ការស្ទុះងើបឡើងវិញនៃវិស័យទេសចរណ៍របស់កម្ពុជាមិនបង្ហាញសញ្ញានៃការថមថយឡើយ ទោះបីជាមានការលេចចេញវីរុសបំប្លែងថ្មី Omicron ក៏ដោយ។ ការដែលប្រជាជនដើរលេងយ៉ាងច្រើនកុះករដើម្បីស្វាគមន៍ឆ្នាំថ្មីឆ្នាំ ២០២២ បានជួយឱ្យ "ឧស្សាហកម្មគ្មានផ្សែង" របស់ប្រទេសនេះមានការរីកចម្រើនខ្លាំង។
 ក្រោយជំងឺកូវីដ១៩ វិស័យទេសចរណ៍នៅកម្ពុជាមានការរីកចម្រើន ... ដោយមកពីណា? |
 ក្រសួងទេសចរណ៍សហការជាមួយរាជបណ្ឌិត្យសភាពិភាក្សាគ្នាដើម្បីជំរុញទេសចរណ៍នៅកម្ពុជា |
ទីភ្នាក់ងារសារព័ត៌មានជាតិកម្ពុជា (AKP) បានដកស្រង់ទិន្នន័យរបស់ក្រសួងទេសចរណ៍ថា ក្នុងឱកាស ឈប់សម្រាកដើម្បីស្វាគមន៍ឆ្នាំថ្មី ឆ្នាំ២០២២ កាលពីចុងសប្តាហ៍មុន មនុស្សសរុបចំនួន ១,១៤៥,១៤១ នាក់បានធ្វើដំណើរទៅទេសចរណ៍នៅកម្ពុជា។ ក្នុងនោះ ទេសចរបរទេសមានចំនួន ៥,៧៥៤ នាក់ កើនឡើង ៦៣,៦៥% បើធៀបនឹងរយៈពេលដូចគ្នាកាលពីឆ្នាំមុន ហើយខេត្តសៀមរាប និងរាជធានីភ្នំពេញ ជាគោលដៅទាក់ទាញភ្ញៀវទេសចរច្រើនជាងគេ។
 |
| ទិដ្ឋភាពប្រាសាទអង្គរវត្ត ក្នុងខេត្តសៀមរាប (រូបថត៖ AFP/TTXVN) |
បន្ទាប់ពីប្រទេសកម្ពុជាបានប្រកាសបញ្ចប់ "ព្រឹត្តិការណ៍សហគមន៍ ២០ កុម្ភៈ" ដែលបណ្តាលឱ្យរលកទីបីនៃការឆ្លងជំងឺកូវីដ-១៩ អូសបន្លាយជាង ១០ ខែមក អាជ្ញាធររាជធានីភ្នំពេញ និងតាមបណ្តាខេត្តនានាបានរៀបចំសកម្មភាពសហគមន៍ឡើងវិញ រួមទាំងការប្រគុំតន្ត្រីផងដែរដើម្បីអបអរឆ្នាំថ្មី ឆ្នាំ២០២២ និងទាក់ទាញអ្នកទេសចរ។ នៅរាជធានីភ្នំពេញ យោងតាមស្ថិតិបឋមរបស់អាជ្ញារក្រុង មានមនុស្សជាង ៣៦ ម៉ឺននាក់បានទៅលេងតំបន់ទេសចរណ៍ធំៗរបស់រាជធានី ដូចជាកោះពេជ្រ តំបន់មាត់ទន្លេទល់មុខព្រះបរមរាជវាំង តំបន់ជ្រោយចង្វារ និងពហុកីឡដ្ឋានជាតិ...
Quan doi Nhan dan
មតិពីមិត្តអ្នកអាន