នាថ្ងៃទី ២៣ ខែកក្កដា នគរបាលខេត្ត Thua Thien – Hue ប្រទេសវៀតណាម បានជួបពិភាក្សាការងារ និងចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការក្នុងការធានាសន្តិសុខ សណ្តាប់ធ្នាប់ និងទប់ស្កាត់បទល្មើសជាមួយនគរបាលខេត្ត Champasak និង Savannakhet (ប្រទេសឡាវ)។
 |
| នគរបាលខេត្ត Thua Thien - Hue ចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការធានាសន្តិសុខ និងសណ្តាប់ធ្នាប់ជាមួយខេត្តចំនួនពីរនៃប្រទេសឡាវ |
ក្នុងពិធីចុះហត្ថលេខានេះ នគរបាលខេត្តទាំងឡាយបានពិភាក្សាអំពីស្ថានភាពសន្តិសុខ សណ្តាប់ធ្នាប់ នាពេលកន្លងមក។ ជាពិសេស នគរបាលខេត្ត Thua Thien - Hue បានសម្របសម្រួលយ៉ាងជិតស្និទ្ធជាមួយនគរបាលខេត្តទាំងឡាយនៃប្រទេសឡាវ ដើម្បីផ្លាស់ប្តូរ ផ្តល់ព័ត៌មាន និងសម្របសម្រួល ដើម្បីដោះស្រាយករណីកើតឡើងជាយថាហេតុ កុំអោយស្ថានការណ៍មានភាពស្មុគស្មាញ។ សម្របសម្រួលជាមួយគណៈកម្មាធិការបក្ស និងអាជ្ញាធរមូលដ្ឋាននៃភាគីនានា ឲ្យដឹកនាំអនុវត្តការងារអភិវឌ្ឍន៍សេដ្ឋកិច្ចសង្គម រួមនឹងការធានាសន្តិសុខជាតិ។ ជាពិសេសការឃោសនា ចលនាប្រជាពលរដ្ឋដែលរស់នៅតាមតំបន់ព្រំដែន គោរពតាមគោលការណ៍ណែនាំ និងគោលនយោបាយរបស់បក្សទាំងពីរ និងរដ្ឋទាំងពីរ ជួយគាំទ្រគ្នាទៅវិញទៅមក ដើម្បីអភិវឌ្ឍន៍រួមគ្នា។
លោកវរសេនីយ៍ឯក Nguyen Thanh Tuan នាយកនៃស្នងការដ្ឋាននគរបាលខេត្ត Thua Thien - Hue ក្នុងនាមថ្នាក់ដឹកនាំនគរបាលខេត្ត បានចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការធានាសន្តិសុខ និងសណ្តាប់ធ្នាប់ជាមួយថ្នាក់ដឹកនាំនគរបាលនៃខេត្តចំនួនពីរក្នុងប្រទេសឡាវ។ លោកវរសេនីយ៍ឯក Nguyen Thanh Tuan សង្ឃឹមថាភាគីនានានឹងសម្របសម្រួលអនុវត្តប្រកបដោយប្រសិទ្ធភាពនូវគោលដៅ និងតម្រូវការដែលបានកំណត់។ ទន្ទឹមនឹងនោះ លោកបានសង្កត់ធ្ងន់ថា នគរបាលខេត្ត Thua Thien - Hue នឹងខិតខំប្រឹងប្រែងឱ្យអស់ពីសមត្ថភាព ដើម្បីបន្តកិច្ចសហប្រតិបត្តិការយ៉ាងពេញលេញជាមួយនគរបាលខេត្ត Champasak និង Savannakhet ដើម្បីបំពេញតម្រូវការ និងភារកិច្ចធានាសន្តិសុខ សណ្តាប់ធ្នាប់ក្នុងស្ថានភាពថ្មី។
ក្នុងឱកាសនេះ នគរបាលនៃខេត្ត៖ Thua Thien - Hue, Quang Tri, Quang Nam, Kon Tum ប្រទេសវៀតណាម និងនគរបាលនៃខេត្ត៖ Champasak, Savannakhet, Salavan, SeKong... (ប្រទេសឡាវ) បានរៀបចំសកម្មភាពផ្លាស់ប្តូរវប្បធម៌ ការប្រកួតកីឡាជាច្រើន។ នេះជាឱកាសសម្រាប់កងកម្លាំងនគរបាលនៃខេត្តនានាផ្លាស់ប្តូរ សិក្សា និងរឹតចំណងសាមគ្គីភាព ភក្តីភាព និងភាពជិតស្និទ្ធរវាងវៀតណាម និងឡាវ។ អាស្រ័យហេតុនេះ បន្តអះអាង និងពង្រឹងមនោសញ្ចេតនា និងការទទួលខុសត្រូវ ក្នុងការបង្កើនទំនាក់ទំនងមិត្តភាព និងកិច្ចសហប្រតិបត្តិការលើវិស័យធានាសន្តិសុខ សណ្តាប់ធ្នាប់ រួមចំណែកបំពេញការងារបានល្អ ក្នុងការកសាង និងការពារប្រទេសជាតិ៕
មតិពីមិត្តអ្នកអាន