ការប្រកួតវាយកូនគោលនៅប្រទេសប៊ែលហ្សិក ដើម្បីជួយជនរងគ្រោះដោយសារជាតិគីមីពុលពណ៌លឿងទុំ នៅប្រទេសវៀតណាម

ប្រជាជនបារាំងគាំទ្រជនរងគ្រោះដោយជាតិគីមីពុលពណ៌លឿងទុំនៅវៀត​​ណាម

សហព័ន្ធអតីតយុទ្ធជនអ៊ុយក្រែនបានចេញសេចក្តីថ្លែងការណ៍គាំទ្រជនរងគ្រោះ ដោយសារធាតុគីមីពុលពណ៌លឿងទុំ នៅប្រទេសវៀតណាម

លោកស្រី Chris Geyskens ជាសហគ្រិនម្នាក់ប្រធានសាខាបែលហ្ស៊ិកនៃសមាគមជនរងគ្រោះដោយសារជាតិគីមីពុលពណ៌លឿង​ទុំ Hoi An - វៀតណាមបានថ្លែងនៅក្នុងពិធីប្រគល់ពានរង្វាន់នេះ។ (រូបថត៖ Huong Giang/VNA)

នេះគឺជាការប្រកួតរៀបចំឡើងជាប្រចាំឆ្នាំ ដោយស្ថានទូតវៀតណាមប្រចាំនៅបែលហ្ស៊ិកនិង Luxembourg - ស្ថាន​បេសកកម្មវៀតណាមប្រចាំសហភាពអឺរ៉ុប (EU) សហការជាមួយលោកស្រី Chris Geyskens ជា​សហគ្រិន​ម្នាក់ និង​ជាប្រធានសាខាបែលហ្ស៊ិកនៃសមាគមជនរងគ្រោះដោយសារជាតិ​គីមីពុល​ពណ៌លឿង​ទុំ​ Hoi An - វៀតណាមបានរៀបចំ។

អញ្ជើញចូលរួមក្នុងការប្រកួតនៅឆ្នាំនេះមានកីឡាករវាយកូនគោល​មិន​អាជីពប្រមាណ ៥០ នាក់ដែលជាអាណិកជនវៀតណាម សហគ្រិន មន្ត្រីការទូត ... នៅក្នុងប្រទេសសាមីនិងប្រទេសជិតខាងមួយចំនួន។

លោកស្រី Chris Geyskens បាននិយាយថា នៅឆ្នាំ ២០១៥ សមាគមជនរងគ្រោះដោយជាតិគីមីពុលពណ៌លឿង​ទុំនៅទីក្រុង Hoi An បានយល់ព្រមបង្កើតសាខានៅប្រទេសបែលហ្ស៊ិក ហើយលោកស្រីបានអញ្ជើញឱ្យធ្វើជាប្រធាន ក្នុងគោលបំណងរួមចំណែកក្នុងការកៀរគរអង្គការ បុគ្គលនិងសប្បុរសជននៅប្រទេសបែលហ្ស៊ិកនិងប្រទេសដទៃទៀត ដើម្បីជួយជនរងគ្រោះនៅទីក្រុង Hoi An។ ចាប់តាំងពីពេលនោះមក លោកស្រីមានគំនិតផ្តួចផ្តើមរៀបចំការប្រកួតកីឡាវាយកូនគោល​ជាប្រចាំឆ្នាំពានរង្វាន់ឯកអគ្គរដ្ឋទូតវៀតណាមប្រចាំប្រទេសប៊ែលហ្សិក ដើម្បីរៃអង្គាសថវិកាសម្រាប់សមាគមជនរងគ្រោះដោយសារធាតុគីមីពុលពណ៌លឿងទុំ នៅទីក្រុង Hoi An។

ឯកអគ្គរដ្ឋទូតវៀតណាមប្រចាំនៅប៊ែលហ្សិក លោក Nguyen Van Thao ប្រគល់ពានរង្វាន់ជូនកីឡាករវាយកូនហ្គោលដែលឈ្នះ។ (រូបថត៖ Huong Giang/VNA)

ក្រៅពីការប្រកួតវាយកូនគោល លោកស្រី Chris បាន​រៀបចំកម្មវិធីលក់ទំនិញសប្បុរសធម៌ ដើម្បីបង្កើនប្រាក់ចំណូលជួយជនរងគ្រោះដោយសាជាតិ​គីមីពុលពណ៌លឿង​ទុំ។

ឯកអគ្គរដ្ឋទូតវៀតណាមប្រចាំព្រះរាជាណាចក្រប៊ែលហ្ស៊ិកនិង Luxembourg - ប្រធានស្ថាន​បេសកកម្ម​វៀតណាមប្រចាំនៅសហភាពអឺរ៉ុប លោក Nguyen Van Thao បានសង្កត់ធ្ងន់ថា ការប្រកួតវាយកូនគោលឯកអគ្គរដ្ឋទូតគឺជាសកម្មភាពដ៏មានអត្ថន័យមួយដែលជំរុញឱ្យជនជាតិវៀតណាមនៅឯបរទេសឆ្ពោះទៅ​កាន់ស្រុកកំណើតនិងប្រទេសជាតិវិញ ទាក់ទាញមិត្តភក្តិប៊ែលហ្សិកដែលស្រឡាញ់វៀតណាមព្រួតដៃនិងគាំទ្រជនរងគ្រោះដោយសារសង្គ្រាមនៅវៀតណាម ហើយជួយពួកគេជំនះការលំបាកនិងក្រោកឈរឡើងក្នុងជីវិត។

ឆ្នាំនេះក្រៅពីការរៃអង្គាសថវិកាដើម្បីជួយជនរងគ្រោះដោយសារជាតិគីមីពុលពណ៌លឿង​ទុំ ការប្រកួតកីឡាវាយកូនហ្កោល“ ពានង្វាន់ឯកអគ្គរដ្ឋទូតវៀតណាម ឆ្នាំ២០២១” បានលើកកម្ពស់រូបភាពប្រទេសនិងប្រជាជនវៀតណាមផងដែរ។ ទន្ទឹមនឹងនេះរួមចំណែកលើកកម្ពស់ការផ្លាស់ប្តូរពាណិជ្ជកម្មនិងជំរុញការវិនិយោគរបស់សហគ្រាសបែលហ្ស៊ិកនិងអឺរ៉ុបទៅ​កាន់ប្រទេសវៀតណាម៕

ឌីណា

Bao Tin tuc