វៀតណាមនិងសិង្ហបុរី ផ្លាស់ប្តូរបទពិសោធន៍ក្នុងការស្តារសេដ្ឋកិច្ចឡើងវិញនិងការប្រយុទ្ធប្រឆាំងនឹងជំងឺកូវីដ-១៩

វៀតណាម -គុយបាសហការផ្ទេរបច្ចេកវិទ្យាផលិតវ៉ាក់សាំងបង្ការជំងឺកូវីដ ១៩

ផ្លែគូលេនដ៏ស្រស់របស់វៀតណាមដណ្តើមបានទីផ្សារកូកូស៊ីម៉ា និងសិង្ហបុរី

អនុរដ្ឋមន្រ្តីការបរទេស Nguyen Minh Vu ជួបពិភាក្សាតាមអ៊ិនធឺរណែតជាមួយលេខាធិការអចិន្ត្រៃយ៍នៃក្រសួងការបរទេរសសិង្ហបុរី Chee Wee Kiong (រូបថត៖ ក្រសួងការបរទេសវៀតណាម)

នៅក្នុងកិច្ចពិភាក្សានេះ លោកអនុរដ្ឋមន្រ្តី Nguyen Minh Vu បានថ្លែងអំណរគុណចំពោះប្រទេសសិង្ហបុរីដែលបានជួយឧបត្ថម្ភសម្ភារៈបរិក្ខារពេទ្យជូនវៀតណាមដើម្បីប្រយុទ្ធប្រឆាំងនឹងការរីករាលដាលនៃជំងឺកូវីដ -១៩ ។

លោកអនុរដ្ឋមន្រ្តី Nguyen Minh Vu បានវាយតម្លៃខ្ពស់ចំពោះជោគជ័យដែលសិង្ហបុរីសម្រេចបានក្នុងការគ្រប់គ្រងជំងឺរាតត្បាតកូវីដ -១៩ ជាពិសេសការចាក់វ៉ាក់សាំងឲ្យប្រជាជនខ្លួនបានជាង ៨០% ដើម្បីបង្កើតលក្ខខណ្ឌអំណោយផលសម្រាប់ការបើកទីផ្សារសេដ្ឋកិច្ចឡើងវិញ។ ព្រមទាំងលោករំពឹងថា សិង្ហបុរីនឹងជួយគាំទ្រ ឬ ឲ្យវៀតណាមខ្ចីវ៉ាក់សាំងបានឆាប់ៗដែលអាចធ្វើទៅបាន។

លោក Chee Wee Kiong បានសង្កត់ធ្ងន់ពីសារសំខាន់នៃទំនាក់ទំនងជិតស្និទ្ធនិងទុកចិត្ដគ្នារវាងក្រសួងការបរទេសទាំងពីរដើម្បីជំរុញទំនាក់ទំនងភាពជាដៃគូយុទ្ធសាស្ត្រសិង្ហបុរី - វៀតណាម លើគ្រប់វិស័យ រួមទាំងការប្រយុទ្ធប្រឆាំងនឹងជំងឺរាតត្បាត និងជួយសម្រួលដល់ការធ្វើដំណើររបស់ពលរដ្ឋនៃប្រទេសទាំងពីរ ក៏ដូចជាជំរុញការបើកទីផ្សារសេដ្ឋកិច្ចឡើងវិញ និងទប់ស្កាត់ការអាក់ខានដល់ខ្សែសង្វាក់ផ្គត់ផ្គង់។

លោក Chee Wee Kiong បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់វៀតណាម ហើយជឿជាក់យ៉ាងមុតមាំថា វៀត​ណាមនឹងគ្រប់គ្រងបានជំងឺរាតត្បាតកូវីដ -១៩ យ៉ាងឆាប់រហ័សដើម្បីឱ្យភាគីទាំងពីរបើកទីផ្សារសេដ្ឋកិច្ចឡើងវិញនិងសម្រួលដល់ការធ្វើដំណើររបស់ពលរដ្ឋនៃប្រទេសទាំងពីរ៕

យោងតាមកាសែតកងទ័ពប្រជាជន