ថ្នាក់ដឹកនាំវៀតណាមសរសេរលើកំណត់ត្រាចូលរួមរំលែកទុក្ខមរណភាពលោក Abe Shinzo

វៀតណាមជាប្រទេសដែលមានចំនួនភ្ញៀវទេសចរមកកម្ពុជាច្រើនជាងគេ

វៀតណាមអនុវត្តន៍វិធានការគាំពារ និងជួយឧបត្ថម្ភពលរដ្ឋនៅបរទេស

នាថ្ងៃទី ១១ ខែកក្កដា ឆ្នាំ ២០២២ ស្ថានទូតជប៉ុនប្រចាំនៅវៀតណាមបានបើកសៀវភៅរំលឹកវិញ្ញាណក្ខន្ធដល់អតីតនាយករដ្ឋមន្ត្រីជប៉ុន Abe Shinzo។

អគ្គលេខាបក្ស Nguyen Phu Trong បានផ្ញើកម្រងផ្កាគោរពវិញ្ញាណក្ខន្ធអតីតប្រធានគណបក្សប្រជាធិបតេយ្យសេរី អតីតនាយករដ្ឋមន្ត្រីជប៉ុន លោក Abe Shinzo។ ប្រធានរដ្ឋ លោក Nguyen Xuan Phuc និងនាយករដ្ឋមន្ត្រី Pham Minh Chinh តាងនាមថ្នាក់ដឹកនាំជាន់ខ្ពស់វៀតណាម បានអញ្ជើញទៅសួរសុខទុក្ខ និងសរសេរសៀវភៅបុណ្យសពនៅស្ថានទូតជប៉ុនប្រចាំនៅវៀតណាម ក៏មានការចូលរួមពីថ្នាក់ដឹកនាំមន្ទីរ និងក្រសួងមួយចំនួនផងដែរ។ ប្រធានរដ្ឋសភា លោក Vuong Dinh Hue បានផ្ញើកម្រងផ្កា គោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន លោក Abe Shinzo។

ប្រធានរដ្ឋ លោក Nguyen Xuan Phuc សរសេរលើកំណត់ត្រារំលែកទុក្ខមរណភាពលោកអតីតនាយករដ្ឋមន្ត្រីជប៉ុន Abe Shinzo

ក្នុងសៀវភៅកាន់ទុក្ខនេះ ប្រធានរដ្ឋ លោក Nguyen Xuan Phuc បានផ្ញើសាររំលែកទុក្ខយ៉ាងក្រៀមក្រំបំផុតថ្វាយចំពោះព្រះមហាក្សត្រ ប្រជាជនជប៉ុន និងក្រុមគ្រួសារអតីតនាយករដ្ឋមន្ត្រី Abe Shinzo។ ថ្នាក់ដឹកនាំ និងប្រជាជនវៀតណាមតែងតែគោរព និងចងចាំជានិច្ចនូវក្តីស្រឡាញ់ដ៏ជ្រាលជ្រៅ និងការគាំទ្រ និងការជួយឧបត្ថម្ភដ៏មានតម្លៃដែលលោក Abe Shinzo បានផ្តល់ឱ្យប្រទេសនិងប្រជាជនវៀតណាម ព្រមទាំងកិច្ចព្រមព្រៀងសហប្រតិបត្តិការមិត្តភាពរវាងប្រទេសទាំងពីរ។ ប្រធានរដ្ឋវៀតណាម លោក Nguyen Xuan Phuc បានសង្កត់ធ្ងន់ថា ក្នុងអំឡុងពេលកាន់ដំណែងជានាយករដ្ឋមន្ត្រីជប៉ុន លោក Abe Shinzo បានបន្សល់ទុកនូវសញ្ញាសម្គាល់ពិសេស និងអត្ថន័យជាច្រើនក្នុងការពង្រឹងនិងពង្រីកទំនាក់ទំនងដៃគូយុទ្ធសាស្ត្រដ៏ទូលំទូលាយរវាងវៀតណាម និងជប៉ុន ដើម្បីសន្តិភាព និងវិបុលភាពនៅអាស៊ី។

ប្រធានរដ្ឋ លោក Nguyen Xuan Phuc សរសេរលើកំណត់ត្រារំលែកទុក្ខមរណភាពលោកអតីតនាយករដ្ឋមន្ត្រីជប៉ុន Abe Shinzo (រូបថត៖ Thong Nhat/TTXVN)

លោកនាយករដ្ឋមន្ត្រី Pham Minh Chinh បានសរសេរថា ថ្នាក់ដឹកនាំ និងប្រជាជនវៀតណាម ចូលរួមរំលែកទុក្ខដ៏ក្រៀមក្រំ ចំពោះមរណភាពរបស់លោក Abe Shinzo ដែលជាមិត្តដ៏ល្អ ភក្តីភាពនិងស្មោះត្រង់របស់ថ្នាក់ដឹកនាំ និងប្រជាជនវៀតណាម។ ការបាត់បង់លោក Abe Shinzo មិនត្រឹមតែជាការបាត់បង់ដ៏ធំធេងសម្រាប់ប្រទេសជប៉ុនប៉ុណ្ណោះទេ ប៉ុន្តែក៏ជាការបាត់បង់ សហគមន៍អន្តរជាតិ រួមទាំងវៀតណាមផងដែរ។ ក្នុងរយៈពេលដ៏យូរដែលលោកធ្វើជានាយករដ្ឋមន្ត្រីជប៉ុន កិច្ចសហប្រតិបត្តិការមិត្តភាពរវាងវៀតណាម និងជប៉ុនបានឈានចូលដំណាក់កាលថ្មីមួយ ដោយបានអភិវឌ្ឍន៍យ៉ាងល្អ បន្សល់ទុកនូវសញ្ញាសម្គាល់ពិសេសជាច្រើន៕

យោងតាមវិឡូសំលេងវៀតណាម