នាថ្ងៃទី ៥ តុលា នៅទីក្រុង Nha Trang ខេត្ត Khanh Hoa បានប្រព្រឹត្តទៅកិច្ចសន្ទនាសមុទ្រលើកទី ៩ ក្រោមប្រធានបទ “ស្រាវជ្រាវវិទ្យាសាស្ត្រសមុទ្រ៖ កសាងទំនុកចិត្ត និងបង្កើតបរិយាកាសនិរន្តរភាព”។ ព្រឹត្តិការណ៍នេះ សហការរៀបចំដោយបណ្ឌិត្យសភាការទូត ស្ថានទូតអង់គ្លេសប្រចាំនៅវៀតណាម មូលនិធិ Konrad Adenauer Stiftung (KAS) ដែលបានទាក់ទាញតំណាងជាតិនិងអន្តរជាតិជិត ២០០ នាក់មកចូលរួមដោយផ្ទាល់ និងតាមអ៊ីនធឺណិត។
 រាល់សកម្មភាពរំលោភលើអធិបតេយ្យភាពរបស់វៀតណាមនៅប្រជុំកោះ Hoang Sa និង Truong Sa ត្រូវបានចាត់ទុកថាជាមោឃៈ |
 អាស៊ាន និងចិនបន្តអនុវត្តន៍ DOC យ៉ាងពេញលេញ និងប្រកបដោយប្រសិទ្ធភាព |
 |
| លោកបណ្ឌិត Nguyen Hung Son នាយករងនៃបណ្ឌិត្យសភាការទូតថ្លែងមតិក្នុងពិធី |
ថ្លែងមតិនៅទីនេះ លោកបណ្ឌិត Nguyen Hung Son នាយករងនៃបណ្ឌិត្យសភាការទូតបានចាត់ទុកថា កិច្ចសន្ទនាសមុទ្រលើកទី ៩ មានគោលបំណងបញ្ជាក់អំពីតម្លៃនៃសកម្មភាពស្រាវជ្រាវវិទ្យាសាស្ត្រសមុទ្រនៅតំបន់សមុទ្រខាងកើត; តាមរយៈកិច្ចសន្ទនានឹងបើកឱកាសដើម្បីពង្រឹងកិច្ចសហប្រតិបត្តិការរវាងប្រទេសជាប់ឆ្នេរសមុទ្រ និងដៃគូអន្តរជាតិក្នុងសកម្មភាពស្រាវជ្រាវវិទ្យាសាស្ត្រសមុទ្រនៅតំបន់សមុទ្រខាងកើត។
ជាមួយនឹងវគ្គពិភាក្សាចំនួន ៤ កិច្ចសន្ទនាបានលើកឡើងអំពីក្របខ័ណ្ឌច្បាប់សម្រាប់ការស្រាវជ្រាវវិទ្យាសាស្ត្រសមុទ្រយោងតាមអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS); ការអនុវត្តអន្តរជាតិក្នុងការស្រាវជ្រាវវិទ្យាសាស្ត្រសមុទ្រ; ការស្រាវជ្រាវវិទ្យាសាស្ត្រសមុទ្រនៅក្នុងតំបន់ជម្លោះ៖ បញ្ហាប្រឈម អនុសាសន៍គោលនយោបាយ។
ក្នុងវគ្គទី៤ គណៈប្រតិភូបានចូលរួមចំណែកផ្តល់យោបល់ និងអនុសាសន៍គោលនយោបាយ ដើម្បីបង្កើនទំនុកចិត្តរវាងភាគីនានា ដោយឈរលើមូលដ្ឋានជំរុញកិច្ចសហប្រតិបត្តិការស្រាវជ្រាវវិទ្យាសាស្ត្រសមុទ្រក្នុងតំបន់។ វាគ្មិន និងអ្នកចូលរួមក្នុងកិច្ចសន្ទនាបានវាយតម្លៃថា នៅក្នុងតំបន់ជម្លោះ ការមិនទុកចិត្តគ្នារវាងប្រទេសនៅតាមឆ្នេរសមុទ្រដែលកើតចេញពីផលប្រយោជន៍ប្រកួតប្រជែងបានរារាំងកិច្ចសហប្រតិបត្តិការយ៉ាងទូលំទូលាយនៅក្នុងសកម្មភាពស្រាវជ្រាវវិទ្យាសាស្ត្រសមុទ្រ។ ដូច្នេះហើយ សកម្មភាពវិទ្យាសាស្ត្រសមុទ្រចាំបាច់ត្រូវអនុវត្តតាមយ៉ាងតឹងរ៉ឹងនូវបទប្បញ្ញត្តិរបស់ UNCLOS ហើយទន្ទឹមនឹងនោះ គោលនយោបាយគឺចាំបាច់ដើម្បីកាត់បន្ថយការមិនទុកចិត្ត និងពង្រឹងកិច្ចសហប្រតិបត្តិការវិទ្យាសាស្ត្រនៅក្នុងតំបន់។
កិច្ចសន្ទនាបានពិភាក្សាលើបញ្ហាដូចជា៖ ទិដ្ឋភាពច្បាប់ទាក់ទិននឹងសកម្មភាពស្រាវជ្រាវវិទ្យាសាស្ត្រសមុទ្រនៅសមុទ្រខាងកើត; ស្ថានភាពជាក់ស្តែងរបស់អន្តរជាតិនិងតំបន់លើការស្រាវជ្រាវវិទ្យាសាស្ត្រសមុទ្រ ដើម្បីស្នើសំណើ និងគំនិតស្តីពីកិច្ចសហប្រតិបត្តិការស្រាវជ្រាវវិទ្យាសាស្ត្រនៅសមុទ្រខាងកើត និងផ្តល់អនុសាសន៍គោលនយោបាយបង្កើនការជឿទុកចិត្តក្នុងចំណោមភាគីនានា ដោយឈរលើមូលដ្ឋានជំរុញសកម្មភាពសហប្រតិបត្តិការស្រាវជ្រាវវិទ្យាសាស្ត្រសមុទ្រក្នុងតំបន់៕
មតិពីមិត្តអ្នកអាន