ញៀវទេសចរផ្ទៃក្នុង នាចុងសប្តាហ៍ ថ្ងៃទី២៦-២៧ ខែមីនា ឆ្នាំ ២០២២ មានចំនួន ២០៦.១២១ នាក់ ក្នុងនោះភ្ញៀវជាតិ ១៩៣.៥៨២ នាក់ និងភ្ញៀវបរទេសផ្ទៃក្នុង ១២.៥៣៩ នាក់។ នេះបើតាមរបាយការណ៍របស់ ក្រសួងទេសចរណ៍។
អនុព័ន្ធយោធាកម្ពុជាប្រចាំវៀតណាម ទៅបំពេញទស្សនកិច្ចការងារនៅសាលាមធ្យមសិក្សាការពារព្រំដែនលេខ២ |
គោលនយោបាយច្បាប់របស់វៀតណាមធានាសិទ្ធិមនុស្សចំពោះមុខផលប៉ះពាល់នៃការប្រែប្រួលអាកាសធាតុ |
កម្ពុជា ទទួលបានភ្ញៀវទេសចរផ្ទៃក្នុង ជាង ២០ ម៉ឺននាក់ នៅចុងសប្ដាហ៍ទី៤ ខែមីនានេះ |
អនុវត្តតាមប្រសាសន៍ណែនាំរបស់ សម្តេចតេជោ នាយករដ្ឋមន្ត្រី រដ្ឋបាលរាជធានី-ខេត្ត ក្រុមការងារសហភាពសហព័ន្ធយុវជនកម្ពុជា និងភាគីពាក់ព័ន្ធ បាននិងកំពុងដាក់ចេញ ផែនការ រៀបចំកម្មវិធីកម្សាន្តសប្បាយ នាឱកាសចូលឆ្នាំ ប្រពៃណីជាតិ ពិសេសកម្មវិធី សង្ក្រាន្តចូលឆ្នាំ នៅតាមទីរួមខេត្ត ទីប្រជុំជន និងគោលដៅទេសចរណ៍សំខាន់ៗ រួមជាមួយ ការតុបតែងលម្អ នៅតាមទីតាំងសំខាន់ៗ។ប្រភពដដែលនេះ បានឱ្យដឹងទៀតថាៈ គោលដៅទេសចរណ៍សំខាន់ៗ រួមមាន៖ ខេត្តព្រះសីហនុ ទទួលបានទេសចរ ចំនួន ៣១.៥៨៧ នាក់ , រាជធានីភ្នំពេញ ២៨.៦០៨ នាក់ , ខេត្តបាត់ដំបង ២៣.៩៨០ នាក់ , ខេត្តកំពត ២២.៧០២ នាក់ , ខេត្តសៀមរាប ១៧.៥៣០ នាក់ , ខេត្តកែប ១៥.២៤៦ នាក់ , ខេត្តពោធិ៍សាត់ ១០.៦៥២ នាក់។
ទន្ទឹមនឹងនេះ វិស័យឯកជន មានក្តីរីករាយចំពោះ ការប្រកាសឲ្យមានកម្មវិធីកម្សាន្ត នៅតាមបណ្តារាជធានី-ខេត្ត និងបានកំពុងរៀបចំមូលដ្ឋាន អាជីវកម្មរបស់ខ្លួន ត្រៀមទទួលភ្ញៀវទេសចរ ពិសេសការពង្រឹង ការអនុវត្តវិធានការ ៣កុំ និង៣ការពារ វិធានសុវត្ថិភាពទេសចរណ៍ និង SOP ទៅតាមការណែនាំរបស់អាជ្ញាធរ។
ក្រសួងទេសចរណ៍ បានកំពុងរៀបចំសារាចរណែនាំ ទៅមន្ទីរទេសចរណ៍ និងភាគីពាក់ព័ន្ធ ក្នុងការគ្រប់គ្រងចរន្តភ្ញៀវទេសចរ ការពង្រឹងការអនុវត្តវិធានការ ទប់ស្កាត់ជំងឺកូវីដ-១៩ រួមជាមួយការពង្រឹងគុណភាព ផលិតផល និងសេវាកម្មទេសចរណ៍៕
rasmeinews/Freshnews
មតិពីមិត្តអ្នកអាន