នារសៀលថ្ងៃទី២៣ ខែកក្កដា នៅវិមានប្រធានរដ្ឋ ប្រធានរដ្ឋវៀតណាម លោក Nguyen Xuan Phuc បានទទួលជួបប្រធានសមាគមផ្លាស់ប្តូរសេដ្ឋកិច្ច និងវប្បធម៌កូរ៉េខាងត្បូង-វៀតណាម លោក Kim Kill Soo ដែលកំពុងបំពេញទស្សនកិច្ចការងារនៅវៀតណាម។
 កិច្ចសហប្រតិបត្តិការអន្តរជាតិស្តីពីការកសាងឧទ្យានភូគព្ភសាស្ត្រ Phu Yen (វៀតណាម) |
 នគបាលខេត្ត Thua Thien - Hue (វៀតណាម) ចុះហត្ថលេខាលើអនុស្សរណៈយោគយល់គ្នាជាមួយខេត្តចំនួនពីរនៃប្រទេសឡាវ |
 |
| លោកប្រធានរដ្ឋ Nguyen Xuan Phuc និងប្រធានសមាគមផ្លាស់ប្តូរសេដ្ឋកិច្ច និងវប្បធម៌កូរ៉េខាងត្បូង-វៀតណាម លោក Kim Kill Soo |
នៅក្នុងជំនួបនេះលោកប្រធានរដ្ឋ Nguyen Xuan Phuc បានវាយតំលៃខ្ពស់ចំពោះសមាគមផ្លាស់ប្តូរសេដ្ឋកិច្ច និងវប្បធម៌កូរ៉េខាងត្បូង-វៀតណាម និងសមាគមនានារបស់កូរ៉េខាងត្បូងដែលវិនិយោគលើវិស័យជាច្រើនរបស់វៀតណាម ព្រមទាំងបានស្នើរឲ្យអង្គភាពអាជីវកម្មប្រើប្រាស់បច្ចេកវិទ្យាទំនើបបំផុត និងការពារបរិស្ថាន។ ក្នុងវិស័យកិច្ចសហប្រតិបត្តិការនាពេលបច្ចុប្បន្ននេះ លោកប្រធានរដ្ឋបានវាយតម្លៃថា សេដ្ឋកិច្ចតែងតែមានចំណុចភ្លឺ និងសម្រេចបានលទ្ធផលលេចធ្លោជាច្រើន។ កូរ៉េខាងត្បូងតែងតែជាអ្នកវិនិយោគឈានមុខគេនៅវៀតណាម ដោយមានទឹកប្រាក់ជិត ៨០ ពាន់លានដុល្លារអាមេរិក។ បច្ចុប្បន្ននេះ ទំហំពាណិជ្ជកម្មរវាងប្រទេសទាំងពីរក៏ឈានដល់ជិត ៨០ ពាន់លានដុល្លារអាមេរិកផងដែរ។ ប្រទេសទាំងពីរក៏សហការគ្នាយ៉ាងល្អលើវិស័យ ODA ការងារ និងទេសចរណ៍។ មេដឹកនាំនៃប្រទេសទាំងពីរសង្ឃឹមថានៅឆ្នាំក្រោយទំហំពាណិជ្ជកម្មទ្វេភាគីនឹងកើនដល់១០០ពាន់លានដុល្លាអាមេរិក ហើយទន្ទឹមនឹងនោះចង់ឱ្យកូរ៉េខាងត្បូងបន្តជាអ្នកវិនិយោគឈានមុខគេនៅវៀតណាម។ លោកប្រធានរដ្ឋក៏បានស្នើឲ្យ សមាគម និងអង្គការសេដ្ឋកិច្ចកូរ៉េខាងត្បូងបន្តយកចិត្តទុកដាក់ជំរុញអង្គភាពអាជីវកម្មកូរ៉េខាងត្បូងពង្រីកគុណសម្បត្តិនៃកិច្ចព្រមព្រៀងពាណិជ្ជកម្មសេរីវៀតណាម-កូរ៉េខាត្បូង (VKFTA) កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ ( RCEP) ពង្រីកពាណិជ្ជកម្មប្រកបដោយតុល្យភាព បង្កើនការវិនិយោគចូលមកវៀតណាម ជាពិសេសគម្រោងបច្ចេកវិទ្យាខ្ពស់ ថាមពលកកើតឡើងវិញ ឧស្សាហកម្មស្និទ្ធស្នាលនឹងបរិស្ថាន ការផ្ទេរបច្ចេកវិទ្យា...
នៅក្នុងជំនួបនោះ លោក Kim Kill Soo បាននិយាយថា អង្គភាពអាជីវកម្មកូរ៉េខាងត្បូងជាច្រើនចាប់អារម្មណ៍វិនិយោគចូលមកវៀតណាម ក្នុងនោះពួកគេចង់វិនិយោគលើការអភិវឌ្ឍន៍គម្រោងនានានៅតំបន់ទន្លេ Hong ដើម្បីរំពឹងថានឹងមានការអភិវឌ្ឍន៍ក្នុងតំបន់នេះដូចជាអព្ភូតហេតុទន្លេហាន នៃប្រទេសកូរ៉េខាងត្បូង។ ប្រតិភូមួយចំនួននៃគណៈប្រតិភូកូរ៉េខាងត្បូងដែលចូលរួមក្នុងជំនួបក៏សង្ឃឹមថាប្រទេសទាំងពីរនឹងជំរុញកិច្ចសហប្រតិបត្តិការលើវិស័យគ្រប់គ្រងកាកសំណល់ ទឹកកខ្វក់ ការងារ និងការផ្លាស់ប្តូរក្នុងវិស័យកីឡា៕
មតិពីមិត្តអ្នកអាន