យុគសម័យ - នៅថ្ងៃទី ២៨ ខែកញ្ញា ស្ថានអគ្គកុងស៊ុលនៃសាធារណរដ្ឋសហព័ន្ធអាល្លឺម៉ង់ប្រចាំនៅទីក្រុងហូជីមិញបានផ្តល់អាហារចំនួន ៣០០កញ្ចប់ដល់គ្រួសារនៅទីក្រុង Thu Duc និងនិស្សិតបរទេសនៅខណ្ឌទី ៥ (ទីក្រុងហូជីមិញ) ដែលជួបការលំបាក ដោយសារការរីករាលដាលនៃជំងឺកូវីដ ១៩ ។
 ការបរិច្ចាកដើម្បីគាំទ្រប្រជាជនដែលរងផលប៉ះពាល់ដោយទឹកជំនន់នៅភាគនិរតីប្រទេសអាល្លឺម៉ង់ |
 ពិធីទទួលឧបករណ៍ធ្វើតេស្តរកជំងឺកូវីដ ១៩ ចំនួន ២៦.០០០ ឈុត ដែលបរិច្ចាគដោយអាណិកជនវៀតណាមនៅឯប្រទេសអាល្លឺម៉ង់ |
 |
| ស្ថានអគ្គកុងស៊ុលនៃសាធារណរដ្ឋសហព័ន្ធអាល្លឺម៉ង់នៅទីក្រុងហូជីមិញបានផ្តល់អំណោយដល់ប្រជាជន។ |
ជាពិសេសស្ថានអគ្គកុងស៊ុលនៃសាធារណរដ្ឋសហព័ន្ធអាល្លឺម៉ង់ប្រចាំនៅទីក្រុងហូជីមិញ បានផ្តល់អាហារ ១២០កញ្ចប់ដល់ប្រជាជនដែលជួបការលំបាកនៅក្នុងផ្ទះជួល នៅសង្កាត់ Tan Phu និងទីក្រុង Thu Duc ហើយបានផ្តល់អាហារចំនួន ១៨០កញ្ចប់ ដល់និស្សិតឡាវ កម្ពុជានិងវៀតណាម នៅសាលាត្រៀមនៃសាកលវិទ្យាល័យទីក្រុងហូជីមិញ ។
តំណាងក្រុមសប្បុរសជន“ ផ្សារទំនើបលក់ទំនិញក្នុងតំលៃ ០ ដុង” ក្រុមជនក្រីក្រក្នុងនាមប្រជាជនក្នុងតំបន់បានថ្លែងអំណរគុណស្ថានអគ្គកុងស៊ុលអាល្លឺម៉ង់ប្រចាំទីក្រុងហូជីមិញដែលបានជួយប្រជាជនក្នុងគ្រាលំបាកនិងជឿជាក់ថា ប្រជាជនទីក្រុងហូជីមិញនឹងជម្នះជំងឺរាតត្បាតជាមួយគ្នា។
ការជួយគាំទ្រនេះគឺជាផ្នែកមួយនៃយុទ្ធនាការ “ផ្ទាំងបង្គុំប្រទេសអាល្លឺម៉ងនៅប្រទេសវៀតណាម” (A Piece of Germany in Vietnam) ។ នៅថ្ងៃទី ២៨ ខែវិច្ឆិកា ឆ្នាំ ២០២០ ស្ថានអគ្គកុងស៊ុលអាល្លឺម៉ង់នៅទីក្រុងហូជីមិញបានប្រារព្ធខួបលើកទី ៤៥ នៃទិវាបង្កើតទំនាក់ទំនងការទូតរវាងវៀតណាមនិងអាល្លឺម៉ង់ ដោយចាប់ផ្តើមយុទ្ធនាការ“Ein Stückchen Deutschland / បន្ទះបង្គុំប្រទេសអាល្លឺម៉ង់នៅប្រទេសវៀតណាម” ។ យុទ្ធនាការនេះមានគោលបំណងបង្ហាញពីចំណងមិត្តភាពជិតស្និទ្ធរបស់ប្រទេសទាំងពីរ ក៏ដូចជាណែនាំនូវទិដ្ឋភាពផ្សេងៗគ្នានៃប្រទេសអាល្លឺម៉ង់ដល់សហគមន៍វៀតណាមនិងបង្កើតទំនាក់ទំនងតភ្ជាប់រវាងអាជីវកម្មនិងអង្គការ។
 |
| កញ្ចប់អាហារទាំងនេះបានរៀបចំឡើងដោយសិក្ខាកាមផ្នែក F&B របស់លោក Francis Van Hoi ហើយបានប្រគល់ជូនអ្នកទទួល ដោយក្រុមអ្នកស្ម័គ្រចិត្ត“ ផ្សារទីនើបលក់ទំនិញ ០ ដុង” ជូនជនក្រីក្រ ។ |
ចាប់តាំងពីរលកទី ៤ នៃការរីករាលដាលនៃជំងឺកូវីដ ១៩ បានផ្ទុះឡើងយុទ្ធនាការ“បន្ទះបង្គុំប្រទេសអាល្លឺម៉ងនៅប្រទេសវៀតណាម” បានព្រួតដៃគ្នា ដើម្បីថែរក្សាករណីដែលមានស្ថានភាពលំបាកនៅទីក្រុងហូជីមិញ។
មុននេះនៅថ្ងៃទី ១៤ ខែកញ្ញាឆ្នាំ ២០២១ ស្ថានអគ្គកុងស៊ុលអាល្លឺម៉ង់នៅទីក្រុងហូជីមិញបានផ្តល់អាហារថ្ងៃត្រង់ចំនួន ៣០០ កញ្ចប់ដល់គ្រួសារ និស្សិត និងកម្មករដែលកំពុងជួបការលំបាក និងករណីបានទាក់ទងជាមួយអ្នកមានជំងឺកូវីដ ១៩ និងអ្នកជំងឺកូវីដ ១៩ កំពុងបន្តការព្យាបាល នៅតំបន់ដែលបិទខ្ទប់ នៅខណ្ឌ Go Vap និងទីក្រុង Thu Duc (ទីក្រុងហូជីមិញ)។ នៅថ្ងៃទី ១៦ ខែកញ្ញាឆ្នាំ ២០២១ ស្ថានអគ្គកុងស៊ុលអាល្លឺម៉ង់នៅទីក្រុងហូជីមិញបានបន្តផ្តល់អាហារ ៣៨០ កញ្ចប់ដល់គ្រូពេទ្យនិងគិលានុបដ្ឋយិករ នៅមន្ទីរពេទ្យបណ្តោះអាសន្នលេខ ១៣ ស្រុក Binh Chanh (ទីក្រុងហូជីមិញ) ចំណុះមន្ទីរពេទ្យ Viet Duc Ha Noi ដើម្បីសម្តែងការដឹងគុណចំពោះគ្រូពេទ្យដែលកំពុងមើលថែទាំនិងព្យាលបាលអ្នកជំងឺកូវីដ ១៩ ធ្ងន់ធ្ងរចំនួន ៤០០ នាក់៕
thoidai.com.vn
មតិពីមិត្តអ្នកអាន