នាថ្ងៃទី២២ ខែតុលា នៅស្ថានីយ៍ត្រួតពិនិត្យចម្រុះច្រកទ្វារព្រំដែន Bru Prang ខេត្ត Dak Nong បញ្ជាការដ្ឋានកងទ័ពការពារព្រំដែនខេត្ត Dak Nong ប្រទេសវៀតណាម និងតំបន់ប្រតិបត្តិការសឹករងខេត្តមណ្ឌលគីរី កងរាជអាវុធហត្ថខេត្តមណ្ឌលគិរី រៀបចំកិច្ចប្រជុំវាយតម្លៃលទ្ធផលនៃកិច្ចសហការក្នុងការគ្រប់គ្រង ការការពារព្រំដែននិងច្រកទ្វារព្រំដែន ការប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទនៅតាមព្រំដែន ការប្រយុទ្ធប្រឆាំងនឹងជំងឺ Covid-19 នៅឆ្នាំ២០២១ និងដាក់ចេញទិសដៅសហប្រតិបត្តិការសម្រាប់ឆ្នាំ២០២២។
 |
| ទិដ្ឋភាពនៃកិច្ចប្រជុំ (រូបថត៖ bienphong.com.vn) |
ក្នុងកិច្ចប្រជុំ ភាគីទាំងពីរបានពិភាក្សាអំពីស្ថានភាពសន្តិសុខនយោបាយ និងសណ្ដាប់ធ្នាប់សន្តិសុខសង្គមនៅតំបន់ព្រំដែននៅឆ្នាំ២០២១។ ភាគីទាំងពីរក៏បានឯកភាពថា នៅពេលខាងមុខ កងកម្លាំងបំពេញភារកិច្ចតាមខ្សែព្រំដែនតែងតែផ្លាស់ប្តូរព័ត៌មានអំពីស្ថានភាពទាក់ទងនឹងការគ្រប់គ្រង ការពារអធិបតេយ្យភាព និងសន្តិសុខនៃព្រំដែន និងច្រកទ្វារព្រំដែន ការបង្ការនិងទប់ស្កាត់ការរាតត្បាតនៃជំងឺ Covid-19 តាមទូរស័ព្ទនិងសំបុត្រ។ ភាគីទាំងពីរឯកភាពរក្សាសកម្មភាពនៅច្រកទ្វារព្រំដែនដូចបច្ចុប្បន្ន រហូតដល់ស្ថានភាពជំងឺ Covid-19 មានស្ថិរភាព និងតាមការដឹកនាំរបស់រដ្ឋាភិបាលនៃប្រទេសទាំងពីរ៕
មតិពីមិត្តអ្នកអាន