Truong Sa - ទីកន្លែងតភ្ជាប់បេះដូងពីចម្ងាយ

វៀតណាមប្រឆាំងយ៉ាងប្តូរផ្តាច់ចំពោះសកម្មភាពរំលោភអធិបតេយ្យភាពលើប្រជុំកោះ Truong Sa (Spratly Islands)

សេវាកម្មភ័ស្តុភារនៃការធ្វើនេសាទនៅប្រជុំកោះ Truong Sa

ពិធីរំលឹកវិញ្ញាណក្ខន្ធរបស់យុទ្ធជនពលីដែលនៅប្រជុំកោះ Truong Sa

ក្នុងនាមជាសមាជិកនៃគណៈប្រតិភូវៀតណាមនៅឯបរទេសមកទស្សនាកោះTruong Sa នៅឆ្នាំ ២០១៨ លោកស្រី Hieu Constant អ្នកនិពន្ធជនជាតិវៀតណាមដែលកំពុងរស់នៅនិងធ្វើការនៅប្រទេសបារាំងបានសរសេរ ក្នុងសៀវភៅរបស់លោកស្រីថា“ អាណិកជន​នៅឯបរទេសជាមួយកោះ Truong Sa” ដែលទើបតែបោះពុម្ពផ្សាយ ដោយគ្រឹះស្ថានបោះពុម្ពផ្សាយ Dan Tri នាខែឧសភា ឆ្នាំ ២០២១៖ កោះ Truong Sa កោះ​ជាទីស្រឡាញ់តែងតែស្ថិតក្នុងដួងចិត្តរបស់ជនជាតិវៀតណាមគ្រប់រូបជាពិសេសប្រជាជនដែលរស់នៅឯបរទេស។ ជនជាតិវៀតណាមនៅឯបរទេសទាំងអស់ដែលខ្ញុំមានសំណាងបានធ្វើបទសម្ភាសន៍នោះ អ្នករាល់គ្នាស្ម័គ្រចិត្តប្រែខ្លួនទៅជាស្លាបបក្សីដើម្បីផ្សព្វផ្សាយនូវអ្វីដែលពួកគេបានឃើញនិងបានលឺអំពីអធិបតេយ្យភាព​ដ៏ពិសិដ្ឋនៃសមុទ្រនិងកោះជាមួយជនរួមជាតិនិងកងទ័ពនៅក្នុងប្រទេសវៀតណាម អាណិកជន​វៀតណាមប្តេជ្ញារួមគ្នា ដើម្បីរួមចំណែកការពារយ៉ាងរឹងមាំនូវអធិបតេយ្យភាពសមុទ្រកោះនិងតំបន់​ខ្ពង់រាបបាតសមុទ្ររបស់មាតុភូមិ។

ពិធីផ្លាស់ប្តូរជាមួយទាហាននៅលើកោះ។

នៅខែឧសភា ឆ្នាំ ២០១៤ នៅពេលដែលប្រទេសចិនបានដាក់ស្ថានិយ៍ខួងយកប្រេង Hai Duong 981 ដោយខុសច្បាប់នៅក្នុងតំបន់សេដ្ឋកិច្ចផ្តាច់មុខនិងតំបន់ខ្ពង់រាបបាតសមុទ្ររបស់ប្រទេសវៀតណាម ប្រជាជនវៀតណាមរាប់ពាន់នាក់បាននាំគ្នាធ្វើបាតុកម្មចុះដើរដង្ហែរតាមផ្លូវនៅទីក្រុងតូក្យូ(ជប៉ុន) ទីក្រុងប៊ែរឡាំង (អាល្លឺម៉ង់) ទីក្រុង Praha (សាធារណរដ្ឋឆែក) និងកន្លែងជាច្រើននៅជុំវិញពិភពលោក ដើម្បីតវ៉ាប្រឆាំងនឹងសកម្មភាពរបស់ចិននិងស្រែកពាក្យស្លោកថា“ កោះ Truong Sa និង Hoang Sa គឺកម្មសិទិ្ធរបស់វៀតណាម” ។

