ក្នុងសន្និសីទកាសែតជាប្រចាំរបស់ក្រសួងការបរទេស នារសៀលថ្ងៃទី២៥ ខែសីហា នៅទីក្រុងហាណូយ អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានស្នើឲ្យប្រទេសនិងអង្គការអន្តរជាតិនានា គោរពអធិបតេយ្យភាពរបស់វៀតណាមចំពោះប្រជុំកោះ Hoang Sa (Paracel Islands) និង Truong Sa (Spratly Islands) ក៏ដូចជាដែនសមុទ្រពាក់ព័ន្ធដែលត្រូវបានកំណត់តាមអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២។
 ស្វែងយល់ពីផ្ទះបុរាណរបស់ Huynh Thuy Le នៅ Sa Dec ខេត្ត Dong Thap |
 វៀតណាមប្រឆាំងជំទាស់យ៉ាងដាច់អហង្ការនឹងទង្វើរំលោភលើអធិបតេយ្យភាពនៅប្រជុំកោះ Hoang Sa និង Truong Sa |
 |
| អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang |
អញ្ជើញអត្ថាធិប្បាយលើព័ត៌មាននៅគេហទំព័ររបស់អង្គការឧតុនិយមពិភពលោកដោយប្រើប្រាស់ផែនទីរបស់ប្រទេសចិនជាមួយនឹងបន្ទាត់អណ្តាតគោនោះ លោកស្រី Le Thi Thu Hang បានបញ្ជាក់ថា៖ វៀតណាមបានច្រានចោលម្តងហើយម្តងទៀត នូវអ្វីដែលហៅថាបន្ទាត់អណ្តាតគោ ក៏ដូចជាការទាមទារដែនសមុទ្រផ្ទុយទៅនឹងច្បាប់អន្តរជាតិ ជាពិសេស UCLOS ១៩៨២។ វៀតណាមជឿជាក់ថា គ្រប់ទម្រង់នៃការឃោសនា និងការបោះពុម្ពផ្សាយរូបភាព និងខ្លឹមសាររំលោភលើអធិបតេយ្យភាពរបស់វៀតណាមចំពោះប្រជុំកោះទាំងពីរ Hoang Sa និង Truong Sa គឺត្រូវបានចាត់ទុកថាជាមោឃៈ។
វៀតណាមស្នើឲ្យប្រទេស និងអង្គការនានា គោរពអធិបតេយ្យភាពរបស់វៀតណាមចំពោះប្រជុំកោះ Truong Sa និង Hoang Sa ក៏ដូចជាដែនសមុទ្រពាក់ព័ន្ធនៅសមុទ្រខាងកើត ហើយត្រូវដកចេញ និងកែប្រែរាល់ខ្លឹមសារមិនសមស្របនៅទីនោះ។ បេសកកម្មអចិន្ត្រៃយ៍របស់វៀតណាមប្រចាំអង្គការសហប្រជាជាតិក៏បានពិភាក្សាបញ្ហានេះជាមួយអង្គការឧតុនិយមពិភពលោកផងដែរ៕
មតិពីមិត្តអ្នកអាន