យុគសម័យ - អូស្ត្រាលីជាដៃគូអស់រយៈពេលជាច្រើនឆ្នាំហើយដែលជួយវៀតណាមក្នុងការស្រាវជ្រាវសំខាន់ៗអំពីបច្ចេកវិទ្យា រួមចំណែកយ៉ាងសំខាន់ក្នុងការវាយតម្លៃ និងបង្កើតគោលនយោបាយរបស់វៀតណាម។ កាលពីថ្ងៃទី ៣ ខែវិច្ឆិកា របាយការណ៍រួមគ្នាដោយប្រទេសអូស្ត្រាលីត្រូវបានចេញផ្សាយដើម្បីវាយតម្លៃពីផលប៉ះពាល់នៃបច្ចេកវិទ្យាមកលើកំណើនសេដ្ឋកិច្ចរបស់វៀតណាម។
 អូស្ត្រាលីបន្តជួយគាំទ្រវៀតណាមនូវវ៉ាក់សាំងបង្ការកូវីដ-១៩ ចំនួន ៣,៧ លានដូស |
 កិច្ចសហប្រតិបត្តិការលើវិស័យវិទ្យាសាស្រ្ត បច្ចេកវិទ្យា និងផ្លាស់ប្តូរថ្មី ច្នៃប្រឌិតវៀតណាម-ឡាវ |
 |
| លោកស្រី Robyn Mudie ឯកអគ្គរដ្ឋទូតអូស្ត្រាលីប្រចាំនៅវៀតណាម និងលោក Huynh Thanh Dat រដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា ក្នុងពិធីប្រកាសរបាយការណ៍។ |
ក្រសួងវិទ្យាសាស្ត្រ និងបច្ចេកវិទ្យាវៀតណាម និងក្រុមស្រាវជ្រាវ Data61 នៃអង្គការស្រាវជ្រាវវិទ្យាសាស្ត្រ និងឧស្សាហកម្មអូស្ត្រាលី (CSIRO) នាថ្ងៃទី ៣ ខែវិច្ឆិកា បានចេញផ្សាយរបាយការណ៍ ស្តីពី“ការច្នៃប្រឌិតបច្ចេកវិទ្យានៅវៀតណាម-វាយតម្លៃផលប៉ះពាល់នៃបច្ចេកវិទ្យាលើពិភពលោកចំពោះកំណើនសេដ្ឋកិច្ច”។
របាយការណ៍នេះ បានផ្តល់អនុសាសន៍ក្នុងវិស័យចំនួន០៥ រួមមាន ទី១ គឺការកែលម្អការទាក់ទាញ ការវិនិយោគដើម្បីលើកកម្ពស់ការអនុម័តបច្ចេកវិទ្យានៅក្នុងអាជីវកម្ម។ ទីពីរ កែលម្អជំនាញគ្រប់គ្រង រចនាសម្ព័ន្ធ និងជំនាញផ្សេងទៀតដែលមិនមែនជាបច្ចេកទេស។ ទី៣ ជំរុញសកម្មភាពស្រាវជ្រាវ និងអភិវឌ្ឍន៍ ហើយតភ្ជាប់ទំនាក់ទំនងជាមួយសហគ្រាសដើម្បីលើកកម្ពស់ឧស្សាហកម្មជួរមុខ។ ទី៤ គឺការអភិវឌ្ឍធនធានមនុស្ស។ ហើយជាចុងក្រោយ បង្កើតឧបករណ៍គោលនយោបាយ និងយន្តការអនុវត្តនៅថ្នាក់ជាតិ និងខេត្ត ដើម្បីជំរុញកិច្ចខិតខំប្រឹងប្រែងអភិវឌ្ឍន៍បច្ចេកវិទ្យា។
ការរកឃើញរបស់អ្នកវិទ្យាសាស្ត្រក្នុងក្របខណ្ឌនៃរបាយការណ៍ “ការច្នៃប្រឌិតបច្ចេកវិទ្យានៅវៀតណាម - ការវាយតម្លៃផលប៉ះពាល់នៃបច្ចេកវិទ្យាលើកំណើនសេដ្ឋកិច្ច” គឺជាព័ត៌មានដំបូងគេដែលត្រូវបានស្រាវជ្រាវ និងវាយតម្លៃជារួម រួមចំណែកជួយវៀតណាមឱ្យយល់កាន់តែស៊ីជម្រៅអំពីភាពជាក់ស្តែង។ ការរួមចំណែកនៃបច្ចេកវិទ្យាក្នុងការអភិវឌ្ឍន៍ប្រទេស។ ការរកឃើញ និងអនុសាសន៍ក្នុងរបាយការណ៍នេះ នឹងក្លាយជាសំណូមពរសំខាន់ៗសម្រាប់គោលនយោបាយអភិវឌ្ឍន៍បច្ចេកវិទ្យារបស់វៀតណាមនាពេលខាងមុខ៕
vietnam.vnanet.vn
មតិពីមិត្តអ្នកអាន