នាថ្ងៃទី ១២ ខែសីហា នៅច្រកទ្វារព្រំដែនអន្តរជាតិ Thuong Phuoc ស្រុក Hong Ngu ខេត្ត Dong Thap ប្រទេសវៀតណាម បញ្ជាការដ្ឋានកងទ័ពការពារព្រំដែនខេត្ត Dong Thap បានប្រគល់អំណោយជូនអាជ្ញាធរស្រុកពាមជរ និងអាណិកជនវៀតណាមដែលកំពុងរស់នៅ និងរកស៊ីនៅឃុំកោះរកា ស្រុកពាមជរ ខេត្តព្រៃវែង។
 |
| កងទ័ពការពារព្រំដែនខេត្ដ Dong Thap ផ្ដល់អំណោយដល់អាណិកជនវៀតណាមនៅកម្ពុជា (រូបថត៖ nhandan.vn) |
អាស្រ័យហេតុនេះ កងទ័ពការពារព្រំដែនខេត្ត Dong Thap បានផ្តល់អំណោយរួមមាន៖ អង្ករ ២ តោន មីកញ្ចប់ ១០០ គេស និងថ្នាំព្យាបាលដើម្បីជួយអាណិកជនវៀតណាមកាត់បន្ថយការលំបាក និងមានជីវភាពរស់នៅស្ថិរភាព ក៏ដូចជាអនុវត្ដល្អក្នុងការទប់ស្កាត់ការឆ្លងរាលដាលនៃកូវីដ ១៩។
លោកវរសេនីយ៍ឯក Le Van Luan មេបញ្ជាការកងទ័ពការពារព្រំដែនខេត្ត Dong Thap បានចែករំលែកថា៖ “នេះគឺជាមនោសញ្ចេតនាពិសេសដែលកម្លាំងការពារព្រំដែនខេត្ត Dong Thap ចង់ចែករំលែកជាមួយអាណិកជនវៀតណាមក្នុងគ្រាលំបាកដោយសារជំងឺរាតត្បាតកូវីដ ១៩។ ព្រមទាំងសង្ឃឹមថា នាពេលខាងមុខនេះ អាណិកជននឹងបន្តលើកកម្ពស់ប្រពៃណីដ៏ល្អប្រសើររបស់ជនជាតិវៀតណាមនៅកម្ពុជា កសាងគ្រួសារប្រកបដោយសុភមង្គល និងគោរពច្បាប់របស់ប្រទេសសាមី”៕
មតិពីមិត្តអ្នកអាន