យុគសម័យ - ខ្ញុំបាននៅប្រទេសវៀតណាមអស់រយៈពេលជិត ២៦ ឆ្នាំមកហើយ ប៉ុន្តែបានប្រារព្ធពិធីបុណ្យតេតនៅទីនេះតែ ៤ ដងប៉ុណ្ណោះ។ ដោយសារឥទ្ធិពលនៃជំងឺរាតត្បាត Covid-19 បានកើតឡើង ក្នុងរយៈពេល ២ ឆ្នាំជាប់គ្នា ខ្ញុំក៏បានស្វាគមន៍បុណ្យតេត នៅវៀតណាម។
ផ្លូវដែក Cat Linh - Ha Dong៖ រូបភាពនៃទំនាក់ទំនងរវាងវៀតណាម-ចិន |
ថ្នាក់ដឹកនាំវៀតណាមនិងថ្នាក់ដឹកនាំចិន ផ្លាស់ប្តូរសារអបអរសាទរ |
លោក Trieu Khien ប្រធានសមាគមធុរកិច្ចចិននៅទីក្រុង Ho Chi Minh។ |
អារម្មណ៍នៅពេលដែលខ្ញុំអំណរស្វាគមន៍បុណ្យតេតនៅទីនេះគឺការនឹកផ្ទះណាស់ នឹកពុកម៉ែ បងប្អូន ក៏ដូចជាមិត្តភ័ក្តិនៅប្រទេសចិន។ ជាពិសេស ខ្ញុំឃើញថា បុណ្យតេតនៅវៀតណាមនៅតែមានលក្ខណៈពិសេស "អតីតកាល" ច្រើន ឬគេតែងតែនិយាយថា វាជាប្រពៃណី ដូច្នេះហើយបរិយាកាសបុណ្យតេត នៅទីនេះរំលឹកនឹកដល់នូវអនុស្សាវរីយ៍កាលពីកុមារភាពរបស់ខ្ញុំ។ នៅពេលនោះ ប្រជាជនយើងនៅខ្វះខាតសម្ភារៈ ប៉ុន្តែពួកគេសម្បូរទៅដោយសេចក្តីស្រលាញ់ និងសេចក្តីសប្បុរស ដូច្នេះខ្ញុំពិតជាគោរពទាំងនោះ។
ស្វាគមន៍បុណ្យតេតក្នុងប្រទេសវៀតណាម ក៏មានភាពស្រដៀងគ្នាជាច្រើនជាមួយនឹពិធីបុណ្យចូលឆ្នាំចិន ព្រោះប្រទេសទាំងពីរឥទ្ធពលពីអរិយធម៌បូព៌ា។ ខ្ញុំដោយផ្ទាល់ជាជនជាតិ Zhuang រស់នៅក្នុងទីក្រុង Nanning - ខេត្ត Guangxi ដែលជាខេត្តដែលមានព្រំប្រទល់ជាប់នឹងប្រទេសវៀតណាម ដូច្នេះចាប់ពីទំនៀមទម្លាប់ប្រពៃណីនៃបុណ្យតេត ដល់ការហូបចុកក្នុងឱកាសចូលឆ្នាំថ្មីប្រពៃណី មានភាពស្រដៀងគ្នាជាច្រើន ឧទាហរណ៍៖ អង្ករដំណើប និងសណ្តែកខៀវដែលបានគេវេចខ្ចប់ជានំអន្សំរាងជ្រុងបូបជាមួយស្លឹក...
នៅប្រទេសវៀតណាម មានវិនិយោគិនជនជាតិចិន និងអ្នកជំនាញគ្រប់គ្រងជនជាតិចិនជាច្រើននាក់ ដែលមិនអាចត្រឡប់ទៅស្រុកកំណើតវិញបានទេ ដោយសារជំងឺរាតត្បាត Covid-19 ដូច្នេះពួកគេស្នាក់នៅប្រទេសវៀតណាម និងស្វាគមន៍បុណ្យតេត។ ខ្ញុំគិតថាក្នុងចិត្តមនុស្សគ្រប់រូបប្រហែលដូចខ្ញុំ ខ្លះចាត់ទុកវៀតណាមជាប្រទេសកំណើតទីពីរ។
ឆ្នាំ ២០២១ គឺជាឆ្នាំដ៏លំបាក និងច្របូកច្របល់។ រដ្ឋាភិបាលវៀតណាមបានគ្រប់គ្រងយ៉ាងសកម្មនូវជំងឺរាតត្បាត ដោយអនុវត្តគោលនយោបាយ “រស់នៅដោយសុវត្ថិភាពជាមួយជំងឺរាតត្បាត” ដើម្បីអភិវឌ្ឍសេដ្ឋកិច្ចក្នុងស្ថានភាពធម្មតាតាមបែបថ្មី។ ថ្មីៗនេះ ក្រុមគ្រូពេទ្យ និងបុគ្គលិកពេទ្យបានជួយយ៉ាងសកម្ម និងចាក់វ៉ាក់សាំងដល់អ្នកវិនិយោគ និងអ្នកជំនាញចិន ខ្ញុំក៏សូមតំណាងឱ្យសមាគមធុរកិច្ចចិនប្រចាំនៅទីក្រុង Ho Chi Minh សូមថ្លែងអំណរគុណយ៉ាងជ្រាលជ្រៅដល់អាជ្ញាធរមូលដ្ឋាន។
នាពេលកន្លងមក សមាគមរបស់យើងក៏បានបើកនិងរៀបចំសកម្មភាពសប្បុរសធម៌នៅខេត្តភាគខាងត្បូង ដូចជាទីក្រុង Ho Chi Minh ខេត្ត Binh Duong ខេត្ត Dong Nai និង Long An។ ទឹកប្រាក់សរុប និងសប្បុរសជនដែលផ្តល់ដោយធុរកិច្ចចិនមានចំនួនជាង ៤៦ ពាន់លានដុង ដែលក្នុងនោះជាង ៥ ពាន់ លានដុងដែលជាអំណោយផ្ទាល់របស់សមាគម។ ខ្ញុំជឿជាក់ថា ដោយមានស្មារតីនៃជំនួយទៅវិញទៅមក យើងនឹងឈ្នះជំងឺរាតត្បាត សេដ្ឋកិច្ចវៀតណាមក៏នឹងឡើងដល់កម្ពស់ថ្មី ផងដែរ!
បុណ្យតេតវៀតណាមតាមការយល់ឃើញរបស់មិត្តអន្តរជាតិ៖ ហេតុអ្វីស្រលាញ់?
ស្វាគមន៍និទាឃរដូវនៅវៀតណាម យើងក៏មានមិត្តភក្តិជាច្រើនមកពីជុំវិញពិភពលោក។ ពួកយើងមានហេតុផលផ្សេងៗ គ្នាក្នុងការស្វាគមន៍បុណ្យតេត ប៉ុន្តែពួកគេភាគច្រើនមានសេចក្តីស្រឡាញ់ និងការបំផុសគំនិតរួមគ្នា ដើម្បីស្វែងរកភាពស្រស់ស្អាតនៃប្រទេសវៀតណាមនិងប្រជាជនវៀតណាម។ ចូរស្តាប់ពួកគេនិយាយថា ហេតុអ្វីមានក្តីស្នេហាបែបនេះ?
thoidai.com.vn
មតិពីមិត្តអ្នកអាន