យុគសម័យ - នាថ្ងៃទី១០ ខែសីហា នៅទីស្នាក់ការគណៈកម្មាធិការមជ្ឈិមបក្ស លោកអគ្គលេខាបក្ស Nguyen Phu Trong បានទទួលជួបសមមិត្ត Anouphap Tounalom លេខាគណៈកម្មាធិការមជ្ឈិមបក្សប្រជាជនបដិវត្តន៍ឡាវ លេខាគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងវៀងច័ន្ទ (ប្រទេសឡាវ) កំពុងអញ្ជើញមកបំពេញទស្សនកិច្ច និងធ្វើការនៅប្រទេសវៀតណាម។
 ចែករំលែកបទពិសោធន៍ក្នុងប្រតិបត្តិការតុលាការនៅទីក្រុង Da Nang និងឡាវ |
 ពូនជ្រំទំនាក់ទំនងពិសេសរវាងវៀតណាម និងឡាវ |
 |
| លោកអគ្គលេខាបក្ស Nguyen Phu Trong បានទទួលជួបលោក Anouphap Tounalom លេខាគណៈកម្មាធិការមជ្ឈិមបក្សប្រជាជនបដិវត្តន៍ឡាវ លេខាគណៈកម្មាធិការបក្សទីក្រុង និងជាប្រធានក្រុមប្រឹក្សាប្រជាជននៃរដ្ឋធានីវៀងច័ន្ទ។ (រូបថត៖ Tri Dung –VNA) |
សមមិត្ត Anouphap Tounalom បានសម្តែងនូវសេចក្តីសោមនស្សរីករាយដែលបានអញ្ជើញមកបំពេញទស្សនកិច្ច នៅប្រទេសវៀតណាម ថ្លែងអំណរគុណចំពោះលោកអគ្គលេខាបក្ស Nguyen Phu Trong ដែលបានទទួលស្វាគមន៍ និងផ្តល់អារម្មណ៍កក់ក្តៅដល់គណៈប្រតិភូ។ ព្រមទាំងនេះ លោកបានពាំនាំមកនូវការសួរសុខទុក្ខដ៏ស្និទ្ធស្នាលពីលោកអគ្គលេខាបក្ស និងប្រធានរដ្ឋឡាវ Thongloun Sisoulith ជូនចំពោះលោកអគ្គលេខាបក្ស Nguyen Phu Trong។ សមមិត្ត Anouphap Tounalom បានអបអរសាទរ និងមានមោទនភាពយ៉ាងខ្លាំងចំពោះសមិទ្ធិផលសំខាន់ៗ និងអស្ចារ្យដែលវៀតណាមសម្រេចបាន ក្នុងប៉ុន្មានឆ្នាំថ្មីៗនេះ។ លោកបានសម្តែងនូវជំនឿថា ក្រោមការដឹកនាំរបស់បក្សកុម្មុយនិស្តវៀតណាម ដឹកនាំដោយលោកអគ្គលេខាបក្ស Nguyen Phu Trong វៀតណាមនឹងបន្តសម្រេចបានសមិទ្ធិផលថ្មី និងអស្ចារ្យជាច្រើនទៀត អនុវត្តប្រកបដោយជោគជ័យនូវសេចក្តីសម្រេចចិត្តនៃមហាសន្និបាតលើកទី ១៣ របស់បក្ស។
សមមិត្ត Anouphap Tounalom បានថ្លែងអំណរគុណចំពោះការគាំទ្រ និងជំនួយដ៏ធំធេងដែលបក្ស រដ្ឋ និងប្រជាជនវៀតណាមបានប្រគល់ជូនបក្ស រដ្ឋ និងប្រជាជនឡាវរហូតមកដល់ពេលនេះ រួមទាំងទីក្រុងវៀងចន្ទន៍ផងដែរ។ សមមិត្ត Anouphap Tounalom បានអះអាងថា ឡាវរួមជាមួយវៀតណាម ដើម្បីរក្សា ពង្រីក និងលើកកម្ពស់ ហើយបញ្ជូនបន្តទំនាក់ទំនងសាមគ្គីភាពពិសេសនេះ ដល់កូនចៅជំនាន់ក្រោយ។
លោកអគ្គលេខាបក្ស Nguyen Phu Trong បានសម្តែងនូវក្តីរីករាយចំពោះទំនាក់ទំនងរីកចម្រើន ស៊ីជម្រៅ ជាក់ស្តែង និងប្រកបដោយប្រសិទ្ធភាពរវាងវៀតណាម និងឡាវលើវិស័យផ្សេងៗ រួមចំណែកយ៉ាងសំខាន់ក្នុងការរក្សាស្ថិរភាពនយោបាយ ការពារជាតិ សន្តិសុខ និងការអភិវឌ្ឍន៍សេដ្ឋកិច្ចសង្គមរបស់ប្រទេសនីមួយៗ; ហើយទន្ទឹមនឹងនោះ កំណត់ទិសដៅកិច្ចសហប្រតិបត្តិការរវាងក្រសួង ស្ថាប័ន និងគ្រប់ជាន់ថ្នាក់នៃបក្សទាំងពីរនិងប្រទេសទាំងពីរ នាពេលខាងមុខ។ លោកអគ្គលេខាបក្ស Nguyen Phu Trong បានផ្ញើការសួរសុខទុកនិងជូនពរយ៉ាងស្មោះត្រង់ជូនចំពោះលោកអគ្គលេខាបក្ស និងជាប្រធានរដ្ឋឡាវ Thongloun Sisoulith ថ្នាក់ដឹកនាំជាន់ខ្ពស់ និងអតីតថ្នាក់ដឹកនាំជាន់ខ្ពស់នៃប្រទេសឡាវ៕
Sai Gon giai phong
មតិពីមិត្តអ្នកអាន