ចាប់តាំងពីពេលនោះមក សហគមន៍ជនជាតិវៀតណាមនៅឯបរទេសតែងតែរួមដំណើរជាមួយប្រជាជនក្នុងប្រទេសវៀតណាមដោយបានរួមចំណែកយ៉ាងសំខាន់ក្នុងការតស៊ូ ដើម្បីការពារអធិបតេយ្យភាពរបស់ប្រទេសលើសមុទ្រនិងកោះ ជាពិសេសនៅពេលមានជម្លោះដែនដីនៅលើសមុទ្រខាងកើតកាន់តែកើនឡើងពីមួយថ្ងៃទៅមួយថ្ងៃ។ ការតាំងពិព័រណ៍និងសិក្ខាសាលាអំពីសមុទ្រ​ខាង​កើតកាន់តែរៀបចំជាច្រើន ៗ ដោយអាណិកជនវៀតណាមនៅឯបរទេស ដូចជានៅប្រទេសបារាំង កូរ៉េខាងត្បូង ប៉ូឡូញនិងប្រទេសជាច្រើនទៀត។ លើសពីនេះ បុគ្គលនិងសមាគមជាច្រើនរបស់អាណិកជន​វៀតណាមនៅឯបរទេសបានបរិច្ចាគប្រាក់និងទំនិញដែលមានតម្លៃរាប់ពាន់លានដុង ដើម្បីគាំទ្រដល់កងទ័ពជើងទឹកដែលកំពុងធ្វើការនៅប្រជុំកោះ Truong Sa និងស្ថានីយ៍ខួង។

ពិធីប្រគល់អំណោយដល់យុទ្ធជនដែលធ្វើការនៅលើកោះ។

ក្នុងចំណោមបុគ្គលនិងសមូហភាពដែលកំពុងខិតខំប្រឹងប្រែងតស៊ូ ដើម្បីអធិបតេយ្យភាពសមុទ្រនិងកោះ មានមនុស្សជាច្រើនបានមកទស្សនាកោះ Truong Sa ហើយបានចូលរួមក្នុងដំណើរដែលយើងតែងតែហៅថា“ ដំណើរនៃបេះដូង” ។ វាគឺជាបទពិសោធន៍ជាក់ស្តែងនៅកោះដាច់ស្រយាលដែលពោរពេញទៅដោយរលកនិងខ្យល់ដែលបានក្លាយជាការបំផុសគំនិតនិងការជម្រុញឱ្យសហគមន៍ជនជាតិវៀតណាម ទោះបីនៅឆ្ងាយពីប្រទេសក៏ដោយ ក៏ត្រៀម​ខ្លួន​ជាស្រេច​ ដើម្បី​​បង្ហាញ​សម្លេងនិងមានសកម្មភាពជាក់លាក់ ដើម្បីរួមចំណែកការពារអធិបតេយ្យភាពនិងបូរណភាពទឹកដីរបស់ប្រទេស។

គណៈប្រតិភូវៀតណាមនៅឯបរទេស​អញ្ជើញ​មកទស្សនាប្រជុំកោះ Truong Sa និង ស្ថានីយ៍ខួង DK1 គឺជាសកម្មភាពប្រចាំឆ្នាំរៀបចំឡើង ដោយគណៈកម្មាធិការរដ្ឋទទួល​បន្ទុក​ជនជាតិវៀតណាមនៅឯប្រទេសនិងបញ្ជាការដ្ឋានកងទ័ពជើងទឹកក្នុងគោលបំណងបង្កើតលក្ខខណ្ឌសម្រាប់ជនជាតិវៀតណាមនៅឯបរទេសបានឃើញដោយផ្ទាល់ភ្នែកពីជីវិតរបស់ទាហាននិងប្រជាជននៅ ប្រជុំកោះ Truong Sa។ ដំណើរលើកដំបូងត្រូវបានធ្វើឡើងក្នុងឆ្នាំ ២០១២ រហូតមកដល់ពេលនេះមានគណៈប្រតិភូចំនួន ៨ បានរៀបចំឡើង ដោយមានការចូលរួមពីអាណិកជនវៀតណាម​នៅឯបរទេសជាង ៥០០ នាក់មកពីប្រទេសនិងដែនដីជាច្រើននៅជុំវិញពិភពលោក។ ដំណើរទស្សនកិច្ចទៅកាន់ប្រជុំកោះ Truogn Sa និងស្ថានីយ៍ DK1 បានបង្កើតការតភ្ជាប់ដ៏រឹងមាំរវាងសហគមន៍ជន​ជាតិវៀតណាមជាមួយគ្នានិងរវាងប្រទេសដែលបានក្លាយជាព្រឹត្តិការណ៍ប្រចាំឆ្នាំត្រូវបានរំពឹងទុកសម្រាប់អាណិកជនវៀតណាមនៅឯបរទេសជាច្រើន…៕

ឌីណា