យុគសម័យ - ក្នុងជំនួបទ្វេភាគីជាមួយ នាយករដ្ឋមន្ត្រី Pham Minh Chinh នាយករដ្ឋមន្ត្រីអូស្ត្រាលី Scott Morrison បានអះអាងថា លោកនឹងបន្តជួយវៀតណាមវ៉ាក់សាំង Covid-19 ចំនួន ៣,៧លានដូស។
 |
| នាយករដ្ឋមន្ត្រីវៀតណាម លោក Pham Minh Chinh និង នាយករដ្ឋមន្ត្រីអូស្ត្រាលី លោក Scott Morrison |
នៅក្នុងជំនួបនេះ ភាគីទាំងពីរក៏បានផ្លាស់ប្តូរខ្លឹមសារជាច្រើនទាក់ទងនឹងកិច្ចសហប្រតិបត្តិការទ្វេភាគីរវាងវៀតណាម និងអូស្ត្រាលី វិធានការសម្របសម្រួលក្នុងបញ្ហាតំបន់ និងអន្តរជាតិដែលភាគីទាំងពីរមានការព្រួយបារម្ភ។
នាយករដ្ឋមន្ត្រី Morrison បានឲ្យដឹងថា អាទិភាពនឹងផ្តល់ដល់និស្សិតវៀតណាមដែលវិលត្រឡប់មកអូស្ត្រាលីវិញដើម្បីសិក្សានៅមុនឆមាសថ្មីឆ្នាំ ២០២២ ហើយតែងតែចាប់អារម្មណ៍ជួយសហគមន៍វៀតណាមនៅអូស្ត្រាលីដើម្បីអភិវឌ្ឍ និងធ្វើសមាហរណកម្មក្នុងជីវភាពសង្គមក្នុងតំបន់។
ភាគីទាំងពីរបានឯកភាពរក្សាការផ្លាស់ប្តូរគណៈប្រតិភូជាន់ខ្ពស់នឹងគ្រប់ជាន់ថ្នាក់ រក្សាទំនាក់ទំនងជំនួនប្រាស្រ័យផ្ទាល់ និងតាមអ៊ីនធឺណិត។ ក្នុងឱកាសនេះ លោកនាយករដ្ឋមន្ត្រី Pham Minh Chinh បានអញ្ជើញនាយករដ្ឋមន្ត្រីអូស្ត្រាលីមកបំពេញទស្សនកិច្ចនៅវៀតណាមក្នុងពេលឆាប់ៗ។ លោកនាយករដ្ឋមន្ត្រី Morrison បានថ្លែងអំណរគុណ និងទទួលយកដោយរីករាយ៕
baolaodong
មតិពីមិត្តអ្នកអាន