នារសៀលថ្ងៃទី ២៩ មិថុនា នៅទីស្នាក់ការមជ្ឈិមបក្ស លោក Vo Van Thuong សមាជិកការិយាល័យនយោបាយ សមាជិកអចិន្ត្រៃយ៍នៃគណៈលេខាមជ្ឈិមបក្ស បានជួបសន្ទនាតាមប្រព័ន្ធវីដេអូជាមួយលោក Sitaram Yechury អគ្គលេខាគណៈបក្សកុម្មុយនិស្តឥណ្ឌា Marxist (CPI-M)។
វៀតណាមនិងអង់គ្លេសបង្កើនកិច្ចសហប្រតិបត្តិការពាណិជ្ជកម្ម |
អនុប្រធានរដ្ឋវៀតណាមអញ្ជើញចូលរួមពិធីធ្វើ សច្ចាប្រណិធានចូលកាន់តំណែងរបស់ប្រធានាធិបតីហ្វីលីពីន |
លោកអគ្គលេខាបក្ស Sitaram Yechury បានវាយតំលៃខ្ពស់ចំពោះសមិទ្ធផលដែលវៀតណាមសម្រេចបានក្រោមការដឹកនាំរបស់បក្សកុម្មុយនិស្តវៀតណាមក្នុងប៉ុន្មានឆ្នាំកន្លងមកនេះ និងមានបំណងចង់ជំរុញទំនាក់ទំនងសហប្រតិបត្តិការជាក់ស្តែងជាមួយបក្សកុម្មុយនិស្តវៀតណាម ក្នុងប៉ុន្មានឆ្នាំខាងមុខ តាមរយៈការផ្លាស់ប្តូរគណៈប្រតិភូ ព័ត៌មាន និងការចែករំលែកបទពិសោធន៍ និងគោលនយោបាយ។
លោក Vo Van Thuong បានអបអរសាទរចំពោះ CPI-M ដែលបានរៀបចំមហាសន្និបាតជាតិលើកទី ២៣ ប្រកបដោយជោគជ័យ ហើយលោក Sitaram Yechury ត្រូវបានជ្រើសតាំងសារជាថ្មីជាអគ្គលេខាបក្ស។ លោក Vo Van Thuong បានអះអាងថា បក្សកុម្មុយនិស្តវៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីជាមួយគណៈបក្សកុម្មុយនិស្ត និងឆ្វេងនិយមរួមទាំង CPI-M។ លោក Vo Van Thuong មានបំណងចង់ជំរុញទំនាក់ទំនងរវាងបក្សទាំងពីរ បង្កើនការផ្លាស់ប្តូរគណៈប្រតិភូ ព័ត៌មាន និងបទពិសោធន៍ក្នុងការកសាងបក្ស និងគោលនយោបាយអភិវឌ្ឍន៍សេដ្ឋកិច្ចសង្គម; លើកទឹកចិត្តអង្គការប្រជាជននៃបក្សទាំងពីរ បង្កើនការជួបប្រាស្រ័យ និងសម្របសម្រួលរៀបចំសកម្មភាពរំលឹកខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងឥណ្ឌា។
លោកអគ្គលេខាបក្ស Sitaram Yechury បានសម្តែងនូវការឯកភាពលើសំណើរបស់បក្សកុម្មុយនិស្តវៀតណាម ហើយអះអាងថាត្រៀមខ្លួនជាស្រេចរួមគ្នាអនុវត្តវិធានការជាក់លាក់នាពេលខាងមុខ៕
មតិពីមិត្តអ្នកអាន