រដ្ឋមន្ត្រីការបរទេស លោក Bui Thanh Son ជួបសន្ទនាតាមទូរស័ព្ទជាមួយរដ្ឋមន្ត្រីការបរទេសសិង្ហបុរី

រដ្ឋមន្ត្រីការបរទេស​ចិន នឹង​អញ្ជើញ​បំពេញ​ទស្សនកិច្ច​ផ្លូវការ​នៅព្រះរាជាណាចក្រកម្ពុជា វៀតណាម សិង្ហបុរី និងកូរ៉េខាងត្បូង ចាប់ពីថ្ងៃទី ១០ ដល់ថ្ងៃទី ១៥ ខែ

រដ្ឋមន្ត្រីក្រសួងការបរទេសលោក Bui Thanh Son៖ ប្រទេសវៀតណាមបាននាំយកពលរដ្ឋចំនួន ១៣៦.០០០ នាក់មកវិញ

រដ្ឋមន្ត្រីការបរទេស លោក Bui Thanh Son ជួបសន្ទនាតាមទូរស័ព្ទជាមួយរដ្ឋមន្ត្រីការបរទេសសិង្ហបុរី។​ (រូបថត៖ mofa)

លោក Bui Thanh Son វាយតម្លៃខ្ពស់ចំពោះការជួយគាំទ្ររបស់សិង្ហបុរី ហើយចាត់ទុកថា នេះជាទំនាក់ទំនងមិត្តភាព ជិតស្និទ្ធ និងភាពជាដៃគូយុទ្ធសាស្រ្តរវាងប្រទេសទាំងពីរ។ លោក Bui Thanh Son សង្កត់ធ្ងន់ថា យុទ្ធសាស្រ្តវ៉ាក់សាំងគឺបញ្ហាជាបន្ទាន់របស់វៀតណាមដើម្បីធានាសុខភាពដល់ប្រជាជននាបច្ចុប្បន្ន រួមទាំងអ្នកជំនាញ និងជនបរទេសដែលកំពុងរស់នៅនិងធ្វើការនៅវៀតណាមផងដែរ។

លោក Bui Thanh Son បានអបអរសាទរចំពោះសិង្ហបុរីជាប្រទេសដំបូងបង្អស់លើពិភពលោកដែលបានចាក់វ៉ាក់សាំងពីរដូសឲ្យប្រជាជន ៨០% ហើយស្នើសិង្ហបុរីជួយគាំទ្រ ឬ ឲ្យវៀតណាមខ្ចីវ៉ាក់សាំងឲ្យបានឆាប់ៗ ដើម្បីវៀតណាមចាក់វ៉ាក់សាំងជូនប្រជាពលរដ្ឋ រួមចំណែកជម្រុញការស្ដារសេដ្ឋកិច្ចសង្គមឡើងវិញ។

លោក Vivian Balakrishnan សង្កត់ធ្ងន់ថា សិង្ហបុរីយកចិត្តទុកដាក់យ៉ាងខ្លាំងដល់ទំនាក់ទំនងភាពជាដៃគូយុទ្ធសាស្រ្តជា​មួយ​​វៀត​ណាម ហើយជឿជាក់ថា វៀតណាមនឹងគ្រប់គ្រងយ៉ាងឆាប់ៗនូវជំងឺរាតត្បាត។ លោក Vivian Balakrishnan បានឲ្យដឹងថា រដ្ឋាភិបាលសិង្ហបុរី ត្រៀមខ្លួនជាស្រេចផ្ដល់សម្ភារៈបរិក្ខារពេទ្យ និងវ៉ាក់សាំងជូនប្រទេសជិតខាង រួមទាំង​វៀតណាម ហើយ​រំពឹងថា ភាគីទាំងពីរអាចបើកទ្វារឡើងវិញដើម្បីបង្កលក្ខណ្ឌអំណោយផលសម្រាប់ការធ្វើដំណើររបស់ប្រជាពលរដ្ឋនៃប្រទេសទាំងពីរ។ ពិភាក្សាអំពីទំនាក់ទំនងទ្វេភាគី រដ្ឋមន្រ្តីទាំងពីររូបបានឯកភាពជម្រុញថែមទៀតនូវកិច្ចសហប្រតិបត្តិការលើវិស័យនយោបាយ សេដ្ឋកិច្ច ពាណិជ្ជកម្ម វិនិយោគ អប់រំ បណ្ដុះបណ្ដាល ដើម្បីពង្រឹងនិងពង្រីកទំនាក់ទំនងភាពជាដៃគូយុទ្ធសាស្រ្តវៀតណាម-សិង្ហបុរី៕

VOV/QĐND