នាថ្ងៃទី ២៧ ខែសីហា នៅច្រកទ្វារព្រំដែនអន្តរជាតិ Thuong Phuoc (ស្រុក Hong Ngu ខេត្ត Dong Thap) គណៈកម្មាធិការរណសិរ្សមាតុភូមិវៀតណាមខេត្ត Dong Thap សហការជាមួយស្ថាប័នមានសមត្ថកិច្ច និងបញ្ជាការដ្ឋានកងទ័ពការពារព្រំដែនខេត្ត Dong Thap បានរៀបចំពិធីប្រគល់សម្ភារៈបរិក្ខារពេទ្យជូនគណៈកម្មាធិការរណសិរ្យសាមគ្គីអភិវឌ្ឍន៍មាតុភូមិកម្ពុជាខេត្តព្រៃវែង រួមចំណែកបង្ការ និងប្រយុទ្ធប្រឆាំងនឹងជំងឺកូវីដ១៩។
 |
| ពិធីប្រគល់សម្ភារៈបរិក្ខារពេទ្យជូនគណៈកម្មាធិការរណសិរ្យសាមគ្គីអភិវឌ្ឍន៍មាតុភូមិកម្ពុជាខេត្តព្រៃវែង (រូបថត៖ nhandan.com.vn) |
ប្រធានគណៈកម្មាធិការរណសិរ្សមាតុភូមិវៀតណាមខេត្ត Dong Thap លោក Le Thanh Cong បានទទួលស្គាល់នូវលទ្ធផលដែលភាគីទាំងពីរសម្រេចបានក្នុងការសម្របសម្រួលបំពេញភារៈកិច្ចក្នុងរយៈពេលកន្លងមក។ លោកសម្តែងនូវក្តីសង្ឃឹមថា នាពេលខាងមុខ ខេត្តទាំងពីរនឹងបន្តពង្រីកប្រពៃណីសាមគ្គីភាពរវាងប្រជាជននៃប្រជាជាតិទាំងពីរ វៀតណាម - កម្ពុជា កសាងបន្ទាត់ព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍។
អនុប្រធានគណៈកម្មាធិការរណសិរ្យសាមគ្គីអភិវឌ្ឍន៍មាតុភូមិកម្ពុជាខេត្តព្រៃវែង បានថ្លែងអំណរគុណចំពោះមនោសញ្ចេតនាទាំងខាងស្មារតី ទាំងខាងសម្ភារៈដែលគណៈកម្មាធិការរណសិរ្សមាតុភូមិវៀតណាមខេត្ត Dong Thap ជូនចំពោះកម្មាភិបាលនិងប្រជាជនខេត្តព្រៃវែង។ លោកបានមានប្រសាសន៍ថា ខេត្តនឹងប្រើប្រាស់អំណោយខាងលើនេះប្រកបដោយប្រសិទ្ធភាព រួមចំណែកបង្ការ និងប្រយុទ្ធប្រឆាំងនឹងជំងឺកូវីដ១៩៕
មតិពីមិត្តអ្នកអាន