យុគសម័យ - អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ទើបតែបានប្រកាសថា ទីក្រុង Cao Lanh នៃខេត្ត Dong Thap ជាសមាជិកនៃបណ្តាញទីក្រុងនៃការសិក្សាសកលរបស់ UNESCO ។
 ពិធីបើកនៃបុណ្យស្វាយ Cao Lanh ឆ្នាំ ២០២២ |
 ខេត្ត Dong Thap (វៀតណាម) និងខេត្តព្រៃវែងពង្រឹងទំនាក់ទំនងមិត្តភាពរវាង |
 |
| ជ្រុងមួយនៃទីក្រុង Cao Lanh ។ (រូបថត៖ VNA) |
នេះជាការទទួលស្គាល់នូវកិច្ចខិតខំប្រឹងប្រែងពិសេសរបស់ទីក្រុង Cao Lanh ក្នុងដំណើរការអនុវត្តក្តីសុបិនសិក្សាពេញមួយជីវិត ក្លាយជាការពិតសម្រាប់មនុស្សគ្រប់គ្នា។
ថ្នាក់ដឹកនាំទីក្រុង Cao Lanh បាននិយាយថា “យុទ្ធសាស្ត្រទីក្រុងនៃការសិក្សារបស់យើងមានគោលបំណងលើកកម្ពស់ឱកាសសិក្សាស្មើៗគ្នាសម្រាប់មនុស្សទាំងអស់គ្នា។ មនុស្សគ្រប់គ្នាបានសម្រួលដល់ការរៀនសូត្រក្នុងការងារ និងកសាងវប្បធម៌នៃការរៀនសូត្រ។ យើងចង់ធានាថា ប្រជាពលរដ្ឋបង្កើតទម្លាប់អានល្អ មានបំណិនចាំបាច់ក្នុងការប្រើប្រាស់ព័ត៍មាន។ យើងខ្ញុំក៏ចង់ធានាថា គ្រឹះស្ថានអប់រំមានបណ្ណាគារដែលមានប្រភពឯកសារសមស្រប…”។
យោងតាម លោកស្រីឯកអគ្គរដ្ឋទូត Le Thi Hong Van ប្រធានស្ថានបេសកកម្មវៀតណាមអមអង្គការ UNESCO បានឲ្យដឹងថា ពានរង្វាន់ “ទីក្រុងនៃការសិក្សា” របស់អង្គការ UNESCO ត្រូវបានប្រគល់ជូនជាលើកដំបូងក្នុងឆ្នាំ ២០១៥។
បណ្តាទីក្រុងត្រូវតែរក្សាទំនាក់ទំនងរវាងស្ថាប័នអប់រំ បណ្តុះបណ្តាល និងវប្បធម៌ ដោយមានការចូលរួមពីដៃគូជាច្រើនដែលតំណាងឱ្យវិស័យរដ្ឋ សង្គមស៊ីវិល និងធុរកិច្ច ប្រមូលធនធានប្រកបដោយប្រសិទ្ធភាព ដើម្បីលើកកម្ពស់គុណភាពនៃការសិក្សានៅគ្រប់កម្រិតនៃការអប់រំ រក្សាការរៀនសូត្របានល្អនៅក្នុងគ្រួសារ និងសហគមន៍ បង្កើតលក្ខខណ្ឌអំណោយផលសម្រាប់ការរៀននៅកន្លែងធ្វើការ ។ ទន្ទឹមនឹងនេះ អនុវត្តយ៉ាងទូលំទូលាយនូវបច្ចេកវិទ្យាសិក្សាទំនើប។
បច្ចុប្បន្ន បណ្តាញទីក្រុងនៃការសិក្សាសកលរបស់អង្គការយូណេស្កូ មានសមាជិកសរុបចំនួន ២៩៤ មកពី ៧៦ ប្រទេស។
សម្រាប់ប្រទេសវៀតណាម មុនពេលទីក្រុង Cao Lanh មានទីក្រុងចំនួន ៣ ដែលអង្គការ UNESCO ទទួលស្គាល់ថាជា “ទីក្រុងនៃការសិក្សា” រួមមាន ទីក្រុង Hai Duong ទីក្រុង Ho Chi Minh ទីក្រុង Vinh (ខេត្ត Nghe An) ៕
Bao Chinh phu
មតិពីមិត្តអ្នកអាន