នាព្រឹកថ្ងៃទី៥ ខែធ្នូ នៅស្រុក Seponh ខេត្ត Savanakhet នៃសាធារណរដ្ឋប្រជាធិបតេយ្យប្រជាមានិតឡាវ បានប្រព្រឹត្តទៅពិធីបើកកម្មវិធីពិនិត្យនិងព្យាបាលជំងឺរួមរវាងកងទ័ពនៃប្រទេសទាំងពីរវៀតណាមនិងឡាវ។
 ទឹកចិត្តនៃកម្មាភិបាលនៃអង្គភាពសេដ្ឋកិច្ច-ការពារជាតិលេខ ៣៣៧ |
 កងទ័ពប្រជាជនវៀតណាម ផ្សព្វផ្សាយអំពីវប្បធម៌ ទឹកដី និងមនុស្សវៀតណាមចំពោះមិត្តភក្តិទូទាំងពិភពលោក |
 |
| រូពេទ្យនៃមន្ទីរពេទ្យយោធាពិនិត្យជំងឺឲ្យប្រជាជនភូមិ Densavan ស្រុក Seponh ខេត្ត Savanakhet។ (រូបថត៖ baobienphong) |
តំណាងនៃគណៈកម្មការរៀបចំកម្មវិធីបានឲ្យដឹងថា ក្នុងរយៈពេល ៤ ថ្ងៃ តាំងពីថ្ងៃទី៥ ដល់ថ្ងៃទី៨ ខែធ្នូ កម្លាំងពេទ្យយោធានៃប្រទេសទាំងពីរនឹងពិនិត្យនិងព្យាបាលជំងឺសម្រាប់ប្រជាជនវៀតណាម និងឡាវជិត ៣,០០០ នាក់ដែលរស់នៅក្នុងតំបន់ជាប់ព្រំដែនរវាងប្រទេសទាំងពីរ។
កម្មវិធីលើកនេះគឺជាសកម្មភាពជាក់ស្ដែង ឆ្ពោះទៅកម្មវិធីជួបជុំប្រាស្រ័យព្រំដែនមិត្តភាពរវាងវៀតណាម-ឡាវ លើកទី១។ នេះក៏ជាឱកាសសម្រាប់គ្រូពេទ្យយោធានៃភាគីទាំងពីរជួបប្រជុំប្រាស្រ័យ និងចែករំលែកបទពិសោធន៍អំពីជំនាញ និងកិច្ចការពេទ្យយោធា ជាពិសេសក្នុងបរិបទដែលជំងឺ Covid-19 នៅតែវិវឌ្ឍយ៉ាងស្មុគស្មាញដដែល។ បន្ទាប់ពីពិធីបើក គ្រូពេទ្យយោធានៃប្រទេសទាំងពីរបានពិនិត្យនិងព្យាបាលជំងឺដោយឥតគិតថ្លៃសម្រាប់ប្រជាជនឡាវជាង ៥០០ នាក់ រួមមានកុមារនិងមនុស្សចាស់ជរាជាច្រើននាក់។
តាមការគ្រោងទុក បន្ទាប់ពី ២ ថ្ងៃ ពិនិត្យ និងព្យាបាលជំងឺសម្រាប់ប្រជាជនឡាវ កម្លាំងពេទ្យយោធានៃប្រទេសទាំងពីរនឹងរៀបចំការពិនិត្យ និងព្យាបាលជំងឺ ផ្ដល់យោបល់អំពីសុខភាព និងចែកថ្នាំដោយឥតគិតថ្លៃឲ្យប្រជាជននៅតំបន់ជាប់ព្រំដែនក្នុងស្រុក Huong Hoa ខេត្ត Quang Tri វៀតណាម។ នៅក្នុងពិធីបើក នាយកដ្ឋានពេទ្យយោធានៃអគ្គនាយកដ្ឋានភស្តុភារ កងទ័ពប្រជាជនវៀតណាមក៏បានជូនអំណោយដល់ប្រជាជននៅភូមិ Densavan ស្រុក Seponh ខេត្ត Savanakhet ផងដែរ៕
មតិពីមិត្តអ្នកអាន