យុគសម័យ - ពិធីអបអរសាទរខួបលើកទី ១១០ នៃថ្ងៃកំណើតរបស់លោកនាយឧត្តមសេនីយ៍ Vo Nguyen Giap នឹងបានធ្វើឡើង តាមថ្នាក់ជាតិ និងផ្សារភ្ជាប់ជាមួយនឹងព្រឹត្តិការណ៍អបអរសាទរខួបលើកទី ៧៧ នៃទិវាបង្កើតកងទ័ពប្រជាជនវៀតណាម (ថ្ងៃទី ២២ ខែធ្នូ ឆ្នាំ ១៩៤៤ - ថ្ងៃទី ២២ ខែធ្នូ ឆ្នាំ ២០២១) និង ៣២ ឆ្នាំនៃទិវាការពារជាតិដោយប្រជាជនទាំងមូល (ថ្ងៃទី ២២ ខែធ្នូ ឆ្នាំ ២៩៨៩ ដល់ថ្ងៃទី ២២ ខែធ្នូ ឆ្នាំ ២០២១)។
![]() |
![]() |
ពិធីអបអរសាទរខួបលើកទី ១១០ នៃថ្ងៃកំណើតរបស់លោកនាយឧត្តមសេនីយ៍ Vo Nguyen Giap មានគោលបំណងលលើកតំកើង គោរព និងដឹងគុណចំពោះគុណូបការៈ និងការរួមចំណែកដ៏ធំធេងរបស់លោកនាយឧត្តមសេនីយ៍ក្នុងបុព្វហេតុរំដោះជាតិ ការបង្រួបបង្រួមជាតិ កសាង និងការពារមាតុភូមិប្រទេស។
នេះជាព្រឹត្តិការណ៍រំលឹកនូវមនោសញ្ចេតនាដ៏ពិសិដ្ឋរបស់លោកនាយឧត្តមសេនីយ៍ចំពោះប្រជាជនទូទាំងប្រទេសនិយាយរួម និងប្រជាជនខេត្ត Quang Binh និយាយដោយឡែក សម្តែងនូវការដឹងគុណដ៏អនេករបស់គណៈកម្មាធិការបក្ស កងទ័ព និងប្រជាជនខេត្ត Quang Binh ចំពោះលោកនាយឧត្តមសេនីយ៍ Vo Nguyen Giap។
![]() |
ការបោះពុម្ភ សៀវភៅ និងអត្ថបទដែលសរសេរអំពីឧត្តមសេនីយ៍ Vo Nguyen Giap។ (រូបភាព៖ Trong Duc/VNA) |
ពិធីអបអរសាទរនេះរួមមានសកម្មភាពដ៏មានអត្ថន័យ៖ ពិធីអុជធូប ដាក់កម្រងផ្កានៅមណ្ឌលរំលឹកវិញ្ញាណក្ខន្ធលោកនាយឧត្តមសេនីយ៍ Vo Nguyen Giap (ឃុំ Loc Thuy ស្រុក Le Thuy) តំបន់ផ្នូរលោកឧត្តមសេនីយ៍ (ឃុំ Quang Dong ស្រុក Quang Trach) ទីបញ្ចុះសពយុទ្ធជនពលី Ba Doc (ស្រុកBo Trach)។ វិមានរំលឹកដល់លោកប្រធានហូជីមិញ និងវីរជន និងយុទ្ធជនដែលបានពលីនៃខេត្ត (ទីក្រុង Dong Hoi) និងពិធីអបអរសាទរនឹងធ្វើឡើង នៅមជ្ឈមណ្ឌលវប្បធម៌ និងរោងកុនខេត្ត Quang Binh។ ពិធីទាំងនេះនឹងចាក់ផ្សាយដោយផ្ទាល់លើវិទ្យសម្លេងនិងទូរទស្សន៍ VTV1, VOV, ទូរទស្សន៍ការពារជាតិ, ទូរទស្សន៍ប្រជាជន, ទូរទស្សន៍នគរបាលប្រជាជន និងទូរទស្សន៍នៃខេត្ត-ក្រុងទូទាំងប្រទេស។
សកម្មភាពស្វាគមន៍ឆ្នាំថ្មី បម្រើភ្ញៀវទេសចរណ៍នៅមជ្ឈមណ្ឌលទេសចរណ៍ Phong Nha-Ke Bang ... និងសកម្មភាពជាច្រើន ដើម្បីផ្សព្វផ្សាយតម្លៃនិងផលិតផលទេសចរណ៍វប្បធម៌ និងប្រវត្តិសាស្ត្រខេត្ត Quang Binh។
ដើម្បីឆ្លើយតបនឹងតម្រូវការនៃការបង្ការ និងប្រឆាំងនឹងជំងឺរាតត្បាត កម្មវិធីត្រូវបានថត និងផ្សាយផ្ទាល់លើវេទិកាឌីជីថលនៃទេសចរណ៍ Quang Binh (Fanpage Facebook: Quang Binh Tourism)៕
Dang Cong san
មតិពីមិត្តអ្នកអាន