អ.ស.ប មានបំណងប្រាថ្នាអោយវៀតណាមចូលរួមយ៉ាងស៊ីជម្រៅជាងទៀតក្នុងសកម្មភាពរក្សាសន្តិភាព

អង្គការសហប្រជាជាតិ (អ.ស.ប) វាយតម្លៃខ្ពស់ចំពោះការរួមវិភាគទានរបស់ វៀតណាមដល់សកម្មភាពរក្សាសន្តិភាពអន្តរជាតិ

វៀតណាមនៅ អ.ស.ប៖ វៀតណាម វាយតម្លៃខ្ពស់និងគាំទ្រដល់គណៈបេសកកម្មថែរក្សាសន្តិភាពប្រចាំនៅស៊ូដង់ខាងត្បូង

អ.ស.ប ជូនពរវៀតណាមចូលរួមយ៉ាងស៊ីជម្រៅក្នុងសកម្មភាពរក្សាសន្តិភាព

លោក Lacroix បានធ្វើការវាយតម្លៃទាំងនេះក្នុងជំនួបធ្វើការជាមួយឯកអគ្គរដ្ឋទូត Dang Hoang Giang ប្រធានគណៈប្រតិភូវៀតណាមប្រចាំនៅអង្គការសហប្រជាជាតិ ដើម្បីជំរុញការចូលរួមរបស់វៀតណាមក្នុងសកម្មភាពរក្សាសន្តិភាពរបស់អង្គការសហប្រជាជាតិ។

អគ្គលេខាធិការរងអង្គការសហប្រជាជាតិ លោក Lacroix ទទួលបន្ទុកប្រតិបត្តិការរក្សាសន្តិភាព ក៏បានសម្តែងនូវឆន្ទៈក្នុងការពិចារណាយ៉ាងសកម្មនូវសំណើរបស់វៀតណាម និងមានបំណងប្រាថ្នាថា វៀតណាមនឹងបន្តពង្រឹងសមត្ថភាពកងកម្លាំងរក្សាសន្តិភាពរបស់ខ្លួន តាមរយៈការបណ្តុះបណ្តាល ធានាឧបករណ៍ និងការអនុវត្តបច្ចេកវិទ្យាថ្មី ដើម្បីត្រៀមខ្លួនជាស្រេចក្នុងការ ចូលរួមជាមួយអង្គភាពដែលនឹងត្រូវដាក់ពង្រាយដោយអង្គការសហប្រជាជាតិនាពេលខាងមុខ ជាពិសេសអង្គភាពវិស្វកម្ម ឧទ្ធម្ភាគចក្រ និងព័ត៌មាន។

លោកឯកអគ្គរដ្ឋទូត Dang Hoang Giang បានថ្លែងអំណរគុណចំពោះអគ្គលេខាធិការរង Lacroix ក៏ដូចជាអង្គការសហប្រជាជាតិ ដែលបានបង្កលក្ខណៈងាយស្រួលសម្រាប់វៀតណាមចូលរួមយ៉ាងសកម្មក្នុងសកម្មភាពរក្សាសន្តិភាពនៅបេសកកម្មរបស់អង្គការសហប្រជាជាតិនាពេលកន្លងមក។

លោកឯកអគ្គរដ្ឋទូតបានសម្តែងនូវគោលបំណងថា អគ្គលេខាធិការង Lacroix ជាពិសេស និងអង្គការសហប្រជាជាតិនិយាយរួមនឹងបន្តបង្កើនការគាំទ្រសម្រាប់វៀតណាម ទាំងកម្លាំងយោធា និងប៉ូលីស ដើម្បីកងកម្លាំងវៀតណាមចូលរួមថែរក្សាការបញ្ចប់ភារកិច្ចនៅបេសកកម្មរបស់ខ្លួន។

លោកឯកអគ្គរដ្ឋទូតបានសង្កត់ធ្ងន់ថា វៀតណាមត្រៀមខ្លួនជាស្រេចក្នុងការបញ្ជូនកងកម្លាំងបន្ថែមនៅពេលមានការស្នើសុំពីអង្គការសហប្រជាជាតិ រួមទាំងកងកម្លាំងនគរបាល មន្ត្រី និងបេក្ខភាពសម្រាប់មុខតំណែងពាក់ព័ន្ធនៅលេខាធិការដ្ឋានអង្គការសហប្រជាជាតិ។

លោកឯកអគ្គរដ្ឋទូតបានស្នើថា នាយកដ្ឋានប្រតិបត្តិការសន្តិភាព និងទីភ្នាក់ងាររបស់អង្គការសហប្រជាជាតិជួយឧបត្ថម្ភវៀតណាមក្នុងវគ្គបណ្តុះបណ្តាលភាសា បង្កើនការជួយឧបត្ថម្ភឧបករណ៍ទំនើប ជាពិសេសជួយវៀតណាមឱ្យក្លាយជាមជ្ឈមណ្ឌលបណ្តុះបណ្តាល និងបណ្តុះបណ្តាលសម្រាប់វៀតណាមក្នុងបេសកកម្មរក្សាសន្តិភាពរបស់អង្គការសហប្រជាជាតិក្នុងតំបន់។

ក្នុងឱកាសនេះ លោកឯកអគ្គរដ្ឋទូតសូមគោរពអញ្ជើញអគ្គលេខាធិការរងអង្គការសហប្រជាជាតិ លោក Jean-Pierre Lacroix មកបំពេញទស្សនកិច្ច និងធ្វើការនៅវៀតណាមក្នុងពេលវេលាអំណោយផល៕

ហេង វុធ្ធី