្រ និងកោះ។ ស្រុក Thanh Lan មានចម្ងាយប្រហែល ៥ គីឡូម៉ែត្រពីកណ្តាលនៃស្រុក Co To (ប្រហែល ៣០ នាទី បើសិន​ជាអ្នកជិះម៉ូតូ) ជិត ៥០ គីឡូម៉ែត្រពីដីគោកនៃស្រុក Van Don ។ ធម្មជាតិប្រទានអោយដល់តំបន់នេះជាមួយនឹងឆ្នេរខ្សាច់ពណ៌ស ឆ្នេរសមុទ្រ ព្រៃធម្មជាតិធំៗ ម្ហូបអាហារមានភាពចម្រុះ និងសម្បូរបែប ជាមួយនឹងអាហារសមុទ្រដែលទាក់ទាញភ្ញៀវទេសចរ។

ជាមួយនឹងប្រៀបខ្លាំង និងសក្ដានុពលនៃប្រព័ន្ធអេកូឡូស៊ីចម្រុះ នាពេលបច្ចុប្បន្នកោះ Thanh Lan មានលក្ខណៈសម្បត្តិគ្រប់គ្រាន់សម្រាប់ការអភិវឌ្ឍន៍ និងក្លាយជាកោះមួយក្នុងចំណោមបណ្តាកោះដែលទាក់ទាញភ្ញៀវទេសចរ នាពេលខាងមុខ តាមរយៈផលិតផលទេសចរណ៍សំខាន់ៗ ដូចជា មុជទឹកស្កាយបា ជិះទូក SUP ស្ទូចត្រី មុជ​ទឹក​ដើម្បី​មើល​ផ្កាថ្ម និង​រួម​បញ្ចូល​គ្នា​នូវ​បទ​ពិសោធ​នៃ​ការ​​បោះ​ជំរំ​រវាង​ព្រៃ​ធម្មជាតិនិង​សមុទ្រ។ ទោះជាយ៉ាងណាក៏ដោយ ក្នុងប៉ុន្មានឆ្នាំថ្មីៗនេះ ទេសចរណ៍ Thanh Lan មិនបានបង្កើតចំណុចលេចធ្លោ និងមិនបានទាក់ទាញចំណាប់អារម្មណ៍ពីអង្គការទេសចរណ៍ និងភ្ញៀវទេសចរឡើយ។

ដាក់បញ្ចូលមុជទឹកស្កាយបាក្លាយជាផលិតផលសំខាន់នៅ ឃុំ Thanh Lan ស្រុក Co To

យោងតាមលោកស្រី Nguyen Thi Thu Trang នាយិកាប្រតិបត្តិក្រុមហ៊ុនពាណិជ្ជកម្ម - សេវាកម្ម Nguyen Viet បាននិយាយថា “ចំនួនភ្ញៀវ​ទេសចរ​ធ្វើ​ដំណើរនៅលើនាវាគឺតូចពេក ការចំណាយមិនគ្រប់គ្រាន់សម្រាប់ប្រេងឥន្ធនៈ និងកម្មករ ដើម្បីរៀបចំដំណើរការនាវាមួយជើង។ ដូច្នេះ យើងព្យាយាមរក្សាការធ្វើដំណើរមួយថ្ងៃមួយ​ជើងពី Thanh Lan ទៅ Van Don និងការធ្វើដំណើរមួយពី Van Don ទៅ Thanh Lan ដើម្បីបម្រើតម្រូវការការធ្វើដំណើររបស់ប្រជាជនកោះ។ យើង​ខ្ញុំ​មាន​បំណងប្រាថ្នាថា តំបន់​សម្របសម្រួលជាមួយអង្គការទេសចរ ក្នុង​ការស្រាវជ្រាវ អភិវឌ្ឍ​ហេដ្ឋារចនាសម្ព័ន្ធគមនាគម ស្នាក់នៅនិង​សេវាកម្មពិសេស ដើម្បីទាក់ទាញភ្ញៀវទេសចរមក Thanh Lan”។

ដាក់បញ្ចូលមុជទឹកស្កាយបាក្លាយជាផលិតផលសំខាន់នៅ ឃុំ Thanh Lan ស្រុក Co To

លោកស្រី Nguyen Thi Thanh Thai លេខាបក្សគណៈកម្មាធិការបក្ស និង​ជាប្រធាន​គណៈកម្មាធិការប្រជាជនឃុំ Thanh Lan ស្រុក Co To បានឲ្យដឹងថា Thanh Lan ជាគោលដៅទេសចរណ៍ធម្មជាតិដែលមិនទាន់ប្រើប្រាស់សក្តានុពលពេញលេញនៅឡើយ។ តំបន់ទើបតែបានរៀបចំសិក្ខាសាលា និងកម្មវិធីដំណើរកំសាន្ត ដើម្បីណែនាំ និងផ្សព្វផ្សាយទេសចរណ៍ទៅកាន់កោះ Thanh Lan (ស្រុក Co To) ក្នុងឆ្នាំ ២០២២ ដោយប្រធានបទ “កោះ Thanh Lan - 'គ្រាប់ពេជ្រលាក់ខ្លួន' នៃភាគឦសានវៀតណាម។ តាមរយៈនោះ អង្គការទេសចរណ៍ និងអ្នកជំនាញបានផ្លាស់ប្តូរ ផ្តល់មតិយោបល់ និងតម្រង់ទិសដើម្បីអភិវឌ្ឍផលិតផលទេសចរណ៍សមស្របនឹងកោះ Thanh Lan។

លោកស្រី Nguyen Thi Thanh Thai - លេខាគណៈកម្មាធិការបក្ស ប្រធានគណៈកម្មាធិការប្រជាជនឃុំ Thanh Lan ខេត្ត Co To (Quang Ninh)៕

“នាពេលនេះ យើងកំពុងស្នើទៅគណៈកម្មាធិការបក្ស រដ្ឋាភិបាល និងអាជ្ញាធរមូលដ្ឋាន បង្កើតលក្ខខណ្ឌអំណោយផលសម្រាប់ Thanh Lan ដើម្បីអភិវឌ្ឍគំរូនៃការមុជទឹកមើលផ្កាថ្ម សេវាកម្មជាច្រើនប្រភេទ ដើម្បីទទួលបទពិសោធន៍ ស្វែងយល់ និងបោះជំរុំ... យើងសង្ឃឹមថា នាពេលខាងមុខ ទេសចរណ៍ Thanh Lan នឹងមានគុណសម្បត្តិជាច្រើន និងទាក់ទាញភ្ញៀវមួយចំនួនធំក្នុង​ស្រុក” លោកស្រី Nguyen Thi Thanh Thai បានមានប្រសាសន៍ថា៖

នាពេលខាងមុខ តំបន់គ្រោងនឹងវិនិយោគលើកំពង់ផែ និងមធ្យោបាយដឹកជញ្ជូនពីកោះ Co To ទៅកោះ Thanh Lan ទាំងឆ្លើយតបនឹងតំរូវការការរបស់ប្រជាជន និងទាំងបំរើតម្រូវការទេសចរណ៍។ លើសពីនេះ តំបន់ជួយគាំទ្រដល់ប្រជាពលរដ្ឋធ្វើទេសចរណ៍ ដើម្បីបណ្តុះបណ្តាលជំនាញវិជ្ជាជីវៈ ពង្រឹងការងារការពារ និងអភិរក្សបរិស្ថានអេកូឡូស៊ី៕

ឌីណា