សិក្ខាសាលាវិទ្យាសាស្ត្រស្តីពីទំនាក់ទំនងទ្វេភាគីពិសេសវៀតណាម និងឡាវ

អបអរសាទរខួបលើកទី៤០ នៃកិច្ចសហប្រតិបត្តិការផ្នែកច្បាប់ និងយុត្តិធម៌រវាងវៀតណាម និងឡាវ

ពង្រឹងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវ

ឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung (ទី ២ ពីឆ្វេង) និងសមមិត្តក្នុងក្រុមប្រឹក្សាទ្រឹស្តីមជ្ឈិមនៃគណៈកម្មាធិការមជ្ឈិមបក្សប្រជាធិបតេយ្យប្រជាមានិតឡាវក្នុងសិក្ខាសាលានេះ។

អញ្ជើញចូលរួមមានឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung លោក Somsavat Lengsavath - អតីតសមាជិកការិយាល័យនយោបាយ អតីតឧបនាយករដ្ឋមន្ត្រីឡាវ និងថ្នាក់ដឹកនាំ និងមន្ត្រីសំខាន់ៗប្រមាណ ២០០ នាក់មកពីនាយកដ្ឋាន ក្រសួង និងសាខានៃប្រទេសឡាវ។

សន្និសីទបានប្រព្រឹត្តទៅក្នុងបរិយាកាសដ៏រំភើបរីករាយ នៅពេលដែលបក្ស ប្រជាជន និងកងទ័ពទាំងមូលនៃប្រទេសឡាវ និងវៀតណាមបាននឹងកំពុងរៀបចំសកម្មភាពជាបន្តបន្ទាប់ ដើម្បីអបអរសាទរថ្ងៃប្រវត្តិសាស្ត្រសំខាន់ពីរនៃប្រទេសទាំងពីរ ខួបលើកទី ៦០ នៃការបង្កើតទំនាក់ទំនងការទូត និង ៤៥ ឆ្នាំនៃ ការចុះហត្ថលេខាលើសន្ធិសញ្ញាមិត្តភាព និងកិច្ចសហប្រតិបត្តិការឡាវ-វៀតណាម និងវៀតណាម-ឡាវ ដើម្បីពិនិត្យមើលឡើងវិញនូវប្រពៃណីនៃទំនាក់ទំនងមិត្តភាពដ៏ធំធេង សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងឡាវ និងវៀតណាម។

សន្និសីទក៏មានគោលបំណងវាយតំលៃលទ្ធផលនៃទំនាក់ទំនងសហប្រតិបត្តិការក្នុងការស្រាវជ្រាវទ្រឹស្តី និងជាក់ស្តែងរវាងបក្សទាំងពីរ រដ្ឋទាំងពីរ និងប្រជាជនឡាវ-វៀតណាម និងវៀតណាម-ឡាវ។

សិក្ខាសាលានេះបានវាយតម្លៃនូវលទ្ធផលនៃទំនាក់ទំនងកិច្ចសហប្រតិបត្តិការក្នុងការស្រាវជ្រាវទ្រឹស្តី និងការអនុវត្តដ៏ជាក់ស្តែងរវាងបក្សទាំងពីរ រដ្ឋទាំងពីរ និងប្រជាជនឡាវ-វៀតណាម និងវៀតណាម-ឡាវ។

អញ្ជើញថ្លែងមតិក្នុងសិក្ខាសាលា លោកឯកអគ្គរដ្ឋទូត Nguyen Ba Hung បានសង្កត់ធ្ងន់ថា ចំណុចសំខាន់មួយដែលធ្វើឱ្យទំនាក់ទំនងវៀតណាម - ឡាវ ក្លាយទៅជាពិសេសជាងទំនាក់ទំនងអន្តរជាតិផ្សេងទៀត គឺប្រទេសទាំងពីរមានទំនុកចិត្តខាងនយោបាយ ជំនឿទុកចិត្តយុទ្ធសាស្ត្រយ៉ាងស៊ីជម្រៅ និងរឹងមាំ។ ការជឿទុកចិត្តនោះកំពុងបន្តកើនឡើង នៅពេលដែលប្រទេសទាំងពីរកំពុងប្រឈមមុខនឹងកាលានុវត្តភាព និងបញ្ហាប្រឈមជាច្រើន។

លោកឯកអគ្គរដ្ឋទូតបានអះអាងថា ជំនឿទុកចិត្តនេះត្រូវបានបង្កើតឡើង ពង្រឹង​​ និងឆ្លងកាត់ការឡើង​ចុះជាច្រើននៃប្រវត្តិសាស្ត្ររបស់ប្រទេសទាំងពីរ កៀក​ស្មា​ជាមួយ​គ្នា​ក្នុង​ការប្រយុទ្ធ ដើម្បី​ដណ្តើមឯករាជ្យ សេរីភាព និងការកសាងប្រទេស ដែលជួយប្រទេសទាំងពីរឈរជើងយ៉ាងរឹងមាំប្រឆាំងនឹងការចលាចលរបស់សម័យកាល ប្រឆាំងនឹងការបែងចែក​របស់កម្លាំងអរិភាព និងជាមូលដ្ឋានគ្រឹះសម្រាប់អនាគតនៃទំនាក់ទំនង និងកិច្ចសហប្រតិបត្តិការរវាងឡាវ-វៀតណាម៕

ឌីណា