បណ្តាប្រទេសចូលរួមកិច្ចប្រជំុបានស្វាគមន៍ការបន្តការចរចារ លើអត្ថបទរបស់ក្រមប្រតិបត្តិសមុទ្រចិនខាងត្បូង (COC textual negotiation) ដែលជាការឆ្លុះបញ្ចាំងនូវឆន្ទៈនិងការប្តេជ្ញាចិត្តខ្ពស់របស់ប្រទេសជាសមាជិកអាស៊ាន និងប្រទេសចិន ដើម្បីរក្សាស្ថិរភាពតំបន់ តាមរយៈការគ្រប់គ្រងភាពការខ្វែងគំនិតគ្នាដោយសន្តិវិធី ស្របតាមច្បាប់អន្តរជាតិ រួមទាំង អនុសញ្ញាអង្គការសហប្រជាជាតិឆ្នាំ ១៩៨២ ស្តីពីច្បាប់សមុទ្រ ( 1982 UNCLOS)៕
 សន្និសីទ SOM ARF៖ ចាំបាច់ត្រូវកសាង COC ជាក់ស្តែងស្របតាមច្បាប់អន្តរជាតិ |
 សិក្ខាសាលាលើកទី ៣ នៃវេទិកាតំបន់អាស៊ាន (ARF)៖ បញ្ជាក់តួនាទីសំខាន់នៃអនុសញ្ញាអង្គការសហប្រជាជាតិស្តីពីច្បាប់សមុទ្រ ១៩៨២ |
 |
| ARF - ២៨៖ ភាគីពាក់ព័ន្ធខិតខំប្រឹងប្រែងកសាងក្រមប្រតិបត្តិសម្រាប់ភាគីនានានៅសមុទ្រខាងកើត (COC)។ |
ការសន្ទនា ការជឿទុកចិត្ត ការទទួលខុសត្រូវនិងកិច្ចសហប្រតិបត្តិការប្រកបដោយសុឆន្ទះ ដើម្បីសន្តិភាព ស្ថិរភាពនិងសន្តិសុខក្នុងតំបន់ នោះគឺជាស្មារតីរួមនៃកិច្ចប្រជុំវេទិកាតំបន់អាស៊ានលើកទី ២៨ (ARF-28) ដែលប្រព្រឹត្តទៅកាលពីយប់ថ្ងៃទី ៦ សីហា តាមប្រព័ន្ធវីដដេអូ។ កិច្ចប្រជុំនេះ មានការចូលរួមពីរដ្ឋមន្ត្រីការបរទេសនៃប្រទេសចំនួន ២៧ និងអង្គការជាសមាជិក។ រដ្ឋមន្ត្រីការបរទេសវៀតណាម លោក Bui Thanh Son បានដឹកនាំគណៈប្រតិភូវៀតណាមចូលរួមកិច្ចប្រជុំនេះ។
ថ្លែងមតិនៅវេទិកានេះ រដ្ឋមន្ត្រីលោក Bui Thanh Son បានសង្កត់ធ្ងន់ថា វេទិកា ARF បានបង្ហាញពីគុណតម្លៃនិងភាពខ្លាំងរបស់ខ្លួនក្នុងការជំរុញកិច្ចសន្ទនា កិច្ចសហប្រតិបត្តិការនិងការកសាងទំនុកចិត្តនៅក្នុងតំបន់ ក្នុងនោះមានបញ្ហាសមុទ្រខាងកើត។ រាល់ជម្លោះនិងភាពខុសគ្នាត្រូវតែដោះស្រាយដោយសន្តិវិធី ស្របតាមច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS ១៩៨២)។ យ៉ាងណាមិញ វៀតណាមនឹងធ្វើការយ៉ាងសកម្មជាមួយបណ្តាប្រទេសអាស៊ាននិងចិនដើម្បីបន្តកិច្ចខិតខំប្រឹងប្រែងកសាងក្រមប្រតិបត្តិសម្រាប់ភាគីនានានៅសមុទ្រខាងកើត (COC) ប្រកបដោយប្រសិទ្ធភាព ជាក់ស្តែងនិងស្របតាមច្បាប់អន្តរជាតិ។
លោកឧបនាយករដ្ឋមន្រ្តី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ កម្ពុជា បានអញ្ជើញចូលរួមក្នុងសន្និសីទក្រោយកិច្ចប្រជុំនេះ បានឆ្លៀតឱកាសនេះបញ្ជាក់ពីការគាំទ្ររបស់កម្ពុជា ចំពោះការបន្តចរន្តទំនាក់ទំនង ដែលជាជំហានប្រកបដោយការស្ថាបនាឆ្ពោះទៅរកការលើកកម្ពស់ទំនុកចិត្ត និងភាពជឿជាក់គ្នា រវាងភាគីកូរ៉េទាំងពីរ។ ចំពោះបញ្ហាសមុទ្រខាងកើត កម្ពុជាបានស្វាគមន៍ការបន្តការចរចារ លើអត្ថបទរបស់ក្រមប្រតិបត្តិសមុទ្រខាងកើត (COC textual negotiation) ដែលជាការឆ្លុះបញ្ចាំងនូវឆន្ទៈនិងការប្តេជ្ញាចិត្តខ្ពស់របស់ប្រទេសជាសមាជិកអាស៊ាន និងប្រទេសចិន ដើម្បីរក្សាស្ថិរភាពតំបន់ តាមរយៈការគ្រប់គ្រងភាពការខ្វែងគំនិតគ្នាដោយសន្តិវិធី ស្របតាមច្បាប់អន្តរជាតិ រួមទាំង អនុសញ្ញាអង្គការសហប្រជាជាតិឆ្នាំ ១៩៨២ ស្តីពីច្បាប់សមុទ្រ ( 1982 UNCLOS)។
នៅចុងបញ្ចប់នៃកិច្ចប្រជុំ ប្រធាន APF-28 ប្រ៊ុយណេបានចេញសេចក្តីថ្លែងការណ៍ប្រធាន ស្តីពីលទ្ធផលនៃកិច្ចប្រជុំ៕
VOV/AMS
មតិពីមិត្តអ្នកអាន