UNFPA វាយតំលៃខ្ពស់​ចំពោះការខិតខំប្រឹងប្រែង​របស់វៀតណាម​ក្នុងការ​កែលម្អ​សុខភាពបន្តពូជ

UNFPA បន្តគាំទ្រវៀតណាមក្នុងការពង្រឹងប្រព័ន្ធចុះបញ្ជីនិងស្ថិតិអត្រានុកូលដ្ឋាន

ប្រទេសអង់គ្លេស​វាយតំលៃខ្ពស់​ចំពោះតួនាទី​ដែលកាន់​តែកើនឡើង​របស់​វៀតណាមក្នុងនៅតំបន់និងលើពិភពលោក

លោកស្រី Naomi Kitahara ប្រធានតំណាងមូលនិធិប្រជាជនអង្គការសហប្រជាជាតិ (UNFPA) ប្រចាំនៅវៀតណាម (រូបថត៖ VNA)

ក្នុងបទសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាម នាពេលថ្មីៗនេះ លោកស្រី Naomi Kitahara បានសង្កត់ធ្ងន់ថា អត្រាមរណភាពមាតានៅវៀតណាមបានថយចុះគួរឱ្យកត់សម្គាល់ក្នុងរយៈពេល ៣ ទសវត្សរ៍កន្លងទៅ ហើយនាបច្ចុប្បន្ននេះមានករណីស្លាប់មានត្រឹមតែ ៤៦ នាក់ ប៉ុណ្ណោះក្នុងចំណោមទារកនៅរស់ទាំង ១០០ ០០០ នាក់។

លោកស្រីក៏បានវាយតម្លៃខ្ពស់ចំពោះសមិទ្ធិផលសមភាពយេនឌ័រ ដែលវៀតណាម សម្រេចបានក្នុងជីវភាពនយោបាយជាមួយអត្រាសមាជិការដ្ឋសភានីតិកាលទី ១៥ សម្រេចបាន ៣០,២៦% បើប្រៀបធៀបនឹងតួរលេខ ២៦,៧២% នៅក្នុងអាណត្តិមុន។ លើសពីនេះទៅទៀត ស្ត្រីក្នុងអាយុធ្វើពលកម្មចំនួន ៦៥,៣% បានចូលរួមទីផ្សារការងារ ហើយអត្រាស្រដៀងគ្នានេះដែរ ចំពោះបុរសវិញគឺ ៧៣,៣% ពោលគឺមានអត្រាខ្ពស់បើប្រៀបធៀបទៅនឹងអត្រាមធ្យមភាគនៃតំបន់ជាច្រើន។

យោងតាមប្រធានតំណាងមូលនិធិប្រជាជនអង្គការសហប្រជាជាតិបានឲ្យដឹងថា តួនាទីរបស់ស្ត្រីវៀតណាមក្នុងសង្គមកំពុងផ្លាស់ប្តូរគួរឱ្យកត់សម្គាល់។ ដំណើរការទំនើបកម្ម និងសមិទ្ធិផលនៃបច្ចេកវិទ្យាព័ត៌មានបាននាំមកនូវឱកាសជាច្រើនដល់ស្ត្រី និងកុមារីនៅវៀតណាម។ ស្ត្រីវៀតណាមកាន់តែអះអាងពីឋានៈរបស់ខ្លួនហើយសម្រេចបានជោគជ័យជាច្រើនលើគ្រប់វិស័យចាប់ពីសង្គមរហូតដល់សេដ្ឋកិច្ច និងនយោបាយផងដែរ៕

យោងតាមវិឡូសំលេងវៀតណាម