ពិធីប្រគល់អដ្ឋិធាតុទាហានអាមេរិកដែលបាត់ខ្លួនក្នុងសម័យសង្គ្រាម

ពិធីគោរពវិញ្ញាណក្ខ័ន្ធ និងការបញ្ចុះអដ្ឋិធាតុកងទ័ពស្ម័គ្រចិត្ដ និងអ្នកជំនាញការវៀតណាមចំនួន ២៤ អដ្ឋិធាតុ ដែលពលីជីវិតនៅប្រទេសឡាវ

ខេត្ត Binh Phuoc បានរកឃើញនិងប្រមូលផ្ដុំអដ្ឋិធាតុយុទ្ធជនពលីចំនួន ២២ អដ្ឋិធាតុ នៅឃុំជាប់ព្រំដែនកម្ពុជា

ថ្លែងក្នុងពិធីប្រគល់ លោក Nguyen Hong Quang នាយករងនៃស្ថាប័នស្វែងរកជនបាត់ខ្លួនរបស់វៀតណាម (VNOSMP) បានសង្កត់ធ្ងន់លើគោលនយោបាយមនុស្សធម៌របស់វៀតណាម ក្នុងការដោះស្រាយបញ្ហា MIA ជាមួយអាមេរិក និងបញ្ជាក់ពីស្មារតីសន្តិភាពរបស់ប្រជាជនវៀតណាម។ លោកបានវាយតម្លៃខ្ពស់និងរំពឹងថា អាមេរិកនឹងបង្កើនជំនួយដល់វៀតណាមថែមទៀត ក្នុងការជំនះផលវិបាកនៃសង្គ្រាម ពិសេសគឺ ការបោសសម្អាតគ្រាប់បែក មីន សម្អាតបរិស្ថានដែលរងសារជាតិគីមីពុលឌីអុកស៊ីន និងជួយស្វែងរកជនរងគ្រោះ កងទ័ពវៀតណាមដែលបាត់ខ្លួនក្នុងសម័យសង្គ្រាម។

ស្ថាប័នស្វែងរកជនបាត់ខ្លួនរបស់វៀតណាម (VNOSMP) ប្រគល់អដ្ឋិធាតុទាហានអាមេរិកដែលបាត់ខ្លួនក្នុងសង្គ្រាមនៅវៀតណាម ជូនអាមេរិក (រូបថត៖​ vnanet.vn)

លោក Noah Zaring ឯកអគ្គរដ្ឋទូតស្តីទីអាមេរិកប្រចាំវៀតណាម បានថ្លែងអំណរគុណចំពោះការជួយគាំទ្រក្នុងសកម្មភាពមនុស្សធម៌ MIA របស់រដ្ឋាភិបាល ប្រជាជនវៀតណាម និង VNOSMP។ លោកសង្កត់ធ្ងន់ថា សកម្មភាពមនុស្សធម៌ MIA បានចូលរួមចំណែកកសាងទំនុកទុកចិត្ត និងការគោរពគ្នាទៅវិញទៅមក ហើយជាមូលដ្ឋានក្នុងការជម្រុញទំនាក់ទំនងរវាងប្រទេសទាំងពីរ ក្នុងនោះ មានការដោះស្រាយផលវិបាកសង្គ្រាមនៅវៀតណាមផងដែរ៕

kh.qdnd.vn